01/07/2026
Регионален форум за одржлив третман на биоотпадот – Радовиш
🌱 Во Општина Радовиш се одржа Регионалниот форум за одржлив третман на биоотпадот, во рамки на проектот „Нула биоотпад: системски промени во партнерство со граѓаните", поддржан од Владата на Швајцарија преку Цивика Мобилитас, а спроведуван од Зелен институт во партнерство со Националното здружение на сопственици на приватни шуми.
👥 Поздравно обраќање имаа градоначалникот на Радовиш и претставничка од Министерството за животна средина. Експертите Наталија Бургиева и Аријан Тоска го презентираа истражувањето за управување со биоотпад во Југоисточниот регион – со порака дека биоотпадот е ресурс, а не проблем.
🔑 Клучни насоки:
• Во регионот се создаваат значително количини на биоотпад од домаќинствата, а се забележува и доминација на шумарство и дрвна индустрија, како и млечен отпад (сурутка). Секој отпаден тек бара соодветна логистика за собирање и третман.
• Разгледани се три сценарија: ✅ Реално – компостирање по кластери, производство на дрвен чипс и воспоставување Регионален хаб за циркуларна економија (1–2 години). 🔄 Идно – регионален биогасен јазол кај пречистителната станица за отпадни води за Струмица. 📶 Фазен пристап – компостирање веднаш, биогасен јазол во следна фаза, откако ќе се утврди одржливоста (препорачано).
💡 Ставови од дискусијата:
• Законската рамка е јасна – селекција на биоотпад е обврска, но потребни се организација и финансирање.
• Одвоено собирање бара дополнителни трошоци, а новата услуга мора да се наплатува.
• Шталското ѓубре е вредно ѓубриво во регионот кој е познат по рано градинарство, не треба да се планира за биодигестија.
• Сурутката е суровина со вредност, а остатоците од млечната индустрија наречени „цика“ може да одат на третман.
• Пазар за биогас и дигестат сè уште не е обезбеден, што треба да се има предвид во анализите на одржливост.
• Кај пречистителната станица за отпадни води за Радовиш, заради недостиг на простор е можно само компостирање во затворено.
• Општините, вклучително Струмица и Конче, изразија интерес за спроведување на препораките од истражувањето.
Проектот е поддржан од Владата на Швајцарија 🇨🇭 преку Civica Mobilitas.
Содржината на оваа објава е единствена одговорност на Зелен Институт - Zelen Institut - Green Institute и на ниту еден начин не може да се смета дека ги одразува гледиштата на Владата на Швајцарија, Civica Mobilitas или организациите што ја спроведуваат.