01/10/2026
Lansimi i Programit Mentorues – Academic Mentors Project
Organizata OSBEST ka nisur zbatimin e Academic Mentors Project, një projekt i financuar nga Komuna e Gjakovës, i cili synon të mbështesë nxënësit në zhvillimin e tyre akademik dhe personal.
Sesioni i parë i programit u zhvillua me nxënësit e Shkollës së Lartë të Mesme të Mjekësisë “Hysni Zajmi”, me fokus në temën “Strategjitë për sukses akademik të nxënësve”.
Gjatë sesionit u diskutuan qasje dhe strategji praktike që mund t’i ndihmojnë nxënësit në organizimin e mësimit, zhvillimin e shprehive efektive të të nxënit, menaxhimin e kohës dhe arritjen e objektivave të tyre akademike.
Ky aktivitet shënon fillimin e një programi mentorues që synon të krijojë mundësi të reja për zhvillim, orientim dhe fuqizim të të rinjve në rrugëtimin e tyre akademik.
