Rrjeti Qeliza

08/06/2026

Po vazhdojnë takimet e Grupeve të Grave në Gjakovë, Deçan, Pejë, Rahovec dhe Malishevë, duke krijuar hapësira për diskutim, mbështetje dhe shkëmbim përvojash. Përmes bashkëbisedimeve me eksperte dhe aktiviteteve tematike, gratë po fuqizojnë njohuritë, zërin dhe rolin e tyre në komunitet.

• Në Gjakovë, gratë morën pjesë në takime psiko-sociale dhe informuese, ku u trajtuan tema si stresi post-traumatik, mirëqenia sociale, qasja në shërbime sociale dhe rëndësia e kujdesit për veten.

• Në Malishevë, diskutimet u fokusuan në sfidat me të cilat përballen gratë në komunitet, duke adresuar çështje si diskriminimi në punësim, mungesa e mundësive për avancim, rolet tradicionale gjinore dhe dhuna në familje.

• Në Deçan, gratë e grupmoshave të ndryshme u bënë bashkë për të diskutuar mbi kontributin e moshës së tretë në edukimin e gjeneratave të reja, duke nxitur dialogun ndërbrezor dhe shkëmbimin e përvojave jetësore.

• Në Pejë dhe Rahovec, takimet e grave vazhduan të shërbejnë si platforma për socializim, mbështetje të ndërsjellë dhe diskutim të çështjeve që ndikojnë në jetën e përditshme të grave, duke forcuar ndjenjën e solidaritetit dhe përfshirjes në komunitet.

GratëNëVeprim BaraziGjinore Solidaritet ZhvillimiKomunitar

05/06/2026

Në Malishevë u realizuan aktivitete me të rinj, me fokus në parandalimin e dhunës në familje, promovimin e barazisë gjinore dhe fuqizimin e grave përmes informimit dhe pjesëmarrjes aktive në komunitet.

🛡️ Të rinjtë kundër dhunës në familje
Në Qendrën e Kompetencës “Kujtim Krasniqi”, të rinjtë morën pjesë në një aktivitet ndërgjegjësues të udhëhequr nga Zyrtarja për Barazi Gjinore, Vera Bytyqi. Përmes diskutimeve në grup dhe punës praktike, pjesëmarrësit u njohën me format e dhunës në familje, mekanizmat e mbrojtjes, rolin e institucioneve dhe rëndësinë e raportimit të rasteve. Aktiviteti nxiti reflektim, mendim kritik dhe angazhim aktiv për ndërtimin e një shoqërie më të sigurt dhe më të drejtë për të gjithë.

Ndryshimi fillon me informim, vazhdon me veprim dhe forcohet kur komuniteti bëhet pjesë e tij.

Malisheva

25/05/2026

25/05/2026

Sot nga ceremonia e nenshkrimit te Marreveshjeve te Financimit ndermjet UNDP-se dhe komunave partnere, si dhe Marreveshjeve te Granteve ndermjet UNDP-se dhe OSHC-ve

21/05/2026

Fundjaven e kaluar patem kenaqesine te vizitonim organizaten "Žensko Lobi" ne Demir Kapija, ne kuader te vizites studimore te mbeshtetur nga Ecumenical Women's Initiative permes programit Peer-to-Peer Grants.

Permes takimeve frymezuese, bisedave kuptimplota dhe shkembimit te pervojave, patem mundesine te mesojme me shume per punen e tyre te vlefshme me grate dhe komunitetet lokale, si dhe te ndajme ide rreth fuqizimit te grave, aktivizmit rinor dhe angazhimit komunitar.

Poashtu, vizituam disa vende dhe aktivitete domethenese sebashku, nga zyrat e organizates "Žensko Lobi", tek muzeu i qytetit, shkolla fillore, e deri te kanioni i lumit Vardar dhe kantina e veres, duke e bere kete pervoje sa edukative aq edhe te paharrueshme.

Takime te tilla forcojne solidaritetin rajonal, krijojne hapesira per bashkepunime te reja dhe na kujtojne sa e rendesishme eshte mbeshtetja e ndersjelle dhe vlerat e perbashketa ne ndertimin e komuniteteve me te forta.

Falenderim i perzemert per ekipin e "Žensko Lobi" per mikpritjen e ngrohte, organizimin e shkelqyer, energjine frymezuese dhe per faktin qe na bene te ndihemi si ne shtepi gjate gjithe vizites. Mezi presim bashkepunimet dhe iniciativat e ardhshme rajonale!

- -

Last weekend, we had the pleasure of visiting the organization "Žensko Lobi" in Demir Kapija, within the framework of a study visit supported by Ecumenical Women's Initiative through the Peer-to-Peer Grants program.

Through inspiring meetings, meaningful conversations, and shared experiences, we had the opportunity to learn more about their valuable work with women and local communities, while also exchanging ideas on women’s empowerment, youth engagement, and community activism.

During the visit, we explored several meaningful places and activities together, from the offices of "Žensko Lobi", the local museum, and primary school, to the beautiful canyon of the Vardar River and the local winery, making this experience both educational and memorable.

Encounters like these strengthen regional solidarity, create space for future cooperation, and remind us how important mutual support and shared values are in building stronger communities.

A heartfelt thank you to "Žensko Lobi" for the warm hospitality, excellent organization, inspiring energy, and for making us feel at home throughout the visit. We look forward to future collaborations and joint regional initiatives!

17/05/2026

Në Rahovec u realizuan aktivitete që bashkuan gratë dhe të rinjtë për të reflektuar, mësuar dhe vepruar për një shoqëri më të barabartë

🧠 Shëndeti mendor dhe fuqizimi i grave
Në takimin e Klubit të Grave, pjesëmarrëset diskutuan hapur për sfidat e përditshme, stresin dhe rëndësinë e mirëqenies mendore. Nën udhëheqjen e psikologes klinike, Lejla Cana, gratë u njohën me teknika praktike për menaxhimin e emocioneve, duke krijuar një hapësirë besimi, mbështetjeje dhe solidariteti.

⚖️ Barazia gjinore në veprim
Në kuadër të iniciativës me të rinjtë, nxënësit e Gjimnazit "Selajdin Mullabazi" u përfshinë në aktivitete praktike duke provuar role të kundërta gjinore; ku djemtë zhvilluan aktivitete me fëmijët në çerdhen e qytetit "Tulipanët", ndërsa vajzat vizituan punëtorinë e zdrukthtarisë "Beha-N". Kjo përvojë e drejtpërdrejtë nxiti reflektim mbi stereotipet dhe rriti empatinë dhe mirëkuptimin mes tyre.

Kur krijohen hapësira të sigurta për të folur dhe për të provuar gjëra të reja, lindin ndryshime reale në mendësi dhe në komunitet.

FuqizimiKomunitar Rahovec

08/05/2026

Në Pejë u realizuan aktivitete që krijuan hapësirë për dialog, reflektim dhe fuqizim të komunitetit

🤝 Një ditë në këpucët e tjetrit
Në kuadër të iniciativës së të rinjve, nxënësit e shkollës “7 Shtatori” morën pjesë në një aktivitet interaktiv që synonte të rrisë empatinë dhe mirëkuptimin mes gjinive. Përmes roleve dhe diskutimeve, të rinjtë reflektuan mbi sfidat dhe përvojat që përjeton gjinia tjetër në jetën e përditshme.

💬 Gruaja në punë apo vetëm në familje?
Në takimin e Klubit të Grave, pjesëmarrëset diskutuan mbi rolin e gruas në familje, punë dhe shoqëri. Gratë ndanë përvojat e tyre të përditshme, duke theksuar rëndësinë e pavarësisë ekonomike, kohës për veten dhe mbështetjes së ndërsjellë. Disa prej tyre treguan edhe për angazhimet në punë dore dhe bizneset që zhvillojnë nga shtëpia.

Kur krijohen hapësira të sigurta për diskutim dhe përfshirje, lindin histori të reja mbështetjeje, empatie dhe fuqizimi.

FuqizimiKomunitar Peja

06/05/2026

Në Deçan u realizuan aktivitete me ndikim që bashkuan të rinj dhe gra rreth çështjeve të rëndësishme për komunitetin:

🌱 Mbrojtja e mjedisit në fokus
Nxënësit e Shkollës së Mesme “Tafil Kasumaj” u angazhuan drejtpërdrejt në pastrimin e një hapësire publike. Përveç kontributit praktik, aktiviteti u shndërrua në një moment reflektimi mbi përgjegjësinë qytetare dhe rolin e të rinjve në ruajtjen e mjedisit.

🌾 Fuqizimi i grave përmes përvojës reale
Në kuadër të Klubit të Grave, u realizua një vizitë në terren tek një grua fermere. Pjesëmarrëset u njohën nga afër me jetën dhe punën në bujqësi, duke reflektuar mbi sfidat, përkushtimin dhe mundësitë që ky sektor ofron për gratë në zonat rurale. Diskutimet e hapura krijuan hapësirë për ndarje përvojash, motivim dhe mbështetje të ndërsjellë.

FuqizimiKomunitar Deçani

04/05/2026

Përmes angazhimit në Klubet e Grave, një grua nga Gjakova arriti të përfitojë subvencion nga KFOR-i Turk, me mbështetjen tonë, për zhvillimin e biznesit të saj. Sot, me pajisjet e reja për ëmbëltore, ajo po ndërton rrugën e saj drejt pavarësisë ekonomike.

Ky është një shembull që tregon fuqinë e informimit, mbështetjes dhe mundësive që krijohen kur gratë fuqizohen në komunitet.

Me mbështetjen e partnerëve lokal dhe institucional, po vazhdojmë të krijojmë më shumë mundësi për gratë.

ZhvillimiKomunitar GratëNëVeprim

02/05/2026

5 komuna, një zë i përbashkët

Në Gjakovë, Deçan, Pejë, Rahovec dhe Malishevë, mbi 50 gra të moshave 17-69 vjeç u bënë pjesë e takimeve të rregullta të Klubeve të Grave.

Përmes diskutimeve të hapura dhe bashkëbisedimit me përfaqësues institucional:
- U rrit ndërgjegjësimi për të drejtat dhe shërbimet sociale
- U forcua mbështetja dhe solidariteti mes grave
- U theksua rëndësia e vetëzhvillimit dhe fuqizimit ekonomik
- U krijuan hapësira të sigurta për ndarje përvojash dhe përfshirje aktive

Këto aktivitete po realizohen në kuadër të projektit “Femme Forward”, mbështetur nga Frieda - The Feminist Peace Organization.

ZhvillimiKomunitar GratëNëVeprim BaraziGjinore