Caucasian House კავკასიური სახლი

19/06/2026

მჭელი კავკასიურ სახლში

11/06/2026

დიდი მადლობა თბილისის ინგუშური კულტურის ცენტრს და განსაკუთრებით ქალბატონ მარიამ ბეჟიტაშვილს ასეთი ძვირფასი საჩუქრისთვის

Mariam Bezhitashvili

08/06/2026

„ბავშვები ბავშვებისთვის“

6 ივნისს “კავკასიურმა სახლმა“ უმანსპინძლა სოფელ ნიქოზის ალ. ოქროპირიძის სახელობის სახელოვნებო სკოლის მოსწავლეებს, რომლებმაც მაღალ დონეზე შეასრულეს ქართული ხალხური სიმღერები.
ეს რა თქმა უნდა, პირველ რიგში, გუნდის შესანიშნავი ხელმძღვანელის ნიკოლოზ ნებიერიძის დამსახურებაა.
ამ ღონისძიებას დიდი მნიშვნელობა კიდევ იმიტომ ჰქონდა, რომ ნიქოზელ მომღერლებს „კავკასიურ სახლში“ თბილისის „ქართული ხმების“ სტუდიის მომღერალი ბავშვების გუნდი შეეგება, რომელმაც მსმენელებს ხალხური სიმღერების სხვა რეპერტუარი შესთავაზა და ასევე შესრულების მაღალი კლასი აჩვენა.

ამ გუნდს კი ხელმძღვანელობენ „კავკასიური სახლის“ აღმასრულებელი დირექტორი, სიმღერის მასწავლებელი ნანა აბზიანიძე და „ქართული ხმების“ უფროსი თაობის სოლისტი და ლოტბარი ვასილ დოლიძე.

განსაკუთრებით შთამბეჭდავი იყო ორივე გუნდის მიერ ყოველგვარი რეპეტიციის გარეშე შესრულებული მრავალჟამიერი.

და ასევე სპონტანურად შესრულებული „თბილისო“, რომელიც მიეძღვნა „კავკასიური სახლის“ დიდ მეგობარს, გერმანელ ქველმოქმედ იორგ ჰენლეს, რომლის ფონდი „ჰორიზონტი“ უკვე 30 წელია ფინანსურად ეხმარება ჩვენს ორგანიზაციას და სხვა დიდი კულტურული პროექტებიც აქვს დაფინანსებული საქართველოში.

იორგ ჰენლეს ისე უყვარდა საქართველო, რომ სიკვდილის წინ ქართულ სიმღერებს უსმენდა: „თბილისოს“ და „სულიკოს“. მის გასვენებაშიც ეს სიმღერები გაისმოდა.

სტუმრებზე ძალიან იმოქმედა ამ ინფორმაციის მოსმენამ და მომღერალმა ბავშვებმა განაცხადეს, რომ უკეთესად შეისწავლიდნენ ამ ორ სიმღერას და შემდეგ შეხვედრაზე შეასრულებდნენ. დარწმუნებული ვართ, ასეც იქნება.

ბავშვებმა ერთმანეთი გაიცნეს და იმედია, მომავალშიც იმეგობრებენ.

„კავკასიური სახლის“ საქმიანობის ერთ-ერთი მნიშვნელოვანი მიმართულება იმთავითვე იყო თბილისისა და სხვა და სხვა სოფლების მოზარდების ერთმანეთთან დაკავშირება, რაც ტრადიციულად შაბათ-კვირის სკოლის ფარგლებში ხორციელდებოდა.

ეს სკოლა მრავალი წლის მანძილზე კავკასიური სახლის ცენტრალურ ოფისში ფუნქციონირებდა. ახლა კი იგი სახლის ფილიალში - სოფელ ზემო მაღაროშია გადატანილი.

6 ივნისის ძალიან კარგი ღონისძიების ორგანიზატორს, ქალბატონ ნანა აბზიანიძეს და მთელ კავკსიურ სახლს, დაგეგმილი აქვთ თბილისელი და ნიქოზელი ბავშვების რიგრიგობით ჩაყვანა სოფელ ზემო მაღაროში, სოლომონ დოდაშვილის სახელობის სასწავლებელში. აქაც ახალი ხიდები გაიდება თბილისისა და სოფლის მოზარდებს შორის.

მადლობა ყველას, ვინც ქართული ხალხური სიმღერის შენარჩუნებას ემსახურება და ბავშვებს მათ სიყვარულს უნერგავს.

ესენი კი არიან როგორც მასწავლებლები, ასევე მშობლებიც, რომლებიც თავს არ იზოგავენ იმისთვის, რომ ბავშვებმა წინაპრების დიდი ხელოვნება გააგრძელონ.

06/06/2026

31/05/2026

🗓️2026 წლის 30 აპრილს, კულტურულ ურთირთობათა ცენტრ "კავკასიური სახლის" იორგ ჰენლეს სახელობის დარბაზში ჩატარდა ისტორიის დოქტორანტის, თეოლოგის, კულტურული მეხსიერებისა და რელიგიური იდენტობის მკვლევრის, დანიელ ოქროპირიძის საჯარო ლექცია „ქრისტიანული კავკასია“.
📖ლექცია შეეხებოდა კავკასიის მედიევალური რეალიების გააზრებას ქრისტიანული კულტურული მეხსიერების, ისტორიულ და პოლიტიკურ საფუძვლებზე, განხილული იქნა ქრისტიანობის გავრცელების პერიოდები რეგიონში, ეკლესიისა და სახელმწიფოს ურთიერთობა, მონასტრული კულტურა და კავკასიის ადგილი აღმოსავლეთსა და დასავლეთს შორის არსებულ ცივილიზაციურ სივრცეში.
📖ლექციის მიზანი ასევე გახლდათ თანამედროვე ეპოქაში ქრისტიანული იდენტობის ტრანსფორმაციის, ისტორიული მეხსიერების მნიშვნელობის გაცნობიერება და პასუხი კითხვაზე — შესაძლებელია თუ არა დღეს „ქრისტიანული კავკასიის“ იდეის ხელახალი გააზრება, როგორც კულტურული და ცივილიზაციური ერთობის საფუძველი.
📖ლექციის შემდეგ გაიმართა დისკუსია. დარბაზში მყოფმა ახალგაზრდებმა საინტერესო კითხვები დაუსვეს ლექტორს, რაზედაც მათ ამომწურავი პასუხები მიიღეს და ხაზი გაუსვეს ამგვარი და თემებისა და საკითხების საჯარო სივრცეში განხილვისა და მათ გარშემო დისკუსია--დებატების გამართვის მნიშვნელობას.

დანიელ ოქროპირიძე კავკასიური სახლისა და მისი „სახალხო უნივერსიტეტის“ მუდმივი მსმენელი და მეგობარია. მას არაერთხელ მიუღია მონაწილეობა იორგ ჰენლეს დარბაზში გამართულ დისკუსია დებატებში ისეთ თემებზე, რომლებიც ეძღვნებოდა კავკასიელი ხალხების ისტორიას, ქართულ-კავკასიურ სამეცნიერო და კულტურულ უთიერთობებს, კავკასიის რეგიონის მულტიეთნიკურ და კონფესიურ მრავალფეროვნებას, რისი გააზრებასაც დიდი მნიშვნელობა ენიჭება კავკასიის, როგორც ერთიანი კულტურული და ცივილიზაციური ერთობის გასააზრებლად.
წლების განმავლობაში იგი გახლავთ „სახალხო უნივერსიტეტის“ ახალგაზრდული ლიტერატურულ-საზოგადოებრივი ალმანახ „ჩვენი სამყაროს“ სამეცნიერო ნაწილის რედქტორი.
კავკასიური სახლის სახალხო უნივერსიტეტის ადმინისტრაცია მადლობას უხდის ბატონ დანიელ ოქროპირიძეს ხანგრძლივი და ნაყოფიერი თანამშრომლობისათვის.

18/05/2026

📢ანონსი ქუთაისში მაცხოვრებელი გერმანისტებისთვის!

"Nugesha Gagnidze
ძვირფასო მეგობრებო, კოლეგებო და სტუდენტებო,
19 მაისს, 14:00 საათზე, აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის ბიბლიოთეკაში, „გოეთეს დღეების“ ფარგლებში, გაიმართება უაღრესად მნიშვნელოვანი წიგნის წარდგენა:
„Giwi Margwelaschwili – Ich bin eine Buchperson“.
წიგნის შექმნის იდეის ავტორი გახლავთ ცნობილი მწერალი, გერმანისტი და მთარგმნელი, ქალბატონი ნაირა გელაშვილი. იგი კულტურულ-საგანმანათლებლო ცენტრმა „კავკასიურმა სახლმა“ გამოსცა. მასში თავმოყრილია გივი მარგველაშვილის 92 ნაკლებად ცნობილი და უცნობი ლექსი და მინიატურა, რომელთა ნაწილიც პირადად მოვიძიე და შევაგროვე მარბახის გერმანული ლიტერატურის არქივში (გერმანია). კრებულში სიმბოლურად 92 ტექსტი შევიდა, ვინაიდან ბატონი გივი 92 წლის ასაკში გარდაიცვალა. ჩემთვის განსაკუთრებული პატივია ამ არაჩვეულებრივი წიგნის რედაქტორობა და წინასიტყვაობის ავტორობა.
ღონისძიებაზე გერმანული ენისა და ლიტერატურის სპეციალობის მესამე კურსის სტუდენტები წაიკითხავენ როგორც გერმანულენოვან ორიგინალებს, ისე მათ ჩემეულ ქართულ თარგმანებს.
გეპატიჟებით! 🌺
Liebe Freunde, Kolleginnen und Kollegen, liebe Studierende,
am 19. Mai, um 14:00 Uhr findet in der Bibliothek der Fakultät für Geisteswissenschaften der Staatlichen Akaki-Tsereteli-Universität im Rahmen der „Goethe-Tage“ die Präsentation eines bedeutenden Buches statt: „Giwi Margwelaschwili – Ich bin eine Buchperson“.
Die Idee zu diesem Buch stammt von der bekannten Schriftstellerin, Germanistin und Übersetzerin, Frau Naira Gelaschwili. Der Sammelband wurde vom Kultur- und Bildungszentrum „Kaukasisches Haus“ herausgegeben. Er vereint 92 weniger bekannte und unbekannte Gedichte und Miniaturen von Giwi Margwelaschwili, von denen ich einen Teil persönlich im Deutschen Literaturarchiv Marbach recherchiert und gesammelt habe. Dass das Buch symbolisch genau 92 Texte enthält, liegt daran, dass Herr Giwi im Alter von 92 Jahren verstorben ist. Es ist mir eine besondere Ehre, dieses außergewöhnliche Werk als Herausgeberin betreut und das Vorwort dazu verfasst zu haben.
Während der Veranstaltung werden Studierende des dritten Studienjahres des Fachbereichs Deutsche Sprache und Literatur sowohl die deutschsprachigen Originale als auch die von mir ins Georgische übertragenen Übersetzungen vortragen.
Zu dieser Veranstaltung laden wir Sie alle ganz herzlich ein!🌺"

30/04/2026

📕 ამა წლის 26 აპრილს კავკასიური სახლის იორგ ჰენლეს სახელობის დარბაზში გაიმართა პოეზიის საღამო, რომელშიც მონაწილეობა მიიღეს კავკასიური სახლის სახლხო უნივერსიტეტის სტუდენტური ალმანახ „ჩვენი სამყაროს" ავტორებმა, რომელთა პოეტური ნამუშევრებიც ჩვენი გამოცემის სხვადასხვა ნომრებში დროდადრო იბეჭდებოდა.
📕 შეხვედრას უძღვებოდა ახალგაზრდული ალმანახ „ჩვენი სამყაროს“ მთავარი რედაქტორი მიხო ბეროშვილი.
📕 მისალმების შემდეგ მან აღნიშნა, რომ რამოდენიმე წლის განმავლობაში ალმანახმა საკმაო პოპულარობა მოიპოვა და ეს სწორედაც რომ იმ ავტორების დამსახურებაა, რომლებიც თავიანთ შემოქმედებას მის ფურცლებზე აქვეყნებდნენ.
📕🌿🌿სწორედ ალმანახის 2024 წლის ნომერში გამოქვეყნებული ლექსებით იქნა წარდგენილი პოეტი ლარა შუკვანი წინანდლის პრემიის მოსაპოვებლად, სადაც მან სხვა ნიჭიერ კონკურსანტებთან პაექრობაში მთავარი ლიტერატურული პრემია მოიპოვა.
📕ამ დღეს კი პოეზიის მოყვარულებით გადავსებულ აუდიტორიას თავიანთი შემოქმედება გააცნეს:
🔹 ლალი ჭეშმარიტაშვილმა
🔹თინათინ მეტრეველმა
🔹ლარა შუკვანმა
🔹ანიტა ტაბატაძემ
🔹თამთა მუმლაძემ
🔹ნინი ართილაყვამ
🔹ნათია გოჯორაშვილმა
🔹ლუკა კილასონიამ.
📕ახალგაზრდა ავტორებს მიესალმა და მომავალში კიდევ უფრო მეტი წარმატებები უსურვა, თბილისის ივანე ჯავახიშვილის სახელობის სახელმწიფო უნივერიტეტის პროფესორმა, სტუდენტების, მაგისტრანტების უსაყვარლესმა ლექტორმა ხვთისო მამისიმედიშვილმა.
📕დასასრულს ავტორებს და დამსწრე აუდიტორიას, რომელთა უმეტესობაც სხვადსხვა დროს სწორედ ჩვენი „სახალხო უნივერსიტეტის“ მსმენელები იყვნენ, მიესალმა ამ საგანმანათლებოლო პროექტის კოორდინატორი, ენათმეცნიერი-კავკასიოლოგი თამარ უჯუხუ. მან უპირველესად, მადლობა გადაუხადა ახალგაზრდა, ნიჭიერ ავტორებს, მიულოცა წარმატება და შემოქმედებით წინსვლა უსურვა მათ. ქალბატონმა თამარმა დიდი მადლობა გადაუხადა ასევე „სახალხო უნივერიტეტის“, ყოფილ მსმენელებს, რომელთაც სხვადასხვა დროს გაიარეს ეს კურსი და თავი გამოიჩინეს, როგორც ახალგაზრდა მკვლევრებმა.
📕პოეზიის საღამომ სრული ანშლაგით ჩაიარა და დიდი მოწონებაც დაიმსახურა მრავალრიცხოვანი აუდიტორიის მხრიდან.

27/04/2026

📅 2026 წლის 26 აპრილი

🪶🪶პოეზიის საღამო "კავკასიურ სახლში" 🪶🪶

იორგ ჰენლეს სახელობის დარბაზში გაიმართა პოეზიის საღამო რომელშიც მონაწილეობა მიიღეს კავკასიური სახლის სახლხო უნივერსიტეტის სტუდენტური ალმანახ “ჩვენი სამყაროს" ავტორებმა, რომელთა პოეტური ნამუშევრებიც იბეჭდებოდა ჩვენი გამოცემის სხვადასხვა ნომრებში.

5 likes, 2 comments. "პოეზიის საღამო კავკასიური სახლის სახალხო უნივერსიტეტის ალმანახ "ჩვენი სამყაროს" ავტორთა მონაწილეობით"

26/04/2026

🏠 25 აპრილს სოფელ ზემო მაღაროში, სოლომონ დოდაშვილის სახელობის საგანმანათლებლო ცენტრში "კერა" ვუმასპინძლეთ 26 კაციან სტუმართა ჯგუფს გერმანიიდან.
📚გერმანელი სტუმრები სპეციალურად ეწვივნენ კერას ნაირა გელაშვილის ლექციის მოსასმენად.
📚ლექცია ეხებოდა "კავკასიური სახლის" ისტორიასა და მნიშვნელობას. აგრეთვე ბავშვების აღზრდისა და განათლების პრობლემებს.
🏠 სტუმრები გაეცნენ "კავკასიური სახლის" მუშაობას სოფელი ნუკრიანსა და ზემო მაღაროში, რასაც უკვე 30 წლიანი ისტორია აქვს; დაათვალიერეს კერის კამპუსი და გარემო.
📚🎧☕საუბარმა და დისკუსიამ გასტანა 2 საათს.

~~~~~~~~~~~~~~~~~~~~~~~~~~~~~~~~~~

🔹სოლომონ დოდაშვილის სახელობის საგანმანათლებლო ცენტრი "კერა" სოფელ მაღაროში დაარსდა 2019 წელს.
🔹მწერალი უშუალოდ ხელმძღვანელობს კერის საგანმანათლებლო პროგრამას.

#კავკასიურისახლი

#ნაირაგელაშვილი
#კერა
#წიგნები