Rrjeti Qeliza

Rrjeti Qeliza Contact information, map and directions, contact form, opening hours, services, ratings, photos, videos and announcements from Rrjeti Qeliza, Non-Governmental Organization (NGO), Gjakova.

Rrjeti Qeliza është grup i OJQ-ve dhe individëve të bashkuar me qëllim të përmirësimit të statusit të grave dhe fëmijëve, përmes aktiviteteve edukuese dhe avokuese drejtuar institucioneve relevante dhe komunitetit në përgjithësi.

08/10/2026

U organizua Pazari i Qëndrueshëm, ku gratë paraqitën produktet e prodhuara nga ato vetë.

Punimet e ekspozuara dëshmuan aftësi profesionale, respekt për traditën dhe angazhim të vazhdueshëm në punë. Këto produkte karakterizoheshin nga veti ricikluese dhe të qëndrueshme. Kjo ngjarje theksoi rëndësinë e krijimtarisë, punës dhe potencialit ekonomik e social të grave.

Çdo produkt përbënte dëshmi konkrete të përkushtimit dhe kompetencës së tyre.

Pazari shërbeu si platformë që u ofroi grave një hapësirë për të promovuar produktet e tyre me qëllim zgjerimin e biznesit.

Ky projekt mbështetet nga Programi Rajonal për Demokracinë Lokale në Ballkanin Perëndimor 3 (ReLOaD3), i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP) në partneritet me Komunën e Gjakovës.

02/10/2026

𝑫𝒆𝒌𝒍𝒂𝒓𝒂𝒕𝒆̈ 𝒆 𝒑𝒆̈𝒓𝒃𝒂𝒔𝒉𝒌𝒆̈𝒕 𝒆 𝒐𝒓𝒈𝒂𝒏𝒊𝒛𝒂𝒕𝒂𝒗𝒆 𝒕𝒆̈ 𝒔𝒉𝒐𝒒𝒆̈𝒓𝒊𝒔𝒆̈ 𝒄𝒊𝒗𝒊𝒍𝒆
𝐏𝐚𝐫𝐭𝐢𝐭𝐞̈ 𝐭𝐞̈ 𝐚𝐫𝐫𝐢𝐣𝐧𝐞̈ 𝐦𝐚𝐫𝐫𝐞̈𝐯𝐞𝐬𝐡𝐣𝐞 𝐩𝐞̈𝐫 𝐏𝐫𝐞𝐬𝐢𝐝𝐞𝐧𝐭𝐢𝐧 𝐝𝐡𝐞 𝐭𝐞̈ 𝐠𝐚𝐫𝐚𝐧𝐭𝐨𝐣𝐧𝐞̈ 𝐟𝐮𝐧𝐤𝐬𝐢𝐨𝐧𝐢𝐦𝐢𝐧 𝐞 𝐢𝐧𝐬𝐭𝐢𝐭𝐮𝐜𝐢𝐨𝐧𝐞𝐯𝐞

Ne, organizatat e poshtëshënuara të shoqërisë civile, vlerësojmë që Kosova duhet të ketë institucione funksionale, me mandat të plotë dhe që përmbushin përgjegjësitë e tyre ndaj qytetarëve. Mandati i dhënë nga qytetarët është përgjegjësi për respektimin e rendit kushtetues dhe funksionimin demokratik të institucioneve. Prandaj, u bëjmë thirrje partive parlamentare që të angazhohen menjëherë për një marrëveshje që mundëson zgjedhjen e Presidentit/es deri më 6 tetor, brenda afatit të përcaktuar nga Gjykata Kushtetuese.

Dështimi i sërishëm për të zgjedhur Presidentin/en do të sillte shpërndarjen e Kuvendit dhe zgjedhje të reja. Pas krizave të përsëritura institucionale dhe cikleve të njëpasnjëshme zgjedhore, kjo do ta vendoste vendin përballë një tjetër ngërçi institucional, pa pasur garancë që zgjedhjet do të jenë zgjidhje e mosmarrëveshjeve që po e mbajnë të hapur këtë çështje.

Vonesat institucionale dhe zgjedhjet eventuale nuk kanë të bëjnë vetëm me zgjedhjen e Presidentit/es. Prej dy vitesh, institucionet e Kosovës kanë funksionuar në kushte të mandatit të kufizuar ose në detyrë. Një tjetër bllokadë institucionale do ta thellonte këtë krizë dhe do ta zgjaste pasigurinë politike, duke dobësuar më tej demokracinë dhe kontrollin demokratik, mundësitë për zhvillim ekonomik, marrëdhëniet ndërkombëtare dhe besimin e qytetarëve në institucionet e shtetit.

Arritja e marrëveshjes për Presidentin/en kërkon kompromis të ndërsjellë. Nga shumica parlamentare kërkojmë që të jetë e hapur ndaj kandidaturave që mund të sigurojnë mbështetje më të gjerë ndërpartiake. Në anën tjetër, nga partitë opozitare presim propozime konkrete dhe angazhim për një zgjidhje të realizueshme. Nga të gjitha palët kërkojmë gatishmëri për të rishikuar qëndrimet fillestare dhe për t’u dakorduar mbi kandidaturat, mbështetjen parlamentare dhe pjesëmarrjen e nevojshme për përfundimin e procesit në afat.

Zgjedhja e Presidentit/es përmes një marrëveshjeje të arritur në përputhje me Kushtetutën do t’i mundësonte vendit të dalë nga bllokada aktuale dhe institucioneve të vazhdojnë punën e tyre. Një marrëveshje e tillë nuk kërkon tejkalimin e dallimeve politike ndërmjet shumicës dhe opozitës, por vetëm bashkëpunimin institucional të nevojshëm për përfundimin e procesit dhe funksionimin e shtetit. Presidenti/ja përfaqëson unitetin e popullit dhe është garantues i funksionimit demokratik të institucioneve, andaj edhe marrëveshja duhet të udhëhiqet nga ky rol kushtetues.

Si organizata të shoqërisë civile, jemi të gatshme të kontribuojmë në këtë përpjekje përmes lehtësimit të diskutimeve eventuale. Në ditët e mbetura, presim që gatishmëria për dialog të shoqërohet me hapa të qartë dhe konkret për arritjen e një marrëveshjeje dhe për përfundimin e procesit të zgjedhjes së Presidentit/es brenda afatit të përcaktuar nga Gjykata Kushtetuese.

𝑶𝒓𝒈𝒂𝒏𝒊𝒛𝒂𝒕𝒂𝒕 𝒏𝒆̈𝒏𝒔𝒉𝒌𝒓𝒖𝒆𝒔𝒆: (𝒔𝒊𝒑𝒂𝒔 𝒓𝒆𝒏𝒅𝒊𝒕 𝒂𝒍𝒇𝒂𝒃𝒆𝒕𝒊𝒌)
Advocacy Center for Democratic Culture (ACDC)
Advocacy Training and Resource Center (ATRC)
CEL Kosova - Qendra për Barazi dhe Liri
Civil Rights Program Kosovo – CRP/K
Community Building Mitrovica (CBM)
Democracy Plus (D+)
Demokraci për Zhvillim (D4D)
Dylberizm
Fondacioni Kosovar për Shoqëri Civile (KCSF)
Fondi për Zhvillim Komunitar (CDF)
Forumi Kosovar i Aftësisë së Kufizuar
Forumi për Iniciativa Qytetare
Fourth Wave
Group for Legal and Political Studies (GLPS)
Handikos Istog
Iniciativa për Progres (INPO)
Iniciativa Qytetare Skenderaj
Instituti Demokratik i Kosovës (KDI)
Instituti GAP
Instituti i Kosovës për Drejtësi (IKD)
Instituti KLGI
Instituti Riinvest
INTEGRA NGO
Këshilli për Mbrojtjen e të Drejtave dhe Lirive të Njeriut (KMDLNj)
Kosova -Women 4 Women
Kosovo Advocacy and Development Centre (KADC)
Lëvizja FOL
NGO "Syri i Vizionit"
NGO ROMTEGRA
OMM Gjethi
Organizata e Personave me Aftësi të kufizuara-Handikos Kaçanik
Organizata Germin
Organizata për Demokraci, Anti-korrupsion dhe Dinjitet - “ÇOHU!”
Prishtina Institute for Political Studies (PIPS)
Qendra Kosovare për Studime Gjinore (QKSGj)
Qendra Kosovare për Studime të Sigurisë (QKSS)
Qendra për Politika dhe Avokim
Qendra për Zhvillimin e Grupeve Shoqërore (CSGD)
Rrjeti i Grave të Kosovës
Rrjeti i OJQ-ve AVONET
Rrjeti i OJQve të Grave Qeliza
SEKHMET Institute
ShL- Kosova
The Kosova Rehabilitation Centre for Torture Victims (KRTC)

Më 26 shtator, në Gurin e Kuq, Rugovë, u mblodhëm me grupet e grave për një ditë të mbushur me frymëzim, shkëmbim përvoj...
30/09/2026

Më 26 shtator, në Gurin e Kuq, Rugovë, u mblodhëm me grupet e grave për një ditë të mbushur me frymëzim, shkëmbim përvojash dhe kujdes për veten.

Takimin e hapi Jeta Bejtullahu nga Rrjeti Qeliza, ndërsa patëm kënaqësinë të mirëpresim edhe Dorina Grezda nga Qendra Inovative e Kosovës. Më tej, biseduam për mundësitë e bashkëpunimit dhe fuqizimit të grupeve të grave përmes programeve në mbështetje të start-up-eve.

Një pjesë e rëndësishme e takimit ishte edhe ndërgjegjësimi për shëndetin e grave. Dr. Valbona Naka ndau informacione të rëndësishme rreth kancerit të gjirit, duke vijuar me një diskutim të hapur dhe pyetje nga pjesëmarrëset.

Për ta përmbyllur ditën me super energji dhe mirëqenie, trajnerja Vjollca Kuqi na udhëhoqi përmes ushtrimeve, lëvizjes dhe relaksimit.

Një ditë me gra, për gra.
Për të mësuar nga njëra-tjetra, për t’u mbështetur dhe për të kujtuar se forca jonë rritet kur jemi bashkë.

Ky projekt financohet nga Ecumenical Women's Initiative.

24/09/2026

Sot u mblodhëm për të dëgjuar, ndarë përvoja dhe për të promovuar historitë frymëzuese të grave ndërmarrëse në komunitetin tonë.

Në këtë video të realizuar nga TV SYRI VISION mund të ndiqni disa nga momentet e këtij takimi dhe të njiheni më nga afër me historitë që u ndanë sot.

Ju falemnderit panelisteve: Arrita Shehu, Viosa Meqa, Tefta Hajdarhoxha, Venera Sina, Dorina Lluka, si dhe të gjitha grave pjesëmarrëseve që kontribuan në realizimin e këtij aktiviteti.

ReLOaD3 në bashkëpunim me Komunën e Gjakovës
Projekti ReLOaD3 financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP) në partneritet me komunat lokale dhe organizatat e shoqërisë civile në mbarë Ballkanin Perëndimor.

Po vazhdojnë takimet e Klubeve të Grave në Gjakovë, Deçan, Pejë, Rahovec dhe Malishevë, duke krijuar hapësira për diskut...
13/07/2026

Po vazhdojnë takimet e Klubeve të Grave në Gjakovë, Deçan, Pejë, Rahovec dhe Malishevë, duke krijuar hapësira për diskutim, mbështetje dhe shkëmbim përvojash. Gjatë muajit qershor, fokusi ishte tek mirëqenia fizike dhe mendore, barazia gjinore në jetën e përditshme dhe fuqizimi i grave përmes informimit, edukimit dhe pjesëmarrjes aktive në komunitet.

• Në Gjakovë, gratë u bënë pjesë e aktiviteteve për Ditën e Çlirimit, si dhe morën pjesë në dëgjimin buxhetor komunal, duke forcuar zërin e tyre në proceset vendimmarrëse.

• Në Malishevë, aktivitetet u fokusuan në kujdesin për shëndetin dhe edukimin gjatë gjithë jetës. Gratë realizuan konsultime gjinekologjike në Medica Gjakova, ndërsa diskutuan mbi rëndësinë e edukimit si një mjet kyç për zhvillim personal dhe pjesëmarrje aktive në shoqëri.

• Në Deçan, takimi i Klubit të Grave trajtoi një temë që prek shumë familje: "Pushimet verore: kohë pushimi apo shtim i përgjegjësive?". Përmes diskutimeve të hapura, pjesëmarrëset reflektuan mbi barrën e punës së papaguar, ndarjen e përgjegjësive familjare dhe rëndësinë e mirëqenies së grave.

• Në Pejë dhe Rahovec, Klubet e Grave vazhduan të shërbejnë si hapësira të sigurta për socializim, mbështetje dhe fuqizim, duke inkurajuar gratë të ndajnë përvojat, të diskutojnë sfidat e përditshme dhe të ndërtojnë rrjete solidariteti brenda komunitetit.

Këto aktivitete po realizohen në kuadër të projektit “Femme Forward”, mbështetur nga Frieda - The Feminist Peace Organization.

GratëNëVeprim BaraziGjinore Solidaritet ZhvillimiKomunitar

*Burimi: Foto 1 dhe 2 nga Komuna e Gjakovës

Po vazhdojnë takimet e Grupeve të Grave në Gjakovë, Deçan, Pejë, Rahovec dhe Malishevë, duke krijuar hapësira për diskut...
08/06/2026

Po vazhdojnë takimet e Grupeve të Grave në Gjakovë, Deçan, Pejë, Rahovec dhe Malishevë, duke krijuar hapësira për diskutim, mbështetje dhe shkëmbim përvojash. Përmes bashkëbisedimeve me eksperte dhe aktiviteteve tematike, gratë po fuqizojnë njohuritë, zërin dhe rolin e tyre në komunitet.

• Në Gjakovë, gratë morën pjesë në takime psiko-sociale dhe informuese, ku u trajtuan tema si stresi post-traumatik, mirëqenia sociale, qasja në shërbime sociale dhe rëndësia e kujdesit për veten.

• Në Malishevë, diskutimet u fokusuan në sfidat me të cilat përballen gratë në komunitet, duke adresuar çështje si diskriminimi në punësim, mungesa e mundësive për avancim, rolet tradicionale gjinore dhe dhuna në familje.

• Në Deçan, gratë e grupmoshave të ndryshme u bënë bashkë për të diskutuar mbi kontributin e moshës së tretë në edukimin e gjeneratave të reja, duke nxitur dialogun ndërbrezor dhe shkëmbimin e përvojave jetësore.

• Në Pejë dhe Rahovec, takimet e grave vazhduan të shërbejnë si platforma për socializim, mbështetje të ndërsjellë dhe diskutim të çështjeve që ndikojnë në jetën e përditshme të grave, duke forcuar ndjenjën e solidaritetit dhe përfshirjes në komunitet.

GratëNëVeprim BaraziGjinore Solidaritet ZhvillimiKomunitar

Në Malishevë u realizuan aktivitete me të rinj, me fokus në parandalimin e dhunës në familje, promovimin e barazisë gjin...
05/06/2026

Në Malishevë u realizuan aktivitete me të rinj, me fokus në parandalimin e dhunës në familje, promovimin e barazisë gjinore dhe fuqizimin e grave përmes informimit dhe pjesëmarrjes aktive në komunitet.

🛡️ Të rinjtë kundër dhunës në familje
Në Qendrën e Kompetencës “Kujtim Krasniqi”, të rinjtë morën pjesë në një aktivitet ndërgjegjësues të udhëhequr nga Zyrtarja për Barazi Gjinore, Vera Bytyqi. Përmes diskutimeve në grup dhe punës praktike, pjesëmarrësit u njohën me format e dhunës në familje, mekanizmat e mbrojtjes, rolin e institucioneve dhe rëndësinë e raportimit të rasteve. Aktiviteti nxiti reflektim, mendim kritik dhe angazhim aktiv për ndërtimin e një shoqërie më të sigurt dhe më të drejtë për të gjithë.

Ndryshimi fillon me informim, vazhdon me veprim dhe forcohet kur komuniteti bëhet pjesë e tij.

Malisheva

Address

Gjakova
50000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+37744188336

Website

Alerts

Be the first to know and let us send you an email when Rrjeti Qeliza posts news and promotions. Your email address will not be used for any other purpose, and you can unsubscribe at any time.

Shortcuts

Share

Category