19/10/2026
📢 ЖИРЭМСНИЙ ХЭТ АВИАН ОНОШЛОГОО БОЛОН УРОГИНЕКОЛОГИЙН СУРГАЛТ ДУНДГОВЬ АЙМАГТ ЗОХИОН БАЙГУУЛАГДЛАА
Монголын Эх Барих, Эмэгтэйчүүдийн Эмч Нарын Холбооны Хувшийн хэвшлийн салбар зөвлөл (ХХСЗ), МЭБЭЭНХ-ы удирдах зөвлөлийн гишүүн Тод дэлгэц эмнэлгийн захирал А.Мөнхбаатар, Клиникийн профессор Л.Ганбат нарын санаачлагаар говийн бүсийн эмч нарт зориулсан жирэмсний хэт авиан оношлогоо болон урогинекологийн мэс заслын онол, дадлага хосолсон сургалтыг 2026 оны 10 дугаар сарын 17-ны өдөр Дундговь аймагт зохион байгууллаа.
Сургалтад МУГЭ АУ-ы доктор, дэд профессор Г.Мэндсайхан, МУГЭ АУ-ы магистр, клиникийн профессор О.Батсүх, АУ-ы магистр, тэргүүлэх зэргийн эмч А.Мөнхбаатар, клиникийн профессор, эх барих, эмэгтэйчүүдийн тэргүүлэх зэргийн эмч Д.Владимир, “Энхтөрөхүй” ТББ-ын тэргүүн, эх барих, эмэгтэйчүүдийн эмч Д.Цэндсүрэн, ХХСЗ-ийн удирдах зөвлөлийн гишүүн, эх барих эмэгтэйчүүдийн эмч Д.Энхжаргал, эх барих эмэгтэйчүүдийн эмч Б.Мөнхцацрал анагаах ухааны магистр, эх барих, эмэгтэйчүүдийн ахлах зэргийн эмч, “Үрийн заяа” эмнэлгийн захирал О.Гэрэлчулуун нар сургалтад оролцож, өөрсдийн мэдлэг, туршлагаа хуваалцлаа.
🩺 Сургалтын хүрээнд:
🔹 Ургийн өсөлтийн саатал, ургийн бүтцийн гажгийн оношилгоо
🔹 Ихэр жирэмслэлт болон умайн гаднах жирэмсний оношилгоо
🔹 Ургийн дархлааны болон дархлааны бус хаван
🔹 Эмэгтэйчүүдийн шээс задгайрах эмгэгийн оношилгоо, эмчилгээ
🔹 Ургийн хэт авиан оношилгооны дадлага
🔹 Бага аарцгийн нөхөн сэргээх мэс заслын дадлага
🔹 Төрөлтөд гэр бүлийг бэлтгэх арга зүй
🔹 Цэвэршилтийн дараах эмэгтэйчүүдийн хэт авиан үнэлгээ, оношилгоо зэрэг сэдвээр онол, дадлага хосолсон сургалт явууллаа.
Энэхүү сургалтын явцад Дорноговь аймгийн эх барих эмэгтэйчүүдийн эмч Д.Болормаа, Дорноговь аймгийн АУС-ийн ЭБЭСТ-ийн багш, АУ-ы магистр Г.Ариунзаяа нар өөрсдийн судалгааны илтгэлээ танилцууллаа.
