22/04/2026
Sot, në bashkëpunim me Policinë e Kosovës – policët e lagjes nga stacioni veriu, realizuam një trajnim në Shkollën “Andon Zako Çajupi” në Bardhosh me temën “Siguria në Shkolla, Mirëqenia dhe Edukimi”.
Gjatë kësaj ligjërate, nxënësit u informuan për rëndësinë e edukimit dhe rolin kyç që ai luan në ndërtimin e një mjedisi të sigurt dhe të shëndetshëm në shkollë. Po ashtu, u diskutua për sigurinë në shkolla, parandalimin e dukurive negative, si dhe për rëndësinë e bashkëpunimit ndërmjet nxënësve, mësimdhënësve dhe institucioneve të sigurisë.
Qëllimi i këtij aktiviteti ishte rritja e vetëdijes tek të rinjtë për përgjegjësitë e tyre dhe fuqizimi i tyre për të kontribuar në krijimin e një ambienti më të sigurt dhe më të mirë për të gjithë.
Ky projekt u financua nga Kryeqyteti i Prishtinës – Drejtoria për Rini dhe Sport.
Së bashku për shkolla më të sigurta dhe një të ardhme më të mirë!
