CICAT

CICAT Creative Information, Care and Artivism for Tomorrow.

8 GRA. 8 HISTORI. 8 GUR. 8 NËNA.Këtë 8 Mars, përmes fushatës “Unë Jam Gru, Gur”, dëgjuam rrëfime për forcën e nënave për...
13/03/2026

8 GRA. 8 HISTORI. 8 GUR. 8 NËNA.

Këtë 8 Mars, përmes fushatës “Unë Jam Gru, Gur”, dëgjuam rrëfime për forcën e nënave për sakrificën, dashurinë, frikën, guximin dhe qëndrueshmërinë që shpesh mbajnë një familje dhe një shoqëri në këmbë.

Videot e publikuara në Instagram, Facebook dhe TikTok arritën një shtrirje organike shumë të suksesshme, duke treguar se sa shumë rezonon kjo temë në shoqërinë tonë.

Faleminderit grave që ndanë historitë e tyre:

Ferdonije Qerkezi
Ilire Vinca
Lindita Sejdiu
Njomza Aliu Kajtazi
Majlinda Hoxha
Drenusha Palloshi
Lola Sylaj
Anisa Ismaili

Dhe faleminderit secilit prej jush që e ndoqi, e shpërndau dhe u bë pjesë e fushatës.🧡��Kjo fushatë u realizu edhe u organizua nga OJQ CICAT, me mbështetjen e UN Women.🤝


08/03/2026

Ferdonije Qerkezi, një GRU GUR. 🪨✊

Ferdonije Qerkezi është një nga figurat më të njohura të qëndresës së nënave në Kosovë. Që nga lufta e vitit 1999, ajo ka kërkuar pa u ndalur drejtësi për bashkëshortin dhe katër djemtë e saj, të cilët u morën nga forcat serbe. Eshtrat e dy djemve janë gjetur dhe janë varrosur, ndërsa bashkëshorti dhe dy djemtë e tjerë mbeten ende të zhdukur.

Për të, momenti kur u bë “gru gur” ishte dita kur iu morën bashkëshorti dhe djemtë. Që nga ai çast, jeta e saj është një rrugëtim i gjatë i dhimbjes, por edhe i forcës dhe i qëndresës.

Sipas saj, drejtësia nuk do të ekzistojë derisa të kthehen trupat e të zhdukurve dhe familjet të kenë të drejtën e tyre për të ditur të vërtetën.

Mesazhi i saj për gratë dhe nënat është i thjeshtë dhe i fortë: mos u dorëzoni kurrë. Bëhuni të forta si guri.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Ilire Vinca, një GRU GUR. 🪨✊
Aktore, profesoreshë dhe nënë e tri vajzave.

Një nga figurat më të njohura të teatrit dhe filmit në Kosovë, Ilire Vinca prej vitesh ka sjellë në skenë role dhe projekte që trajtojnë çështje shoqërore, identitetin e gruas dhe realitetet e jetës në shoqërinë tonë.

Për të, të qenit nënë nuk lidhet me një moment të vetëm dramatik. Është një ndjenjë që shfaqet vazhdimisht, kur kupton se fëmija po rritet dhe ti duhet të jesh aty, jo si heroinë apo monument, por si prani: për të dëgjuar, për të kuptuar dhe për të krijuar siguri.

Ilirja flet edhe për peshën e pritshmërive që shoqëria vendos mbi nënat dhe për nevojën që këto role të rivlerësohen. Sepse, siç thotë ajo, koha e Rozafës së murosur në kështjellë ka kaluar.

Mesazhi i saj është i thjeshtë: gratë nuk duhet të jenë gjithmonë gur. Ato duhet t’ia lejojnë vetes edhe brishtësinë.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Lindita Sejdiu, një GRU GUR. 🪨✊
Gjuhëtare, profesoreshë universitare dhe nënë e dy fëmijëve.

Përmes punës së saj akademike, Lindita ka trajtuar çështje që lidhen me gjuhën, kulturën dhe identitetin, duke kontribuar në studimin dhe zhvillimin e gjuhës shqipe.

Rrugëtimi i saj si nënë është shënuar edhe nga një sfidë e madhe personale: përballja me kancerin e gjirit. E diagnostikuar për herë të parë në vitin 2011 dhe sërish në vitin 2021, ajo gjeti forcën të qëndrojë e fortë për fëmijët e saj, edhe në momentet kur brenda vetes kishte frikë dhe pasiguri.

Për Linditën, të qenit “gru gur” do të thotë qëndrueshmëri, rezistencë dhe guxim për të vazhduar përpara edhe kur jeta vendos përballë sfida të mëdha.

Mesazhi i saj është i qartë: të mos dorëzohemi kurrë përballë vështirësive dhe të mbështesim njëra-tjetrën, sepse solidariteti mes grave është një nga forcat më të mëdha që kemi.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Njomza Aliu Kajtazi, një GRU GUR.🪨✊
Gazetare, autore dhe producente televizive, si dhe nënë e dy fëmijëve.

Përmes punës së saj në media, Njomza ka trajtuar shpesh tema që lidhen me çështjet shoqërore, jetën familjare dhe përvojat e grave, duke sjellë diskutime që prekin realitetin e përditshëm të shoqërisë sonë.

Për të, momenti kur e kuptoi se duhet të jetë “gru gur” erdhi me lindjen e fëmijës së parë, kur jeta papritur bëhet përgjegjësi për dikë tjetër. Megjithëse fillimi erdhi me frikë dhe pasiguri, me kohë ajo zbuloi bukurinë e mëmësisë dhe forcën që vjen bashkë me të.

Njomza thekson edhe rëndësinë e mbështetjes institucionale për nënat. Sipas saj, drejtësia për nënat nënkupton ligje dhe politika që mbështesin praninë dhe rolin e tyre në vitet e para të jetës së fëmijëve.

Mesazhi i saj është i qartë: sfidat janë pjesë e jetës, por mënyra si i qasemi atyre e bën dallimin. Sepse, në fund, të qenit nënë është një nga përvojat më të bukura të jetës.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Majlinda Hoxha, një GRU GUR. 🪨✊
Fotografe dhe nënë.

Përmes fotografisë së saj, Majlinda ka dokumentuar histori njerëzore dhe realitete shoqërore, duke sjellë në fokus përvojat e grave.

Rrugëtimi i saj drejt mëmësisë nuk ishte i lehtë. Kur u përball me diagnozën e menopauzës së hershme, ajo kuptoi se për të pasur fëmijën e saj duhej të luftonte jo vetëm me sfidat fizike, por edhe me një sistem shëndetësor që shpesh nuk e dëgjon mjaftueshëm zërin e grave.

Me këmbëngulje, besim dhe shumë mbështetje nga gratë rreth saj, ajo nuk u dorëzua. Për Majlindën, drejtësia si nënë do të thotë që çdo grua të ketë të drejtën dhe mundësinë për t’u bërë nënë, pavarësisht rrethanave.

Mesazhi i saj është i thjeshtë: për të qenë një nënë gur, fillimisht duhet të jesh një grua që i beson intuitës së saj.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Drenusha Palloshi, një GRU GUR. 🪨✊
Piktore dhe profesoreshë, si dhe nënë.

Përmes artit të saj, Drenusha Palloshi ka trajtuar shpesh tema që lidhen me jetën, ndjenjat njerëzore dhe përvojën e gruas, duke i sjellë ato në pëlhurë.

Për të, momenti kur një grua e ndien veten gur fillon që në çastin kur në trupin e saj ngjizet një jetë e re dhe vazhdon kur ajo jetë vjen në botë. Një ndryshim që sjell sfida, sakrifica, por edhe gëzime të mëdha.

Një nga momentet më të vështira për të ishte kur, vetëm dy muaj pas lindjes së djalit të saj, iu desh të kthehej në punë. Mes përgjegjësive profesionale dhe kujdesit për fëmijën, ajo gjeti forcën të mos dorëzohej një sfidë që sot e kujton me krenari.

Mesazhi i saj për gratë dhe nënat është i qartë: mos u dorëzoni kurrë përballë sfidave. Forca ekziston brenda jush, dhe kur ndiheni të pasigurta, kërkoni mbështetje tek njerëzit tuaj të afërt.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Lola Sylaj, një GRU GUR. 🪨✊
Artiste dhe pjesë e kolektivit Haveit, si dhe nënë e dy fëmijëve.

Në praktikën e saj artistike, Lola trajton tema që lidhen me përvojën e grave, rolet shoqërore dhe realitetet e jetës së përditshme, duke i sjellë ato me një qasje kritike.

Për të, momenti kur një grua e kupton se duhet të jetë “gru gur” vjen që në çastin kur bëhet nënë. Është momenti kur jeta ndryshon dhe kupton se koha, energjia dhe prioritetet e tua marrin një drejtim të ri.

Lola flet hapur edhe për rëndësinë e barazisë në prindërim. Sipas saj, drejtësia si nënë nënkupton që nëna dhe babai të jenë të barabartë në kujdesin dhe përgjegjësinë për fëmijët, sepse dashuria për një fëmijë nuk është vetëm përqafim, por edhe kujdes i përditshëm.

Mesazhi i saj për nënat është i thjeshtë: mos u ndieni të vetme dhe mos hezitoni të kërkoni mbështetje. Mëmësia është një rrugëtim i ri që mësohet çdo ditë.

Kjo fushatë realizohet nga OJQ CICAT, me mbështetjen e UN Women.🤝

08/03/2026

Anisa Ismaili, një GRU GUR. 🪨✊
Aktore dhe gazetare, si dhe nënë e dy fëmijëve.

Me një rrugëtim të gjatë në skenë dhe në media, Anisa Ismaili ka qenë pjesë e projekteve artistike dhe gazetarisë që trajtojnë realitetin shoqëror, historitë njerëzore dhe zërin e grave në shoqëri.

Për të, momenti kur e ndjeu më së shumti forcën e një nëne ishte kur iu desh t’u tregonte fëmijëve të saj se jeta e tyre do të vazhdonte vetëm ata të tre. Më vonë, sfida tjetër ishte t’i shihte ata të rriteshin dhe të largoheshin për studime jashtë vendit, një dhimbje që e përballoi duke folur me veten dhe duke gjetur forcë brenda saj.

Për Anisën, drejtësia si nënë fillon me edukimin e fëmijëve për respekt, mirëkuptim dhe dashuri për njëri-tjetrin, por edhe me nevojën që shoqëria dhe shteti të mbështesin gratë dhe nënat.

Mesazhi i saj është i qartë: mbani kokën lart, besoni në veten tuaj dhe mos harroni se nga duart e nënave lind e ardhmja.

Kjo fushatë realizohet nga OJQ CICAT, me mbështetjen e UN Women.🤝

Pse nana jote është gru gur?Na trego në një fjali. ⬇️Kjo fushatë realizohet nga OJQ CICAT, me mbështetjen e UN Women.🤝 ...
03/03/2026

Pse nana jote është gru gur?
Na trego në një fjali. ⬇️

Kjo fushatë realizohet nga OJQ CICAT, me mbështetjen e UN Women.🤝

🌷

Nana jem është Gru Gur.Historia e nënës është shkruar edhe në gur.Legjenda e Rozafës flet për një grua që u muros për të...
01/03/2026

Nana jem është Gru Gur.

Historia e nënës është shkruar edhe në gur.

Legjenda e Rozafës flet për një grua që u muros për të mbajtur një kala në këmbë.

Por ajo nuk pranoi të zhdukej e tëra. La jashtë një krah për ta ledhatuar fëmijën, la një gji për ta ushqyer, la një sy për ta parë të rritej. Edhe në gur, ajo mbeti nënë.

Forca e tyre nuk është metaforë. Është gur i qëndresës, i sakrificës së heshtur dhe i betejave të përballuara me dinjitet. Për nënat që janë me ne, dhe për ato që jetojnë në kujtesën tonë.

Janë gur themeli. Janë gur ure.

Por një gur i vetëm nuk ndërton mur. Prandaj koha është që, gur pas guri, të bëhemi mur.
Mur kundër diskriminimit.
Mur kundër dhunës.
Mur kundër heshtjes.
Mur kundër ngacmimeve seksuale.
Mur kundër vrasjeve.
Mur për të drejta.
Mur për drejtësi.

Le të ngrihemi si gur jo të rënduar, por të bashkuar për drejtësi.

💌 Këtë vit, “Unë jam Gru Gur” u dedikohet nënave, për ta pranuar se kjo forcë ka mbajtur gjallë një shoqëri të tërë.

Kjo fushatë realizohet nga OJQ CICAT, me mbështetjen e UN WOMEN.🤝

Address

Prishtinë
Pristina
10000

Website

Alerts

Be the first to know and let us send you an email when CICAT posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to CICAT:

Shortcuts

Share

Category