21/08/2026
Sot, Activism Roots ishte pjesë e dëgjimit publik në Komunën e Gjakovës, ku përveç monitorimit të procesit, ngritëm edhe shqetësimet tona lidhur me politikat dhe buxhetin.
Gjatë diskutimit theksuam se, përveç moszbatimit të disa projekteve të planifikuara, shqetësuese mbetet edhe ulja e buxhetit dhe mungesa e fokusit të duhur tek të rinjtë e Gjakovës.
Dëgjimet publike duhet të zbatohen sipas ligjit në fuqi dhe duhet të jenë hapësira ku zëri i qytetarëve jo vetëm dëgjohet, por edhe reflektohet në vendimmarrje dhe në buxhet.
Ne do të vazhdojmë të monitorojmë, të kërkojmë llogaridhënie dhe të ngremë çështjet që prekin të rinjtë e Gjakovës.
Shpresojmë që shqetësimet e ngritura sot të merren seriozisht dhe që në vazhdim të punohet më mirë, me më shumë fokus dhe investim tek të rinjtë.
