Saúde Mental Feafes Galicia

29/10/2026

🛒 Este mes, coa túa compra en Eroski podes axudar ás persoas con problemas de saúde mental.

👉🏼 A campaña Céntimos Solidarios de Eroski colabora desde hoxe ata o 25 de novembro (agás os días 13,14 e 15) co noso "Proxecto Mara". Un programa de intervención integral dirixido a mulleres cun problema de saúde mental que busca fomentar a súa autonomía persoal e promover a súa inclusión social e comunitaria.

Para colaborar, soamente terás que darlle ao "si" no datáfono cando fagas a túa compra en Eroski✅ Cada céntimo conta 🫶🏼

Podes coñecer máis sobre o Proxecto Mara aquí ➡️ https://feafesgalicia.org/gl/novas/a-tua-compra-en-eroski-pode-axudar-as-persoas-con-problemas-de-saude-mental/

28/10/2026

Queremos transmitir o noso máis sincero pesar polo tráxico accidente ferroviario sucedido esta mañá en Toledo.

Trasladamos o noso apoio e condolencias ás familias e amizades das persoas falecidas. E agardamos que as feridas e afectadas teñan unha recuperación o máis pronta posible.

Pedimos tamén que a difusión e información que se dea sobre este suceso sexa respectuosa. Coidemos moi especialmente nestes momentos a saúde mental tanto das persoas afectadas como das súas familias, amizades e de toda a comunidade.

28/10/2026

“A inclusión real é que poida recuperar o seu lugar na comunidade, sentirse parte, vivir con dignidade.”- Adrián Varela, técnico de Saúde Mental FEAFES Galicia.

🏚️Quedar sen fogar non é soamente carecer dunha vivenda. Tamén implica afrontar situacións de vulnerabilidade, exclusión e dificultades para exercer plenamente os noso dereitos. Se ademais se suma que a persoa teña algún tipo de problema mental, a situación agrávase.

🫱🏼‍🫲🏼Por iso, levamos a cabo o programa "Persoas sen fogar", no que atendemos a 15 persoas con problemas de saúde mental que se atopan en situación de exclusión residencial grave ou sen fogar.

ℹ️Este programa é unha iniciativa de interese xeral para fins de carácter social a cargo da asignación tributaria do 0,7% do IRPF da Xunta de Galicia a través da Consellería de Política Social e Igualdade. Igualdade en Galicia

Coñece máis sobre o programa➡️

En Saúde Mental FEAFES Galicia desenvolvemos o programa “Persoas sen fogar” que atende a persoas con enfermidade mental grave en situación de extrema vulnerabilidade

27/10/2026

Os datos do "Estudo diagnóstico da atención á saúde mental en Galicia", que realizamos da man de Enxame S. Coop. Galega , reflicten que a atención pública á saúde mental é insuficiente en relación ás necesidades reais das persoas usuarias.

Neste contexto, a nosa federación e as asociacións federadas convertémonos no apoio de referencia para moitas persoas con problemas de saúde mental e as súas familias.

Queres coñecer cal é o papel do movemento asociativo dentro do sistema de atención á saúde mental en Galicia?

ℹ️ Consulta estes e outros datos na nosa web ➡️ https://feafesgalicia.org/gl/novas/estudo-diagnostico-da-atencion-a-saude-mental-en-galicia/

26/10/2026

🗣️ "Gústanos pensar que afectamos moi positivamente na vida das persoas"

👉🏼 Xaime Figueroa, presidente de Saúde Mental FEAFES Galicia, explica a importancia da labor das asociacións no sistema de atención á saúde mental en Galicia.

📑Estes e outros datos están recollidos no noso "Estudo diagnóstico da atención á saúde mental en Galicia." que realizamos da man de Enxame S. Coop. Galega

Podes consultar o documento completo na nosa web ➡️ https://feafesgalicia.org/gl/novas/estudo-diagnostico-da-atencion-a-saude-mental-en-galicia/

22/10/2026

‼️As asociacións A Creba Saúde Mental e 𝗔𝘀𝗼𝗰𝗶𝗮𝗰𝗶𝗼́𝗻 𝗦𝗮𝘂́𝗱𝗲 𝗠𝗲𝗻𝘁𝗮𝗹 𝗔 𝗠𝗮𝗿𝗶𝗻̃𝗮 teñen en marcha dous procesos de selección para Noia e Burela respectivamente.

🔎 Buscan un técnico ou técnica de Prospección Laboral para incorporar aos seus equipos.

ℹ️ Consulta os requisitos neste enlace e envía o teu CV antes do 4 de novembro a ✉️[email protected]

As nosas entidades asociadas A Creba e Saúde Mental A Mariña abren un proceso de selección para cubrir dous postos de técnica ou técnico de Prospección Laboral

22/10/2026

📢 Temos unha nova oferta de emprego no marco do Programa de Cooperación

🔎Buscamos unha técnica/o de Atención Integral para Pontevedra

ℹ️ Consulta os requisitos e envía o teu CV a ✉️[email protected] co asunto “Oferta Cooperación” antes do mércores 4 de novembro

https://feafesgalicia.org/gl/novas/nova-oferta-de-emprego-ao-abeiro-do-programa-de-cooperacion-2/

20/10/2026

No marco do programa "Fórmate na empresa", 12 mozas e mozos con problemas de saúde mental realizaron prácticas non laborais en empresas de Galicia para adquirir habilidades e experiencia laboral nos propios postos de traballo.

Estas prácticas incluíron:

📆 300 horas de estadía durante 3 meses
🙋 Unha persoa titora de referencia
🗺 Itinerarios personalizados de inserción
👨‍🎓 Formación en habilidades e competencias para o emprego
🏢 11 entidades e empresas colaboradoras
💰 Bolsa de asistencia e desprazamento

Unha gran oportunidade para achegar o emprego ás persoas mozas con problemas de saúde mental dun xeito práctico e real!

12 persoas mozas con problemas de saúde mental realizaron prácticas non laborais en empresas de toda Galicia para adquirir habilidades e experiencia laboral nos propios postos de traballo.

19/10/2026

‼️ En Galicia hai 600.000 persoas en risco de pobreza ou exclusión social, cifra que aumentou con respecto ao ano pasado. Iso revela o informe 'O Estado de Pobreza en Galicia 2026' presentado a pasada semana por EAPN-Galicia.

👥 Este incremento afecta especialmente á poboación moza: o 27,6% de persoas entre 18 e 29 anos están en risco de pobreza e exclusión social.

🏠 A vivenda, pola súa banda, segue a ser un relevante factor de empobrecemento: un 47,1% de persoas que viven de alugueiro están en risco de pobreza fronte ao 15,7% que viven en propiedade.

🎯 Para facer fronte a esta situación, urxe modificar a Lei de Inclusión Social, apoiar ás familias monoparentais, impulsar medidas específicas para a mocidade e atallar a emerxencia da vivenda.

Consulta toda a info sobre o estudo aquí 👇

O XVI informe “O Estado da Pobreza en Galicia 2026”, revela que no ano 2025 a pobreza e a exclusión social aumentou 3,3 puntos afectando a 600.000 galegos e galegas Este incremento na pobreza afecta especialmente a poboación moza: o 27,6% de mozos e mozas entre 18 e 29 anos

15/10/2026

🌱 As persoas que viven no rural, frecuentemente teñen máis dificultades para acceder a certos recursos e servizos. Isto supón un importante obstáculo para as persoas con problemas de saúde mental, que non teñen posibilidade de ter unha atención ou un seguimento axeitados.

🫂 Por iso, co programa Achega Saúde Mental desprazámonos a zonas rurais para atender a estas persoas e ás súas familias na súa contorna, facilitando o acceso aos recursos, creando redes de apoio e reducindo así o seu risco de exclusión social.