Атриум

Directions

Атриум A Skopje based arts organisation focused on production of theatre, interdisciplinary, audiovisual and research based projects.
// est. 2021

Нашата примарна визија е да се позиционираме како препознатлива организација во полето на уметничките и социопсихолошките истражувања, воедно и како активни чинители во продукцијата на перформативни и едукативни настани.

Целиме кон успешно вмрежување на локално и меѓународно ниво, изразувајќи отвореност за развојот на мултидисциплинарни активности и проекти, со цел поттикнување на различни перцепции и искуства.

Како здружение, се стремиме да развиеме свесност за постоењето на културолошки, јазични и бихејвиорални разлики, да промовираме талент и потенцијал на разни индивидуи, и да изразиме поддршка и соработка со припадници на маргинализирани општествени групи.

Нашите стратешки цели и активности се:

- Развој на истражувачки театарски проекти
- Социопсихолошки истражувачки проекти
- Откривање нови можности и практики во областа на архитектурата
- Адаптација и локализација на драмски текстови, од домашни и странски автори
- Анализа на ефектите на музиката и други уметнички изрази и правци врз развојот на поединецот и општеството
- Истражувања со цел придонес кон развојот на образованието и образовните практики

----------------------------------------------------------

Our primary vision is to be established as a renowned organization in the field of artistic and socio-psychological researches, as well as active participants in the production of performative and educational projects. We aim towards prosperous networking on local and international basis, expressing openness for the development of multidiscipline activities and projects, in order to initiate different perceptions and experiences. As an association, we will strive to raise civil awareness of the existence of various linguistic, cultural and behavioral differences, to promote the talent and potential of diverse individuals and to support members of marginalized societal groups. Our strategic goals and activities are:

- Developing research based theatrical projects
- Socio-psychological research projects
- Exploring architectural possibilities and practices
- Drama adaptation and localization, from local and international authors
- Researching the effects of music and other artistic expressions over the individual and societal development
- Research for the purposes of improving education and educational practices

🪴 Со радост ви споделуваме дека новата театарска претстава на Атриум „Штета би било да свенат цвеќињата“ според истоимен...
19/10/2026

🪴 Со радост ви споделуваме дека новата театарска претстава на Атриум „Штета би било да свенат цвеќињата“ според истоимената драма од хрватскиот автор Ивор Мартиниќ е веќе во продукција.

👐 Креативниот колектив зад процесот го сочинуваат: Наташа Петровиќ и Бојан Кирковски (актери), Дамјан Читкушев (режисер), Дино Чупевски (продуцент) и Лука Тошев (композитор).

Премиерата е планирана кон крајот на ноември во куќата на The Dude. 🪴

// Проектот е поддржан од Министерството за култура и туризам на Македонија.

„Osjećaji pripadnosti“ | Zamišljanje nemogućeg muzejaKako bi izgledala jedna izložba kada ne bi postojala prostorna, pro...
13/10/2026

„Osjećaji pripadnosti“ | Zamišljanje nemogućeg muzeja

Kako bi izgledala jedna izložba kada ne bi postojala prostorna, produkcijska ili finansijska ograničenja? I šta možemo naučiti iz takve zamisli kada se vratimo stvarnim mogućnostima njene realizacije?

👐 U okviru regionalnog umjetničkog programa u Skoplju, vizuelni umjetnik Bojan Stojčić održao je radionicu posvećenu kustoskim pristupima i zajedničkom osmišljavanju završnih izložbi.

Polazeći od ideje „nemogućeg muzeja“, učesnici su istraživali mogućnosti predstavljanja svojih umjetničkih radova izvan unaprijed zadanih okvira. Kroz kolektivno zamišljanje, razgovor i razmjenu, otvorili smo prostor za slobodno razvijanje ideja koje će u nastavku poslužiti kao polazna tačka za oblikovanje izložbi u Skoplju, Sarajevu i Beogradu.

„Osjećaji pripadnosti“ / Senses of Belonging Skoplje · Sarajevo · Beograd

// Projekat je podržan od strane Regionalne kancelarije za saradnju mladih (RYCO).

~МК~

„Чувства на припадност“ | Замислување на невозможниот музеј

Како би изгледала една изложба доколку не постојат просторни, продукциски или финансиски ограничувања? И што можеме да научиме од таквата замисла кога ќе се вратиме на реалните можности за нејзино остварување?

👐 Во рамки на регионалната уметничка програма во Скопје, визуелниот уметник Бојан Стојчиќ одржа работилница посветена на кураторските пристапи и заедничкото конципирање на завршните изложби.

Поаѓајќи од идејата за „невозможен музеј“, учесниците ги истражуваа можностите за претставување на своите уметнички дела надвор од однапред зададените рамки. Преку колективно замислување, разговор и размена, отворивме простор за слободно развивање на идеи, кои понатаму ќе послужат како појдовна точка за обликување на изложбите во Скопје, Сараево и Белград.

📸 Марко Марјановиќ

„Чувства на припадност“ / Senses of Belonging
Скопје · Сараево · Белград

// Проектот е поддржан од Канцеларијата за регионална младинска соработка (RYCO).

„Чувства на припадност“ | Присуството како аспект на припадноста👐 Дали припаѓаме затоа што сме присутни или стануваме пр...
12/10/2026

„Чувства на припадност“ | Присуството како аспект на припадноста

👐 Дали припаѓаме затоа што сме присутни или стануваме присутни затоа што припаѓаме е прашањето што го постави театарската режисерка Хана Миленковска која одржа работилница во рамки на регионалната програма во Скопје.

Хана во заедништво со учесниците, го контекстуализираше нејзиното повеќегодишно истражување на припадноста преку внимателно одредени театарски методолошки пристапи.

Работилницата отвори простор за преиспитување на начините на кои ја доживуваме припадноста, не само како чувство или идентитетска одредница, туку и како искуство што постојано се создава низ нашите меѓусебни односи. 🫂

„Чувства на припадност“ / Senses of Belonging
Скопје · Сараево · Белград

📸 Марко Марјановиќ

// Проектот е поддржан од Канцеларијата за регионална младинска соработка (RYCO).

„Чувства на припадност“ | ОживеаностаШто значи да се биде жив, и на кои сѐ начини оживеаноста се манифестира?Во рамки на...
11/10/2026

„Чувства на припадност“ | Оживеаноста
Што значи да се биде жив, и на кои сѐ начини оживеаноста се манифестира?

Во рамки на регионалната уметничка програма во Скопје, трансдисциплинарната уметница Клелија Живковиќ одржа сесија посветена на истражувањето на оживеаноста (aliveness) како телесно искуство, желба, но и од политичка и социоекономска позиција.

👐 Поаѓајќи од сопствената уметничка практика, низ квир перспективи и заедничко размислување, отворивме прашања за меѓусебната поврзаност на живиот свет и можностите за замислување поинакви реалности и начини на постоење.

📸 Марко Марјановиќ

„Чувства на припадност“ / Senses of Belonging
Скопје · Сараево · Белград

// Проектот е поддржан од Канцеларијата за регионална младинска соработка (RYCO).

Kako prevodimo osećanja i misli u konkretne umetničke ideje? I kako biramo medij kroz koji ih najbolje možemo izraziti? ...
11/10/2026

Kako prevodimo osećanja i misli u konkretne umetničke ideje? I kako biramo medij kroz koji ih najbolje možemo izraziti? 🫂

U okviru regionalnog programa u Skoplju, reditelj Stevan Filipović održao je radionicu posvećenu razvoju individualnih autorskih koncepata učesnika.

👐 Kroz razgovor, razmenu i zajedničko preispitivanje, istraživali smo mogućnosti oblikovanja ličnih iskustava, fragmentarnih misli i osećanja u umetničke forme.

Proces se nastavlja postepenim oblikovanjem individualnih radova koji će biti predstavljeni u okviru završnih grupnih izložbi u Skoplju, Sarajevu i Beogradu.

„Osećaji pripadnosti“ / Senses of Belonging Skopje · Sarajevo · Beograd

// Projekat je podržan od strane Regionalne kancelarije za saradnju mladih (RYCO).

„Чувства на припадност“ | Градот како сцена на историски и современи интерпретацииКако се вкрстуваат сеќавањата и припад...
11/10/2026

„Чувства на припадност“ | Градот како сцена на историски и современи интерпретации

Како се вкрстуваат сеќавањата и припадноста во град што постојано се преобразува? 〰️〰️

👐 Во рамки на регионалната уметничка програма во Скопје, со Дино Чупевски прошетавме низ централното градско јадро, отворајќи прашања за третманот на културното и уметничкото наследство низ различните урбанистички и идеолошки слоеви на градот - од бруталистичката и модернистичката архитектура до интервенциите во малиот ринг од проектот „Скопје 2014“.

Разговаравме за надреално рапидната трансформација на центарот, за начинот на кој јавниот простор ги обликува нашите сеќавања и за тоа како турбокапитализмот и етнонационализмот ги (ре)контекстуализираат реалностите во кои живееме.

Прошетката стана повод да размислуваме за градот не само како физички простор, туку и како поле на различни, понекогаш спротивставени претстави за минатото, сегашноста и заедничката иднина.

📸 Марко Марјановиќ

„Чувства на припадност“ / Senses of Belonging
Скопје · Сараево · Белград

// Проектот е поддржан од Канцеларијата за регионална младинска соработка (RYCO).

„Чувства на припадност“ | Скопје👐 Започна регионалната уметничка програма во Скопје, во рамки на која младите учесници, ...
10/10/2026

„Чувства на припадност“ | Скопје

👐 Започна регионалната уметничка програма во Скопје, во рамки на која младите учесници, практичари од Северна Македонија, Србија и Босна и Херцеговина се поврзуваат низ заеднички процес на истражување, размена и уметничко создавање.

Првата сесија, водена од истражувачката и активистка Јана Коцевска, беше посветена на историјата и значењето на Антифашистичкиот фронт на жените (АФЖ), општествените промени што ги поттикнало женското движење за време на Втората светска војна во регионот, но и децениите потоа, вклучително и за можностите што ова историско наследство ги отвора за преиспитување на современоста.

Посетата на споменикот посветен на борката Оливера Јоциќ, отвори простор за размислување за тоа како (не) се паметат и се маргинализираат улогите и суштественоста на женските движења, особено во контекст на историскиот ревизионизам.

Во текот на овие денови колективно истражуваме како сеќавањата, идентитетот и припадноста се испреплетуваат и како уметничките процеси можат да отворат простор за нивно критичко преиспитување.

📷 Марко Марјановиќ

👐 Благодарност до за солидарноста и отстапениот работен простор.

„Чувства на припадност“ / Senses of Belonging
Скопје · Сараево · Белград

// Проектот е поддржан од Канцеларијата за регионална младинска соработка (RYCO).

Припаѓаме? Кому, каде и како? 👐 Заедно со нашите учесници во проектот „Чувства на припадност“ работиме на уметничко истр...
01/10/2026

Припаѓаме? Кому, каде и како?

👐 Заедно со нашите учесници во проектот „Чувства на припадност“ работиме на уметничко истражување на искуствата што ги обликуваат нашите претстави за себе и за заедницата.

Процесот во Скопје го водат Хана Миленковска и Дино Чупевски, а веќе се занимаваме со прашања на современото авторство и го истражуваме, на лично и колективно ниво, одразот на етнонационализмот во современото македонско општество врз процесите на себеспознавање, формирањето на идентитетите и начините на кои, воопшто, формираме чувства на припадност во микро и макрокосмосите.

Проблематиките ги разгледуваме интерсекциски, низ разговор, истражување и интердисциплинарни методолошки пристапи, постепено отворајќи простор секој од учесниците да ја пронајде својата перспектива и начин на изразување.
Од овие процеси постепено ќе произлезат и поединечните уметнички дела на младите автори, кои ќе бидат претставени во рамки на заеднички групни изложби во Скопје, Сараево и Белград, заедно со колеги од регионот.

Ова се само почетоците на нашето истражување и создавање.

📷 Марко Марјановиќ
🙏 Благодарности до другарите од .specialtycoffee & за домаќинлакот.

„Чувства на припадност“ / “Senses of Belonging“
Скопје · Сараево · Белград

// Проектот „Чувства на припадност“ го реализираат Атриум (Скопје), .sarajevo (Сараево) и .teatar (Белград).
Проектот е поддржан од Канцеларијата за регионална младинска соработка (RYCO).

👐 ПРЕМИЕРА НА „ЗЕМЈИШТЕ“ ВО ЈАДРОСо проекцијата и кино-форумот во Скопје, го заокружуваме овој патувачки циклус на парти...
27/09/2026

👐 ПРЕМИЕРА НА „ЗЕМЈИШТЕ“ ВО ЈАДРО

Со проекцијата и кино-форумот во Скопје, го заокружуваме овој патувачки циклус на партиципативниот експериментален филм „Земјиште“.

Во изминатиот период филмот го споделивме со публика во Битола, Прилеп, на фестивалот ВИА во Вртешка и во КСП Јадро во Скопје, отворајќи разговори околу тематските одредници, согледувањата и колективното авторство.

Со скопската проекција ја претставивме и публикацијата што произлегува од истражувачкиот и создавачкиот процес во рамки на проектот „Интергенерациски визуелни траектории“. Таа го документира процесот на работа со интергенерацискиот колектив од Битола и ги собира методите, искуствата и размислувањата што го придружуваа создавањето на филмот.

За нас, ова е уште еден начин партиципативниот процес да продолжи да се споделува - овојпат и низ запис за она што се случуваше во текот на работата во Битола и поширокиот пелагониски регион.

🙌 Ви благодариме на сите што бевте дел од создавањето, досегашните проекции, разговори и средби.

📷 Во продолжение, неколку фото впечатоци од проекцијата и кино-форумот во Скопје на фотографот Марко Марјановиќ.

Играат:
Јасна Весиќ
Татјана Јовановска
Христина Србиноска
Софија Кутлешовска
Ана Тамбура

Асистенти на сет:
Андреа Гроздановска
Михаил Спасевски

Режија и монтажа: Ивана Мирчевска
Сценарио: Калија Киселички
Камера: Исток Чаповски
Aнимација, дизајн на плакат и насловна илустрација за публикацијата: Ивана Мирчевска
Дизајн на звук: Марко Рикалоски
Снимател на VO: Александар Томевски
Дизајн на публикација: Стефан Танков
Автори на текстови во публикација: Јованка Попова, Ивана Мирчевска, Калија Киселички, Дино Чупевски
Продуцент: Дино Чупевски

// Проектот „Предочени различности“ е поддржан во рамки на проектот „Култура за развој“ на Владата на Швајцарија, кој се имплементира од Хартефакт Фонд.

Проектот „Интергенерациски визуелни траектории“ е поддржан од Министерството за култура и туризам на РС Македонија.

Благодарност до Utrinska na Telma / Утринска на Телма за медиумската поддршка. 👐 Ве очекуваме во петок на „ЗЕМЈИШТЕ“ [Пр...
24/09/2026

Благодарност до Utrinska na Telma / Утринска на Телма за медиумската поддршка.

👐 Ве очекуваме во петок на „ЗЕМЈИШТЕ“ [Премиера во Скопје]

Se alla dina favoriter bland videor och musik, ladda upp originalinnehåll och dela allt med vänner, familj och hela världen på YouTube.

Address

Skopje

Website

Alerts

Be the first to know and let us send you an email when Атриум posts news and promotions. Your email address will not be used for any other purpose, and you can unsubscribe at any time.

Shortcuts

Share