Këshilli i Veprimit Rinor Lokal - Gjakovë

09/09/2026

Me shumë krenari përgëzojmë Ardita Lamën, e cila ishte nënkryetare e KVRL-së, për përzgjedhjen si përfituese e bursës prestigjioze Chevening Awards (FCDO) dhe për fillimin e studimeve në programin Global Mental Health në University of Glasgow në Mbretërinë e Bashkuar.

E falënderojmë Arditën për kontributin e çmuar në kuadër të KVRL-së, veçanërisht në fushën e shëndetit mendor dhe mirëqenies së të rinjve, ku përkushtimi i saj ka sjellë një vlerë të veçantë në punën tonë.

Qoftë ky vetëm fillimi i shumë arritjeve të tjera. Besojmë se njohuritë dhe përvoja që do të fitosh do t’i shërbejnë jo vetëm zhvillimit tënd profesional, por edhe komunitetit dhe të rinjve në Kosovë. Urime dhe suksese në rrugëtimin e ri, Ardita! 🎓💙

12/08/2026

Sot, në shënim të Ditës Ndërkombëtare të Rinisë, KVRL, në bashkëpunim me Drejtoria për Kulturë, Rini dhe Sport - Gjakovë (DKRS), organizuam një aktivitet në qendër të qytetit, duke krijuar një hapësirë ku të rinjtë e Gjakovës patën mundësi të shprehin idetë, nevojat dhe propozimet e tyre për çështjet që i preokupojnë.

Përmes letrave të shkruara nga vetë të rinjtë, ata ndanë çfarë u mungon, çfarë do të dëshironin të përmirësohej dhe cilat iniciativa do ta bënin Gjakovën një qytet më të mirë për të rinjtë. Këto kërkesa dhe ide do t’ia përcjellim Komunës së Gjakovës, me qëllim që zëri i të rinjve të jetë pjesë e proceseve dhe vendimmarrjes lokale.

Aktivitetit iu bashkua edhe drejtoresha e DKRS-së, znj. Nita Efendia Brovina, të cilën e falënderojmë për praninë dhe gatishmërinë për të dëgjuar nga afër zërin e të rinjve.

Një falënderim i veçantë shkon edhe për ish drejtoreshën e DKRS-së znj. Adea Roka me të cilën KVRL ka ndërtuar një bashkëpunim të vazhdueshëm ndër vite. E vlerësojmë përkrahjen, bashkëpunimin dhe kontributin e saj në avancimin e çështjeve rinore në Gjakovë.

Ndryshimi fillon atëherë kur të rinjtë dëgjohen, përfshihen dhe u jepet hapësira për të vepruar.
Gëzuar Ditën e Rinisë! ❤️

14/06/2026

Në nder të Ditës së Çlirimit të Gjakovës, aktivistët e KVRL-së shpërndanë kartolina për qytetarët, duke përcjellë mesazhe mirënjohjeje, kujtese dhe pozitiviteti.

Përmes këtij aktiviteti, të rinjtë synuan të sjellin një frymë dashurie për qytetin, të nderojnë sakrificat e së kaluarës dhe të kujtojnë rëndësinë e lirisë, paqes dhe bashkimit.

Faleminderit të gjithë qytetarëve që pranuan këto fjalë të shkruara me zemër. Gjakova vazhdon të jetojë me kujtesën, krenarinë dhe energjinë e brezave të rinj. ❤️🇽🇰

14/06/2026

Aktivistët e KVRL-së morën pjesë në Paradën e Lirisë në kuadër të aktiviteteve për nder të Ditës së Çlirimit të Gjakovës.❤️

13/06/2026

Ne, Këshilli i Veprimit Rinor Lokal (KVRL), jemi të lumtur që do të jemi pjesë e agjendës së aktiviteteve komunale në nder të 14 Qershorit – Ditës së Çlirimit të Gjakovës.

Dita do të nisë me Paradën e Lirisë, duke filluar nga ora 10:30, ndërsa në ora 12:00 do të vazhdojmë me aktivitetin tonë “Nga të rinjtë me dashuri”, ku përmes mesazheve pozitive do të ndajmë mirënjohje, respekt dhe dashuri me qytetarët tanë.

Na pret një ditë e mbushur me emocion, kujtesë dhe energji rinore. Le të bashkohemi për ta festuar lirinë, për ta nderuar të kaluarën dhe për ta ndërtuar së bashku të ardhmen. ❤️

21/05/2026

11/05/2026

Punëtori mbi “Identitetin” në KVRL

Në kuadër të Javës së Terapisë së Artit, me 16 Maj duke filluar nga ora 12:00, në hapësirat e Këshillit të Veprimit Rinor Lokal (KVRL) do të mbahet punëtoria me temën “Identiteti”.

💛 Përmes artit dhe shprehjes kreative, kjo punëtori synon të krijojë një hapësirë reflektimi dhe diskutimi mbi identitetin, emocionet dhe mënyrën se si e shohim veten dhe botën përreth nesh.

✨ Ju mirëpresim të bëheni pjesë e kësaj eksperience kreative dhe inspiruese!

08/05/2026

🎁 Çdo kontribut ka rëndësi.
Ftojmë të gjithë ata që dëshirojnë të kontribuojnë me lodra, libra apo materiale kreative për fëmijët dhe adoleshentët, të na kontaktojnë.

📍 Pika e grumbullimit: zyra e KVRL-së.

🧸 Lodrat dhe materialet do të dhurohen për përmirësimin e kushteve në repartin e Psikiatrisë së Fëmijëve dhe Adoleshentëve, me qëllim krijimin e një ambienti më të ngrohtë, më të sigurt dhe më mbështetës për ta.

Së bashku mund të sjellim pak më shumë buzëqeshje dhe ngjyra në ditët e tyre. 💛

06/05/2026

Jemi të lumtur/a të ju prezantojmë me organizatorët dhe partnerët mbështetës të edicionit të tetë të Javës së Terapisë së Artit. 💛🎨

📌Edhe këtë vit, Java e Terapisë së Artit është bashkëorganizuar me organizatën CEL, dhe është bashkëfinancuar nga Bashkimi Europian dhe Ambasada e Suedisë në Kosovë, në kuadër të projektit Human Rightivism (i cili implementohet nga Fondi për Zhvillimin e Komunitetit - CDF), dhe nga Ministria e Kulturës, Rinisë dhe Sportit.