27/08/2026
ਸੁਖਬੀਰ ਬਾਦਲ ਤੂੰ ਆਪਣੇ-ਆਪ ਦੀ ਪਛਾਣ ਕਰਵਾਉਂਦਾ ਬਿਆਨ ਦਿੱਤਾ ਕਿ ਤੂੰ ਕੌਣ ਹੈਂ। ਵੈਸੇ ਤਾਂ ਸੰਗਤ ਸਭ ਜਾਣਦੀ ਹੈ, ਪਰ ਤੈਨੂੰ ਦੱਸਣ ਲਈ ਤੇਰੀ ਪਛਾਣ ਅਸੀਂ ਵੀ ਕਰਵਾ ਦਈਏ, ਤਾਂ ਜੋ ਤੈਨੂੰ ਪਤਾ ਲੱਗ ਸਕੇ ਕਿ ਤੂੰ ਅਸਲ ਵਿੱਚ ਹੈਂ ਕੌਣ।
ਤੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦਾ ਭਗੌੜਾ ਹੈਂ—ਭਗੌੜਾ! ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਨਮੁੱਖ ਖੜ੍ਹ ਕੇ ਤੂੰ ਆਪਣੀਆਂ ਗ਼ਲਤੀਆਂ ਮੰਨੀਆਂ, ਪਰ ਬਾਹਰ ਆ ਕੇ ਮੁੱਕਰ ਜਾਣ ਵਾਲਾ ਪੰਥ ਦੋਖੀ ਹੈਂ ਤੂੰ, ਸੁਖਬੀਰ ਬਾਦਲ।
ਸਿੱਖਾਂ ਨੂੰ ਕਤਲ ਕਰਨ ਵਾਲੇ ਅਤੇ ਪੰਜਾਬ ਦੀ ਇੱਕ ਪੂਰੀ ਪੀੜ੍ਹੀ ਦਾ ਕਤਲ ਕਰਨ ਵਾਲੇ ਬੁੱਚੜ ਪੁਲਿਸ ਅਫ਼ਸਰਾਂ ਨੂੰ ਤਰੱਕੀਆਂ ਦੇਣ ਵਾਲਾ, ਪੰਥ ਦਾ ਗੁਨਾਹਗਾਰ ਅਤੇ ਗੱਦਾਰ ਹੈਂ ਤੂੰ।
ਸੁਖਬੀਰ ਬਾਦਲ , ਤੂੰ ਸੁਮੇਧ ਸੈਣੀ ਵਰਗੇ ਜ਼ਾਲਮ ਪੁਲਿਸ ਅਫ਼ਸਰ ਦਾ ਵਕੀਲ ਰਿਹਾ। ਕਲੇਰ ਪਰਿਵਾਰ ਨੂੰ ਪਾਰਟੀ ਅਤੇ ਐੱਸਜੀਪੀਸੀ ਵਿੱਚ ਵੱਡੇ ਅਹੁਦਿਆਂ ਨਾਲ ਨਿਵਾਜਣ ਵਾਲਾ ਵੱਡਾ ਪੰਥ ਦੋਖੀ ਵੀ ਤੂੰ ਹੀ ਹੈਂ।
ਸੁਖਬੀਰ ਬਾਦਲ, ਤੂੰ ਦਸਮ ਪਿਤਾ ਵਰਗਾ ਸਵਾਂਗ ਰਚਾਉਣ ਵਾਲੇ ਬਲਾਤਕਾਰੀ ਸਾਧ ਰਾਮ ਰਹੀਮ ਖ਼ਿਲਾਫ਼ ਬਠਿੰਡਾ ਵਾਲਾ ਕੇਸ ਵਾਪਸ ਕਰਵਾ ਕੇ ਉਸਨੂੰ ਬਚਾਉਣ ਵਾਲਾ ਬੰਦਾ ਹੈਂ।
ਸੁਖਬੀਰ ਬਾਦਲ, ਤੂੰ ਬਰਗਾੜੀ ਬੇਅਦਬੀ ਦੇ ਅਸਲ ਦੋਸ਼ੀਆਂ ਨੂੰ ਫੜਨ ਦੀ ਬਜਾਏ ਸਿੱਖ ਨੌਜਵਾਨਾਂ ਉੱਪਰ ਤਸ਼ੱਦਦ ਕਰਵਾਉਣ ਵਾਲਾ ਅਤੇ ਕੋਟਕਪੂਰੇ ਦੀ ਧਰਤੀ ਨੂੰ ਲਹੂ-ਲੁਹਾਨ ਬਣਾਉਣ ਵਾਲਾ ਬੇਗ਼ੈਰਤ ਬੰਦਾ ਹੈਂ।
ਸੁਖਬੀਰ ਬਾਦਲ , ਤੂੰ ਬਹਿਬਲ ਕਲਾਂ ਗੋਲੀ ਕਾਂਡ ਵੇਲੇ ਪੁਲਿਸ ਅਫ਼ਸਰਾਂ ਦੀ ਪੁਸ਼ਤ-ਪਨਾਹੀ ਕੀਤੀ ਅਤੇ ਉਨ੍ਹਾਂ ਨੂੰ ਅਣਪਛਾਤੀ ਪੁਲਿਸ ਦੱਸਿਆ। ਸ਼ਾਂਤਮਈ ਢੰਗ ਨਾਲ ਇਨਸਾਫ਼ ਮੰਗ ਰਹੀ ਨਿਹੱਥੀ ਅਤੇ ਬੇਕਸੂਰ ਸਿੱਖ ਸੰਗਤ ਉੱਪਰ ਗੋਲੀਆਂ ਚਲਾਉਣ ਦੇ ਹੁਕਮ ਦੇਣ ਵਾਲਾ ਤੂੰ ਅੱਜ ਦੇ ਸਮੇਂ ਦਾ ਜਨਰਲ ਡਾਇਰ ਹੈਂ।
ਸੁਖਬੀਰ ਬਾਦਲ , ਉਹ ਤੂੰ ਹੀ ਸੀ ਜਿਸਨੇ ਬਲਾਤਕਾਰੀ ਰਾਮ ਰਹੀਮ ਨੂੰ ਤਖ਼ਤ ਸਾਹਿਬਾਨ ਦੇ ਜਥੇਦਾਰਾਂ ਉੱਪਰ ਦਬਾਅ ਪਾ ਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਮੁਆਫ਼ੀ ਦਿਵਾਈ। ਫਿਰ ਤਾਂ ਹੱਦ ਹੀ ਹੋ ਗਈ—ਗੁਰੂ ਦੀ ਗੋਲਕ ਦੀ ਵਰਤੋਂ ਕਰਕੇ ਇਸ਼ਤਿਹਾਰ ਬਣਾਏ ਗਏ, ਤਾਂ ਜੋ ਉਸ ਮੁਆਫ਼ੀ ਨੂੰ ਸਹੀ ਦਰਸਾਇਆ ਜਾ ਸਕੇ।
ਸੁਖਬੀਰ ਬਾਦਲ, ਤੇਰੇ ਹੋਰ ਕਿੰਨੇ ਪਾਪ ਗਿਣਵਾਈਏ? ਸਿੱਖ ਕੌਮ ਉੱਪਰ ਹੋਏ ਤਸ਼ੱਦਦ ਦਾ ਜ਼ਿੰਮੇਵਾਰ ਤੂੰ ਹੀ ਹੈਂ। ਹਾਲੇ ਵਾਸਤੇ ਇੰਨਾ ਹੀ। ਵੈਸੇ ਤਾਂ ਤੇਰੇ ਬਾਪ ਪ੍ਰਕਾਸ਼ ਚੰਦ ਨੇ ਵੀ ਤੇਰੇ ਨਾਲੋਂ ਵੱਧ ਕਾਰਨਾਮੇ ਕੀਤੇ ਸਨ, ਪਰ ਹੁਣ ਉਹ ਇਸ ਦੁਨੀਆ ਵਿੱਚ ਨਹੀਂ ਹੈ, ਇਸ ਲਈ ਉਸ ਦੀ ਗੱਲ ਕਰਨ ਦਾ ਕੋਈ ਫ਼ਾਇਦਾ ਨਹੀਂ। ਤੇਰੇ ਹੋਰ ਅਨੇਕਾਂ ਗੁਨਾਹ ਹਨ, ਜਿਹੜੇ ਆਉਣ ਵਾਲੇ ਸਮੇਂ ਵਿੱਚ ਸੰਗਤਾਂ ਦੇ ਸਾਹਮਣੇ ਰੱਖੇ ਜਾਣਗੇ।
