ХЕМАОНКО - HEMAONKO

Call Website Contact the organization

ХЕМАОНКО - HEMAONKO Здружение посветено на пациенти со рак и нивни негуватели

01/11/2026

🎗️ РАК НА ДОЈКА - Ехо на дојка и биопсија зошто се важни?

Кога се прави ехо на дојка? Кога е потребна биопсија и какви видови биопсија постојат?

👩‍⚕️ Д-р спец. Ивана Младеновиќ Шуманов од ГОБ „8-ми Септември“ – Скопје ни помага подобро да ги разбереме овие важни прашања поврзани со раното откривање и дијагностиката на ракот на дојка.

💗 Ракот на дојка откриен во рана фаза има поголеми можности за успешно лекување. Затоа е важно секоја жена да знае кога треба да направи преглед, а жените со зголемен ризик да добијат соодветни препораки за редовно следење.

Биопсијата е важна дијагностичка постапка која помага да се утврди природата на сомнителните промени. Но, важно е да знаеме дека не секоја промена на дојката значи рак.

🎥 Погледнете ги едукативните видеа и дознајте повеќе за скринингот, проценката на ризикот и дијагностичките постапки.

🌸 Не чекајте да се појават симптоми. Грижата за вашето здравје започнува со информираност и навремени прегледи!

🦋 Различни крилја. Борбата лична, поддршката заедничка.

Едукативниот серијал за рак на дојка на ХЕМА-ОНКО се реализира во соработка со Medicus Help

#ХЕМАОНКО #МедикусХелп #РакНаДојка #Скрининг #РаноОткривање #Биопсија #ЗдравјеНаЖените #РазличниКрилја

31/10/2026

🎗️ ПРОМЕНИ НА ДОЈКИТЕ – КОГА ТРЕБА ДА ПОСЕТИМЕ ЛЕКАР?

Дали знаете како правилно да ги следите промените на вашите дојки? Што значи самопреглед и дали секоја промена е знак за рак? А што всушност значи BI-RADS ознаката што ја среќаваме во радиолошките наоди?

👩‍⚕️ Доц. д-р Билјана Божиновска**, специјалист по радиологија од ГОБ „8 Септември“ – Скопје, ни помага да ги разбереме овие важни прашања и значењето на навремените прегледи во откривањето на ракот на дојка.

💗 Не секоја промена на дојката значи рак, но секоја нова или невообичаена промена заслужува внимание. Познавањето на сопственото тело, редовните прегледи и навремената консултација со лекар можат да направат голема разлика.

Самопрегледот ни помага да ги забележиме промените, но не ги заменува мамографијата и другите прегледи препорачани од лекар.

🎥 Погледнете ги шесте кратки едукативни видеа и дознајте кога треба да побарате лекарски совет и како подобро да ги разберете резултатите од прегледите.

🌸 Не чекајте да се појават симптоми за да се грижите за вашето здравје.

🦋 Различни крилја. Борбата лична, поддршката заедничка.

Едукативниот серијал за рак на дојка на ХЕМА-ОНКО се реализира во соработка со Medicus Help .

#ХЕМАОНКО #МедикусХелп #РакНаДојка #Самопреглед #РаноОткривање #ЗдравјеНаЖените #РазличниКрилја

30/10/2026

🌸 ЖЕНИ, ВАШЕТО ЗДРАВЈЕ Е ВАЖНО! НЕ ГО ОДЛОЖУВАЈТЕ ПРЕГЛЕДОТ!

🌳 Ние жените сме стеблото на нашето семејство. За тоа стебло да продолжи да расте, да пушта гранки и да цвета, потребно е да се грижиме и за сопственото здравје.

💗 Во секојдневните обврски, грижата за децата и семејството, многу често забораваме на себе. Но, нашето здравје не треба да чека!

👩‍⚕️ Спец. Д-р Мери Берат од ГОБ „8 Септември“ испраќа важна порака, особено до жените од ромската заедница не дозволувајте стравот, срамот или секојдневните обврски да бидат причина да го одложувате прегледот.

🎗️ Ракот на дојка откриен навреме има поголеми можности за успешно лекување. Превентивните прегледи и раното откривање можат да спасат живот.

🌷 Уште утре обратете се кај вашиот матичен лекар и разговарајте за соодветен превентивен преглед.

Направете го тоа за себе, за вашето здравје, за вашата иднина. Затоа што и вие сте важни!

🎥 Погледнете го видеото и споделете го со вашите мајки, сестри, ќерки и пријателки. Нека оваа порака допре до што повеќе жени!

🦋 Различни крилја. Борбата лична, поддршката заедничка.

Едукативниот серијал за рак на дојка на ХЕМА-ОНКО се реализира во соработка со Медикус Хелп.

#ХЕМАОНКО #МедикусХелп #РакНаДојка #РаноОткривање #ЗдравјеНаЖените #РомскаЗаедница #РазличниКрилја

30/10/2026

🎗️ МЕТАСТАТСКИ РАК НА ДОЈКА – ШТО ТРЕБА ДА ЗНАЕМЕ?

Што значи дијагнозата метастатски рак на дојка? Како се разликува од ракот на дојка во рана фаза и кои се можностите за лекување?

👩‍⚕️ Спец. Д-р Гордана Петковска** од Универзитетската клиника за радиотерапија и онкологија во Скопје ни помага подобро да разбереме што претставува метастатскиот рак на дојка, како се развива болеста и кои современи терапии се достапни за нејзино лекување.

💗 Дијагнозата метастатски рак на дојка носи многу прашања, неизвесност и страв. Но, важно е пациентите да знаат дека денес постојат различни можности за лекување кои можат да помогнат во контролирањето на болеста, продолжувањето на животот и зачувувањето на неговиот квалитет.

Секој пациент има свој пат низ лекувањето, а информираноста, индивидуалниот пристап и поддршката се особено важни.

🎥 Погледнете ги видеата и дознајте повеќе за метастатскиот рак на дојка и можностите за негово лекување.

🦋 Различни крилја. Борбата лична, поддршката заедничка.

Едукативниот серијал за рак на дојка на ХЕМА-ОНКО се реализира во соработка со Help

#ХЕМАОНКО #МедикусХелп #РакНаДојка #МетастатскиРакНаДојка #Лекување #РазличниКрилја

30/10/2026

🎗️ РАК НА ДОЈКА – КОИ СЕ МОЖНОСТИТЕ ЗА ЛЕКУВАЊЕ?

Кои терапии се користат во лекувањето на ракот на дојка? Која е разликата помеѓу хемотерапијата, хормонската, таргетираната и имунотерапијата? Дали секоја пациентка добива ист третман?

👩‍⚕️ Спец. Д-р Аделина од Универзитетската клиника за радиотерапија и онкологија во Скопје ни ги објаснува различните можности за лекување на ракот на дојка и факторите од кои зависи изборот на терапија.

💗 Денес лекувањето на ракот на дојка е сè повеќе индивидуализирано. Изборот на терапија зависи од типот и стадиумот на болеста, биолошките карактеристики на туморот и здравствената состојба на пациентката.

Важно е секоја жена да ја разбере својата дијагноза, предложеното лекување и можностите што ѝ стојат на располагање.

🎥 Погледнете ги видеата и дознајте повеќе за современите пристапи во лекувањето на ракот на дојка.

🦋 Крилја Различни. Борбата лична, поддршката заедничка.

Едукативниот серијал за рак на дојка на **ХЕМА-ОНКО** се реализира во соработка со **Медикус Хелп**.

#ХЕМАОНКО #МедикусХелп #РакНаДојка #Лекување #Терапии #РазличниКрилја

🦋 „Јас сум пеперутка“  повеќе од брошура, порака за сила, надеж и поддршка! 💗Со особена радост, ХЕМА-ОНКО и ФЕМИНА М ја ...
29/10/2026

🦋 „Јас сум пеперутка“ повеќе од брошура, порака за сила, надеж и поддршка! 💗

Со особена радост, ХЕМА-ОНКО и ФЕМИНА М ја промовираа новата едукативна брошура „Јас сум пеперутка“, создадена со многу љубов, посветеност и искрена желба секоја жена што се соочува со ракот на дојката да добие знаење, поддршка, охрабрување и надеж.

На промоцијата присуствуваа министерот за здравство, д-р Сашо Клековски, претставници на Фондот за здравствено осигурување, доктори, професори, директори на клиники, претставници на фарма компании, пациенти и претставници на здруженија на пациенти и граѓани.

🌸 Посебно сме благодарни на докторите и здравствените работници кои беа дел од создавањето и стручната ревизија на брошурата, вклучувајќи ги и докторите од „Аџибадем Систина“. Речиси една година посветеност, соработка и внимателна подготовка стојат зад оваа брошура, со една заедничка цел да им понудиме на жените проверени информации, практични насоки и поддршка на патот од дијагнозата до закрепнувањето.

🦋 Зошто токму пеперутка?

Затоа што нè потсетува дека промената не значи крај. Дека и по најтешките предизвици можеме повторно да ги рашириме крилјата и дека секоја жена е многу повеќе од својата дијагноза таа е личност со свои соништа, љубов, достоинство и надеж.

💗 „Јас сум пеперутка“ е подадена рака, топол збор и потсетник дека ниту една жена не треба да поминува низ ова патување сама.

Нашата желба е брошурата да стигне до секоја жена на која ѝ е потребна, да ѝ помогне полесно да го разбере она низ што поминува и да ја потсети дека има право да биде информирана, слушната, разбрана и поддржана.

Благодарност до сите доктори, здравствени работници, партнери, поддржувачи и пријатели кои веруваа во оваа идеја и помогнаа таа да стане реалност.
❤️🌹❤️🌹❤️🌹❤️🌹

Најголема благодарност до жените кои се нашата инспирација и потсетник зошто оваа работа има вистинска смисла. ❤️

➡️ Особена благодарност упатуваме до Фарма компаниите кои ја поддржаа идејата да го реализираме и оствариме замисленото, односно “Јас сум пеперутка” да ја дочека светлината на денот и да биде дел од поддршката за пациентите со рак на дојка.

Заедно можеме повеќе. Заедно ги шириме крилјата! 🦋💗

Министерство за здравство / Ministria e Shëndetësisë
ЈЗУ УК за радиотерапија и онкологија
Uni Clinic for Plastic and Reconstructive surgery
Институт за патологија / Institute of Pathology
Универзитетски Институт За Радиологија
Medicus Help
Acibadem Sistina Hospital
Фонд за здравствено осигурување на Република Северна Македонија

#ЈасСумПеперутка #ХЕМАОНКО #ФЕМИНАМ #РакНаДојка #ПоддршкаЗаПациентите #ЗаедноМожемеПовеќе

29/10/2026

🧬 **РАК НА ДОЈКА – КОЛКАВА УЛОГА ИМААТ НАСЛЕДНОСТА И ГЕНЕТИКАТА?**

Дали ракот на дојка е наследен? Дали семејната историја значи дека имаме поголем ризик да заболиме? Кога е потребно генетско советување и тестирање?

👩‍⚕️ Спец. д-р Марина Иљовска** од Универзитетската клиника за радиотерапија и онкологија во Скопје ни помага подобро да ја разбереме улогата на наследноста и генетиката во појавата на ракот на дојка.

Иако најголемиот дел од случаите на рак на дојка не се директно наследни, одредени генетски промени можат значително да го зголемат ризикот од заболување.

💗 Познавањето на семејната историја, навременото препознавање на ризикот и соодветното генетско советување можат да бидат важни за раното откривање и грижата за сопственото здравје.

🎥 Погледнете ги видеата и дознајте повеќе за наследноста, генетиката и ракот на дојка.

🦋 Различни крилја. Борбата лична, поддршката заедничка.

Едукативниот серијал за рак на дојка на ХЕМА-ОНКО се реализира во соработка со Medicus Help

#ХЕМАОНКО #МедикусХелп #РакНаДојка #Наследност #Генетика #ГенетскоТестирање #РазличниКрилја

29/10/2026

🎗️ РАК НА ДОЈКА – ШТО ТРЕБА ДА ЗНАЕМЕ?

Што е рак на дојка и како настанува? Дали знаеме што го предизвикува и кои се главните ризик-фактори?

Со овие важни прашања го започнуваме нашиот едукативен серијал посветен на ракот на дојка.

👩‍⚕️ Спец. д-р Валентина Бојовска Трајановска, од Универзитетската клиника за радиотерапија и онкологија во Скопје, ни помага подобро да ја разбереме болеста и факторите што можат да влијаат врз нејзиното појавување.

💗 Информираноста е првиот чекор кон поголема свесност, навремени прегледи и грижа за сопственото здравје.

🎥 Погледнете го видеото и споделете го. Информацијата може да биде важна за некого што го познавате.

🦋 Различни крилја. Борбата лична, поддршката заедничка.

Едукативниот серијал за рак на дојка на ХЕМА-ОНКО се реализира во соработка со Medicus Help .

#ХЕМАОНКО #МедикусХелп #РакНаДојка #РазличниКрилја #Едукација #РанаДетекција

Address

Ulica Metodija Shatorov Sharlo
Skopje
1000

Alerts

Be the first to know and let us send you an email when ХЕМАОНКО - HEMAONKO posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ХЕМАОНКО - HEMAONKO:

Share