Институт за човекови права ИЧП / Institute for Human Rights IHR

20/05/2026

🏛️ На 13 мај 2026 година беше одржан третиот состанок на Националното координативно тело за административна социјална правда на кој учествуваа претставници од Управниот суд; Државната комисија за одлучување во управна постапка од работен однос и инспекциски надзор во втор степен; ЈУ Меѓуопштински центар за социјална работа Скопје; Фонд за пензиско и инвалидско осигурување; претставник од правната клиника во рамките на ЈИЕ Универзитетот и претставници од Државниот управен инспекторат.

💬 На овој состанок се дискутираше за улогата на Државниот управен инспекторат преку вршење на редовни и вонредни надзори во работата на органите кои одлучуваат за социјални права, за пристапот до административна правда за лица со попреченост како и за практична примена на начелата и стандардите на административна социјална правда во работата на институциите и управните органи.

------------------
Оваа активност е дел од проектот „Иницијатива за административна социјална правда“, финансиски поддржан од Европската Унија.

19/05/2026

Партнерство за промени: Успешна работилница со нашите грантисти 🤝

На 7 и 8 мај, бевме домаќини на работилница посветена на нашите грантисти:
📍 Станица ПЕТ
📍 InSoC - Initiative for Social Change
📍 Центар за европска граѓанска иницијатива

Преку практични вежби и дискусија, се фокусиравме на:
➡️ Стратегии за застапување
➡️ Национални и меѓународни стандарди за административна социјална правда
➡️ Инструментите на Советот на Европа и Обединетите Нации за известување за состојбите во државата

Искуствата што ги споделија нашите партнери се доказ дека заедно можеме да влијаеме врз системските промени!

Следете нѐ за да дознаете повеќе за нивните проекти. 🔎

------------------

Оваа активност е дел од проектот „Иницијатива за административна социјална правда“, финансиски поддржан од Европската Унија.

05/05/2026

Блупринт групата го поздравува усвојувањето на новата резолуција на Парламентарното собрание на Советот на Европа (ПССЕ) која се однесува на унапредување на постапката за избор на судии во Европскиот суд за човекови права.

Прочитај повеќе 👇👇👇

05 Мај Известување за нови критериуми за избор на судија во Европскиот суд за човекови права Објавено 11:02h во Новости, Соопштениија by Блупринт група Блупринт групата...

24/04/2026

📅 На ден 15.4.2026 година беше одржана обука со ученици од осмо и деветто одделение на тема превенција, препознавање и санкционирање на говор на омраза и врсничко насилство.

👩‍🏫 Јавните обвинителки во своите излагања се осврнаа на правата, но и обврските и одговорностите на децата согласно Законот за правда на децата, додека пак психологот посвети внимание на препознавањето на говорот на омраза и врсничкото насилство и нивното влијание врз менталното здравје.

💬 Истиот ден беше одржана работилница со родители, наставен и стручен кадар од училиштето на која се разви дискусија за мерките коишто треба да се преземат и како да се работи со децата со цел да се превенира говор на омраза и врсничко насилство. Низ дискусија учесниците се осврнаа и на измените на Законот за основно образование и подзаконските акти кои се однесуваат на постапување при случаи на врсничко насилство.

------------------------

Овој проект е финансиски поддржан од Советот на Европа преку проектот „Борба против омразата и нетолеранцијата“, дел од заедничката програма на ЕУ и Совет на Европа, „Хоризонтален инструмент за Западен Балкан и Турција“.

24/04/2026

Блупринт групата за реформи во правосудството повторно ја изразува својата загриженост поради недоволното транспарентно постапување на Судскиот совет на Република Северна Македонија (ССРСМ) при усвојувањето на Извештај за работа за 2025 година.

На седницата Судскиот совет, даде многу оскудна и нецелосна презентација на Извештајот без да се издвојат јасни заклучоци и согледувања за состојбите во судството што придонесува кон тоа јавноста да не може да биде целосно запознаена со работата на Советот во 2025 година.

Граѓанските организации беа формално поканети на седницата, но без можност за суштинска вклученост во дискусијата.

Исто така, на самата седница, изостана аргументирана дискусија за суштинските прашања, при што преовладуваа општи и формални констатации без конкретни анализи и покрај тоа што дел од членовите инсистираа истите да бидат дел од извештајот.

👇👇👇
https://blueprint.org.mk/2026/04/23/%d1%80%d0%b5%d0%b0%d0%ba%d1%86%d0%b8%d1%98%d0%b0-%d0%bf%d0%be-%d0%bf%d0%be%d0%b2%d0%be%d0%b4-%d1%83%d1%81%d0%b2%d0%be%d1%98%d1%83%d0%b2%d0%b0%d1%9a%d0%b5-%d0%bd%d0%b0-%d0%b8%d0%b7%d0%b2%d0%b5%d1%88/

24/04/2026

16 Апр Реакција по повод нетранспарентното работење на Судски совет на РСМ на седницата одржана на 15 април 2026 Објавено 11:03h во Новости, Соопштениија by Блупринт група ...

22/04/2026

📅 На 7.4.2026 година беше одржана обука со ученици од осмо и деветто одделение од ООУ „Ѓорѓи Сугарев“ во Битола на тема превенција, препознавање и санкционирање на говор на омраза и врсничко насилство.

👩‍🏫 Психологот преку интерактивна комуникација со учениците успеа да ги мотивира да споделат свои видувања на различни ситуации поврзани со врсничко насилство и говор на омраза. Особено нè радува фактот што учениците знаат да препознаат врсничко насилство и говор на омраза, да ги дефинираат и разликуваат видовите на врсничко насилство како и каде и кому да пријават врсничко насилство и/или говор на омраза. Јавните обвинителки во своите излагања се осврнаа на правата, ги запознаа учениците со нивните одговорности, но и со казните предвидени согласно Законот за правда на децата доколку извршат врсничко насилство.

💬 Истиот ден беше одржана работилница со родители, наставен и стручен кадар од училиштето на која се разви дискусија за мерките коишто треба да се преземат и како да се работи со децата со цел да се превенира говор на омраза врсничко насилство како и кој пристап да се избере. Дискусијата се осврна и на аспектите поврзани со креирање на средина на безбедно училиште и обврската за пријавување на случаи на врсничко насилство и говор на омраза кои се случуваат во рамките на училиштето.

------------------------

Овој проект е финансиски поддржан од Советот на Европа преку проектот „Борба против омразата и нетолеранцијата“, дел од заедничката програма на ЕУ и Совет на Европа, „Хоризонтален инструмент за Западен Балкан и Турција“.

23/03/2026

📅 На ден 11.3.2026 година во ООУ „Кочо Рацин“ Скопје беше одржана обука со ученици од осмо и деветто одделение на тема превенција, препознавање и санкционирање на говор на омраза и врсничко насилство.

👩‍🏫 Јавните обвинителки во своите излагања се осврнаа на правата, но и на обврските и одговорностите на децата согласно Законот за правда на децата, додека пак психологот посвети внимание на препознавањето на говорот на омраза и врсничкото насилство и нивното влијание врз менталното здравје.

💬 Истиот ден беше одржана работилница со родители, наставен и стручен кадар, на која се разви дискусија за мерките коишто треба да се преземат и како да се работи со децата за да се превенира говорот на омраза и врсничкото насилство.

------------------------

Овој проект е финансиски поддржан од Советот на Европа преку проектот „Борба против омразата и нетолеранцијата“, дел од заедничката програма на ЕУ и Совет на Европа, „Хоризонтален инструмент за Западен Балкан и Турција“.

12/03/2026

🔑 Управните постапки се бидат клучни за остварување на вашите права, но честопати се збунувачки.

🏛 Овој памфлет ги објаснува основите термини за полесно да се снаоѓате во административните лавиринти.

Прочитајте повеќе 👇

11/03/2026

🤔 Не сте сигурни како се одвива постапката пред јавните органи?

📖 Прочитајте го нашиот памфлет за да дознаете што можете да очекувате и како да ги заштитите вашите права. 👇