Raphael Mongolia

13/10/2026

“ӨРХИЙН АНАГААХ УХААН – 30 ЖИЛ” ЭРДЭМ ШИНЖИЛГЭЭНИЙ ХУРАЛД РАФАЭЛ НАНҮМ САНГИЙН ТӨЛӨӨЛӨГЧИД ОРОЛЦЛОО

Эрхэм хүндэт эмч, эмнэлгийн мэргэжилтэн, эрдэмтэн судлаач Та бүхэнд энэ өдрийн мэндийг хүргэе

БНСУ-д төвтэй Рафаэл Нанүм сангийн Монгол дахь төлөөлөгчийн газраас Та бүхэнд мэндчилгээ дэвшүүлж байна.

Анагаахын Шинжлэх Ухааны Үндэсний Их Сургуулийн (АШУҮИС) Өрхийн анагаах ухааны тэнхим үүсгэн байгуулагдсаны 30 жилийн ойд зориулан зохиогдсон
“Өрхийн анагаах ухаан – 30 жил” эрдэм шинжилгээний хуралд Рафаэл Нанүм сангийн төлөөлөгчид оролцлоо.

Энэхүү эрдэм шинжилгээний хурал нь өрхийн анагаах ухааны салбарын эмч, мэргэжилтэн, эрдэмтэн судлаачид нэг дор цуглаж, эрдэм шинжилгээ, судалгааны ажлын үр дүнгээ танилцуулах, мэдлэг, туршлагаа харилцан солилцох, цаашдын хамтын ажиллагааг өргөжүүлэх чухал ач холбогдолтой арга хэмжээ боллоо.

Бид Өрхийн анагаах ухааны тэнхимийн 30 жилийн ойн энэхүү түүхэн үйл явдлын нэг хэсэг болж, мэдлэг, туршлагаа хуваалцан оролцсондоо баяртай байна.

Тус эрдэм шинжилгээний хурлын хүрээнд Рафаэл Нанүм сангийн Монгол дахь төлөөлөгчийн газрын тэргүүн, Сөүлийн Үндэсний Их Сургуулийн Эмнэлгийн профессор, анагаах ухааны доктор
У Гүг Хуан “Бөөрний архаг өвчин ба эрт илрүүлэг” сэдвээр илтгэл тавьж, бөөрний өвчний эрт илрүүлэг, оношилгоо, урьдчилан сэргийлэлтийн талаар мэдлэг, туршлагаасаа хуваалцлаа.

Мөн Ёнсэй их сургуулийн профессор, анагаах ухааны доктор Пак Ён Чол
“БНСУ дахь резидент эмчийн сургалтын тогтолцоо” сэдвээр илтгэл тавьж, Солонгос Улсын резидент эмчийн сургалтын тогтолцоо, мэргэжил дээшлүүлэх сургалтын туршлагыг танилцууллаа.

Энэхүү эрдэм шинжилгээний хурлыг амжилттай зохион байгуулсан АШУҮИС-ийн Өрхийн анагаах ухааны тэнхимийн хамт олон болон хүрэлцэн ирж оролцсон нийт эмч, мэргэжилтэн, эрдэмтэн судлаачдад чин сэтгэлийн талархал илэрхийлье.

Өрхийн анагаах ухааны тэнхимийн 30 жилийн ойн баярын мэндийг дахин хүргэж, цаашдын эрдэм шинжилгээ, судалгаа, сургалт болон хамтын ажиллагаанд өндөр амжилт хүсье!

Рафаэл Нанүм сангийн Монгол дахь төлөөлөгчийн газар

12/10/2026

2026 оны 10 дугаар сарын 9-ний өдөр Рафаэл Нанүм Сан байгууллагаас хэрэгжүүлж буй “Улаанбаатар хотын ӨЭМТ-ийн эмч, мэргэжилтнүүдийг чадавхжуулах төсөл (2026–2027)”-ийн үйл ажиллагааны явц, хэрэгжилтийг хэлэлцэх ээлжит семинар амжилттай зохион байгуулагдлаа.

Тус төсөлд Улаанбаатар хотын 9 дүүргийн нийт 12 Өрхийн эрүүл мэндийн төв (ӨЭМТ) хамрагдан оролцож байна.

Семинарын үеэр 2026–2027 онд төсөлд хамрагдаж буй ӨЭМТ-үүдэд тулгамдаж буй асуудал, цаашдын хамтын ажиллагааны чиглэл, сургалтын хөтөлбөр, үйл ажиллагааны төлөвлөгөөний талаар хэлэлцэж, оролцогчид санал бодол, туршлагаа харилцан солилцлоо.

Мөн АШУҮИС-ийн Өрхийн анагаах ухааны тэнхимийн эрхлэгч Д. Мягмарцэрэн, тус тэнхимийн багш А. Цолмонтуяа нар төслийн хэрэгжилтийн явцын талаар илтгэл танилцуулж, хэлэлцүүлэг өрнүүлэв.

Түүнчлэн БНСУ-ын Сөүл хотын Борамэ эмнэлгийн Өрхийн анагаах ухааны тэнхимийн профессор О Бом Жу “Өрхийн анагаах ухааны эмнэлзүйн практик хэрэглээ” сэдвээр илтгэл тавьж, анхан шатны эрүүл мэндийн тусламж үйлчилгээнд хэрэгжүүлэх боломжтой мэдлэг, туршлагаасаа хуваалцлаа.

Мөн БНСУ-ын Ёнсэй их сургуулийн профессор Пак Ёнчоль төсөлд оролцогч ӨЭМТ-ийн эмч, мэргэжилтнүүдэд мэргэжлийн санал, зөвлөмж өгч, цаашдын сургалт, хамтын ажиллагааны талаар санал солилцов.

Энэхүү семинар нь анхан шатны эрүүл мэндийн тусламж үйлчилгээний чанар, хүртээмжийг сайжруулах, ӨЭМТ-ийн эмч, мэргэжилтнүүдийн эмнэлзүйн мэдлэг, ур чадварыг бэхжүүлэх, Монгол–Солонгосын эрүүл мэндийн салбарын хамтын ажиллагааг өргөжүүлэхэд чухал ач холбогдолтой арга хэмжээ боллоо.

Анхан шатны эрүүл мэндийн тусламж үйлчилгээний чанарыг сайжруулах үйлсэд хамтран ажиллаж буй нийт эмч, мэргэжилтнүүд, профессор, багш нар болон хамтрагч байгууллагууддаа чин сэтгэлийн талархал илэрхийлье.

Та бүхний цаашдын ажил үйлсэд өндөр амжилт хүсье!

18/09/2026

19/08/2026

Сайн байцгаана уу 🤗
Рафаел Нанүм Сангийн Монгол дахь төлөөлөгчийн газраас мэндчилж байна.

🏥 2026 оны 2 дахь удаагийн сайн дурын эрүүл мэндийн үзлэг амжилттай зохион байгуулагдлаа.

Рафаел Нанүм Сангаас хэрэгжүүлж буй 2026 оны сүүлийн сайн дурын эрүүл мэндийн үзлэгийг Дундговь аймгийн Сайнцагаан суманд амжилттай зохион байгууллаа.

Энэ удаагийн үзлэгээр орон нутгийн иргэдэд урьдчилан сэргийлэх үзлэг, эрүүл мэндийн зөвлөгөө, оношилгоо хийж, шаардлагатай тохиолдолд цаашдын эмчилгээ, тусламж үйлчилгээний талаар зөвлөгөө мэдээлэл өгч, нийт 250 гаруй иргэнд хүрч ажиллалаа.

Үзлэг, оношилгооны чиглэлүүд:
▪️ Дотор – Зүрх судас
▪️ Уушги
▪️ Дотор – Бөөр
▪️ Дотор – Элэг
▪️ Гастроэнтерологи
▪️ Мэдрэл
▪️ Урологи
▪️ Шүд
▪️ Хүүхэд
▪️ Чих, хамар, хоолой
▪️ Сонсгол судлал
▪️ Зүрхний цахилгаан бичлэг (ЭКГ)
▪️ ЭХО оношилгоо
▪️ Эмийн сангийн үйлчилгээ
▪️ Завлөгөө, чиглүүлэг

👩‍⚕️👨‍⚕️ Нийт 43 хүний бүрэлдэхүүнтэй баг Сайнцагаан суманд ажиллаж, орон нутгийн иргэдэд эрүүл мэндийн тусламж, үйлчилгээ хүргэлээ.

Энэхүү сайн үйлсэд үнэт цаг зав, мэдлэг чадвар, хүч хөдөлмөрөө зориулсан нийт эмч, эмнэлгийн мэргэжилтнүүд, “Ач” АУИС болон АШУҮИС-ийн оюутан залуус сайн дурын ажилтнууддаа гүнээ талархаж байна. ❤️

Та бүхний чин сэтгэлийн оролцоо, халуун сэтгэл, мэргэжлийн ур чадварын үр дүнд олон иргэн эрүүл мэндийн үзлэгт хамрагдаж, шаардлагатай зөвлөгөө, мэдээллийг авч чадлаа.

Мөн үйл ажиллагааг зохион байгуулахад дэмжлэг үзүүлэн хамтран ажилласан Дундговь аймаг, Сайнцагаан сумын удирдлага, Эрүүл мэндийн төвийн хамт олон болон нутгийн иргэддээ чин сэтгэлийн талархал илэрхийлье. 🤝
Цаашид ч бид эрүүл мэндийн тусламж үйлчилгээний хүртээмжийг нэмэгдүүлэх, орон нутгийн иргэдийн эрүүл мэндийг дэмжих үйл ажиллагаагаа тууштай үргэлжлүүлэх болно.

🤝 Эрүүл ирээдүйн төлөө хамтдаа.

БНСУ-д төвтэй Рафаел Нанүм Сангийн Монгол дахь төлөөлөгчийн газар
Raphael Mongolia

#РафаелНанүмСан #ЭрүүлИрээдүйнТөлөө #СайнДурынҮзлэг #СайнцагаанСум #Дундговь

24/06/2026

2026 оны 1 дэх удаагийн Сайн дурын эрүүл мэндийн үзлэг орон нутагт амжилттай зохион байгуулагдлаа

Рафаел Нанүм Сан байгууллагаас хэрэгжүүлж буй 2026 оны эхний сайн дурын эрүүл мэндийн үзлэгийг Булган аймгийн Баян-Агт суманд амжилттай зохион байгууллаа.

Энэ удаагийн үзлэгээр орон нутгийн иргэдэд урьдчилан сэргийлэх үзлэг, эрүүл мэндийн зөвлөгөө, оношилгоо хийж, шаардлагатай тохиолдолд цаашдын эмчилгээ, тусламж үйлчилгээний талаар зөвлөгөө өгснөөр нийт 350 гаруй иргэнд хүрч ажиллав.

Тус үзлэгт дараах чиглэлийн эмч, мэргэжилтнүүд оролцлоо.

▪️ Дотор (Зүрх судас)
▪️ Уушги
▪️ Дотор (Бөөр)
▪️ Дотор (Ходоод)
▪️ Мэдрэл
▪️ Урологи
▪️ Шүд
▪️ Эмэгтэйчүүд
▪️ Хүүхэд
▪️ Зүрхний цахилгаан бичлэг (ЭКГ)
▪️ ЭХО оношилгоо
▪️ Чих, хамар, хоолой
▪️ Сонсгол судлал
▪️ Эмийн сангийн үйлчилгээ

Нийт 45 хүний бүрэлдэхүүнтэй баг хамт олон Баян-Агт суманд ажиллаж, иргэдэд эрүүл мэндийн тусламж үйлчилгээг хүргэлээ.

Энэхүү сайн үйлсэд үнэт цаг зав, мэдлэг чадвар, хүч хөдөлмөрөө зориулсан нийт эмч, эмнэлгийн мэргэжилтнүүд, “Ач” АУИС болон АШУҮИС-ийн оюутан залуус, сайн дурын ажилтнууддаа гүн талархал илэрхийлье.

Та бүхний чин сэтгэлийн оролцоо, халуун сэтгэл, мэргэжлийн ур чадварын үр дүнд олон иргэн эрүүл мэндийн үзлэгт хамрагдаж, шаардлагатай зөвлөгөө, мэдээллийг авч чадлаа.

Мөн үйл ажиллагааг зохион байгуулахад дэмжлэг үзүүлэн хамтран ажилласан Булган аймаг, Баян-Агт сумын удирдлага, Эрүүл мэндийн төвийн хамт олон болон нутгийн иргэддээ чин сэтгэлийн талархал илэрхийлье.

Цаашид ч бид эрүүл мэндийн тусламж үйлчилгээний хүртээмжийг нэмэгдүүлэх, орон нутгийн иргэдийн эрүүл мэндийг дэмжих үйл ажиллагаагаа тууштай үргэлжлүүлэх болно.

🤝 Эрүүл ирээдүйн төлөө хамтдаа.

БНСУ-д төвтэй Рафаел Нанүм Сан байгууллагын Монгол дахь төлөөлөгчийн газар. Raphael Mongolia

24/06/2026

2026 оны 6 дугаар сарын 15-ны өдөр Рафаэл Нанүм байгууллага цаашид хамтран ажиллах байгууллагуудын төлөөлөлтэй уулзалт зохион байгуулж, хамтын ажиллагааны санамж бичиг байгууллаа.

Уулзалтын үеэр Улсын Нэгдүгээр Төв Эмнэлэг, Улсын Хоёрдугаар Төв Эмнэлэг, Улсын Гуравдугаар Төв Эмнэлэг, Нийслэлийн Эрүүл Мэндийн Газар, Эрүүл Мэндийн Хөгжлийн Төв, Нийслэлийн Боловсролын Газар, Япон-Монгол Эмнэлгийн харьяа АШУҮИС-ийн Өрхийн Анагаах Ухааны Тэнхим , АШУҮИС-ийн Уушги, харшил судлалын тэнхимийн төлөөлөлтэй хамтран хэрэгжүүлэх үйл ажиллагааны чиглэл, цаашдын хамтын ажиллагааны талаар санал солилцож, хамтын ажиллагаагаа баталгаажууллаа.

Энэхүү хамтын ажиллагаа нь анхан шатны эрүүл мэндийн тусламж, үйлчилгээний тогтолцоог бэхжүүлэх, эрүүл мэндийн салбарын чадавхыг нэмэгдүүлэх, иргэдэд хүрэх эрүүл мэндийн тусламж, үйлчилгээний чанар, хүртээмжийг сайжруулахад чухал хувь нэмэр оруулах юм.

Хамтын ажиллагаанд нэгдэн ажиллаж буй нийт байгууллагууддаа чин сэтгэлийн талархал илэрхийлж, цаашдын үйл ажиллагаанд нь өндөр амжилт хүсье.

24/06/2026

2026 оны 6 дугаар сарын 14-ний өдөр Рафаэл Нанүм байгууллагаас хэрэгжүүлэх “Улаанбаатар хотын ӨЭМТ-ийн эмч, мэргэжилтнүүдийг чадавхжуулах (2026–2027)” төслийн танилцуулах хурлыг амжилттай зохион байгууллаа.
Уулзалтаар 2024–2025 онд оролцож байсан өрхийн эрүүл мэндийн төвүүд төслийн үр дүнг танилцуулж, 2026–2027 онд төсөлд оролцогч өрхийн эрүүл мэндийн төвүүдийн туршлага, тулгамдаж буй асуудал, цаашдын хамтын ажиллагааны чиглэлийг хэлэлцэн, шинэ төслийн үйл ажиллагааг танилцууллаа.
Өмнөх төсөлд 3 дүүргийн 3 өрхийн эрүүл мэндийн төв хамрагдаж байсан бол энэ удаад хамрах хүрээ өргөжин, Улаанбаатар хотын 9 дүүргийн нийт 12 өрхийн эрүүл мэндийн төв төсөлд оролцохоор боллоо.
Мөн уулзалтын хүрээнд төслийн оролцогч байгууллагуудын нэг болох Сонгинохайрхан дүүргийн 20 дугаар хорооны "Жаргал Өлзий" өрхийн эрүүл мэндийн төвөөр зочлон, анхан шатны тусламжийн үйл ажиллагаатай танилцлаа.
Анхан шатны тусламж үйлчилгээг сайжруулах энэхүү үйлсэд хамтран ажиллаж буй нийт эмч, мэргэжилтнүүд, байгууллагууддаа чин сэтгэлийн талархал илэрхийлье.

16/06/2026

https://www.facebook.com/share/p/1BGUgEQxbp/?mibextid=wwXIfr

📌УХТЭ БНСУ-ын “Рафаэл Нанүм Сан“-тай оношилгоо, эмчилгээний нэр төрлийг нэмэгдүүлэх чиглэлээр хамтран ажиллана

https://www.arslan.mn/social/health/669432.shtml

30/03/2026

Сайн дурын үзлэг-Рафаэл Нанүм

27/03/2026

Та бүхэнд энэ өдрийн мэндийг хүргэе.

Рафаэл Нанүм байгууллагын зүгээс хүний амь нас, эрүүл мэндийн төлөө үнэнчээр зүтгэж буй эрхэм хүндэт эмч, эмнэлгийн ажилтнууд Та бүхэндээ Эмч нарын баярын халуун мэндийг өргөн дэвшүүлж байна.

Цаашдын ажил үйлсэд нь өндөр амжилт, аз жаргал, эрүүл энхийг хүсэн ерөөе.