shba PASHTRIKU

08/10/2026

08/10/2026

08/10/2026

08/10/2026

07/10/2026

GJERAVICA 2026
Me moton: “Të gjithë në çatinë e Kosovës” 🏔️🇽🇰

SHBA “Pashtriku”, në bashkëpunim me DKRS-në e Komunës së Gjakovës, organizoi ngjitjen në majën e Gjeravicës, 2656 m/lmd, me pjesëmarrjen e nga një klase të IX-të nga të gjitha Shkollat e Mesme të Ulëta të Komunës së Gjakovës.

Ishte një përjetim i veçantë dhe një sfidë e bukur për nxënësit, të cilët patën mundësinë të shijojnë nga afër bukuritë e jashtëzakonshme të vendit tonë, të sfidojnë veten dhe të krijojnë kujtime të paharrueshme në bjeshkët e Kosovës

Një falënderim i veçantë për DKRS-në pa te cilën sdo të ishte realizuar ky aktivitet, DKA-në, drejtoritë e shkollave dhe prindërit, për bashkëpunimin dhe mbështetjen në realizimin e këtij aktiviteti.
Falënderojmë gjithashtu arsimtarët dhe mësimdhënësit për ndihmën e tyre në organizim dhe kujdesin e treguar ndaj nxënësve gjatë gjithë ecjes.
Mirënjohje edhe për udhëheqësit e SHBA “Pashtriku”, për përkushtimin dhe angazhimin në realizimin e këtij aktiviteti.

Ky organizim është një shtytje e rëndësishme për të kultivuar tek fëmijët dashurinë ndaj natyrës, aktivitetit fizik dhe shëndetit, si dhe për t’i njohur më nga afër bukuritë natyrore të Kosovës. Njëkohësisht, aktivitete të tilla i mësojnë të rinjtë për bashkëpunimin, solidaritetin, respektin dhe kujdesin për njëri-tjetrin.

Gjeravica 2026 – një ditë e veçantë, një sfidë e bukur dhe një kujtim që do të mbetet gjatë në zemrat e nxënësve! 🏔️ 🇽🇰

Urime dhe suksese të gjithve.
SHBA “PASHTRIKU” – GJAKOVË

05/10/2026

Te gjithë në Gjeravicë

26/09/2026

22/09/2026

SHOQЁRIA BJESHKATARE ALPINISTE “PASHTRIKU”- GJAKOVЁ
Aktiviteti për këtë të dielle 4 tetor 2026
Ishulli KUNE - Shëngjin (Shqipëri)
Një ditë e bukur tetori me diell në bregun e detit Shqipëtar. Shetitje, argëtim, plazë dhe skarë e pije. Pas aktiviteteve të shumta gjatë këti viti vendosëm të kemi një relaks për këtë vikend.

Kaloni bukur BJESHKATAR-e të pa lodhshëm, shëndet dhe suksese të reja.
- Vendtakimi dhe nisja: E dielle ora 6:00 më 4 tetor 2026 pranë Hotel Pashtriku dhe gjatë rrugës te p***a benzinës N. Bakia në Gjakovë.
- Data dhe koha e kthimit: E dielle 4 tetor 2026 ora 21:00.
- Paisja e nevojshme: Këpucë tëlehta, rroba sezonale, të larjes, kapelë, syza dhe krem.
- Ushqimi: Mëngjesi, dreka në skarë dhe pije - GRATIS nga Shba ‘’Pashtriku’’ Gjakovë
- Lloji i transportit: Autobus - Gjakovë - Shëngjin
- Numri maksimal i pjesëmarësve - 50 veta.
- Çmimi i transportit: 15€
- Orari i paraqitjes dhe pagesa: E premte 02.10.2026 ora 20:00-21:00 në zyre.
- Dokumentat e nevojshme: Letërnjoftimi
- Udhëheqës i rrugës: Shqipe Mula 045 329794 dhe Flloza Dujaka 048 352226
- Moti-Koha https://www.windy.com/41.810/19.599?41.781,19.599,12,m:eOQagHO

20/09/2026

17/09/2026

SHOQЁRIA BJESHKATARE ALPINISTE “PASHTRIKU”- GJAKOVЁ
Aktiviteti për këtë të diele 20 shtator 2026
Bjeshkët e Nemuna - Maja RRASA e ZOGUT 2305 m/lmd
Vendtakimi dhe nisja: E dielle ora 7:00 më 20 shtator 2026 pranë Hotelit Pashtriku në Gjakovë
- Data dhe koha e kthimit: E dielle 20 shtator 2026 ora 19:00.
- Gjithsejtë ngjitje dhe ecje e planifikuar: ↑ 600 m/lmd, 12 km, koha: ↑ ↓ 6 h
- Starti i ecjes: Nga Gropat e Erenikut në ora 8:30 dhe vazhdohet në Maja Rrasa e Zogut në ora 12:00, pushim, vendosja ushqim nga ora 12:00 - 13:30.
- Nisja për kthimi: Ora 13:30 arritja në ora 16:00. Nisja me transport, ndalim gjatë rrugës në restorant Tropoja dhe në Gjakovë ora 18:00.
- Tipi i aktivitetit: Bjeshkatari, qëndrimi në natyrë, shëtitje,argëtim etj.
-Vështirësia e shtegut: Ngjitje mesatare me teren të përshtatshëm për ecje.
- Pajisja e nevojshme: Këpucë të thella, rroba sezonale edhe rezervë, kapelë, dorëza, syza, maskë (shami) kundër erës, 2 shkopi për ecje dhe pelerinë kundër shiut.
- Ushqimi: Shujtë ditore, ujë 2L, fruta të thata, Snikers, pemë etj..
- Lloji i transportit: Kombi - Gjakovë - Koshare.
- Çmimi i transportit: - 8€ për - joanëtarë - 10€ pagesën duhen ta bëjnë në zyrat e Shba Pashtrikut
- Orari i paraqitjes: E premte 18 shtator 2026 ora 20:00 - 21:00
- Udhëheqës i rrugës: Reshat Muhaxhiri 044 188460 dhe Zejgjon Qarri 045 246222
- Përgjegjësia psiqike dhe fizike është personale. Ata të cilët nuk i zbatojin rregullat e udhëheqësit të rrugës, organizatori nuk mban përgjegjësi.
- Organizatori (udhëheqësi) ka të drejtë për ndryshim të programit nëse paraqitet nevoja.
- Për shkak të Transparencës ndaj anëtarëve të rregullt. Ata të cilët nuk i shkruajnë emrat me kohë nuk do të kenë vend në Autobus apo Kombi. Ata që mungojnë pagesën duhet ta bëjnë në zyre.
-Moti-Koha: https://www.windy.com/42.502/20.179?42.451,20.184,12