https://www.facebook.com/2336532743338871/

Green Fingers Tuinbou Klub

Home
South Africa
Riversdale
Green Fingers Tuinbou Klub

Directions

Riversdal Tuinbouklub

25/08/2026

25 Aug 2026:
Met groot hartseer word vandag verneem van die afsterwe van Pottie *Potgieter* vanoggend! Die altyd 'vriendelike en besorgde' busbestuurder wat dikwels Riversdal se Tuinbouklub vergesel (vervoer) het!
Innige simpatie aan ál sy geliefdes.🥲💐 Hy sal altyd onthou word... 🙏
**Foto 14 Febr '24 by Allegaartjie Stilbaai, as afsluiting, na 'n interessante besigtigingstoer vir Riversdal Tuinbouklub, dié dag!**

07/06/2026

Geure uit die tuin [20 Mei 2026]

Dink net, as tuinliefhebbers in die ruimte ook sou kon tuinmaak, of dalk soms hul saamwees-aktiwiteite daar kon hê, hoe ‘n ‘droomwêreld’ sou ons nie gehad het nie! 🤗

Maar met dit in gedagte, het ‘n begeesterde Vlam van Deventer - ‘n landskap argitek van Stilbaai - sy mooiste mandjie ‘tuinwenke’ op 20 Mei 2026 aan die dames van GFT [Riversdal Tuinbouklub] kom uitdeel!

Ook het Lucretia van der Walt van Heidelberg, die dames in vervoering gehad met háár vonkellende ‘liefde en idees’, rondom ‘n tuin!

Ongelukkig kon Wedré Geldenhuys van Mont Blanc Agri nie die funksie bywoon nie, as gevolg van die erge reën. Maar steeds groot waardering teenoor alle deelnemers!

‘n Ander plesierigheid by hierdie funksie was die verrassende ‘tema-uitleg’ by die eettafel: ‘Eet uit jou voortuin!’ … en wát ‘n verrassing! Heerlik is aan die geurige sop en broodjies gesmul - aangebied deur De Doornkraal Hotel se koskuns-span!

Foto’s deur lede voorsien; asook ‘n nodige kontaknommer indien iemand belangstel om by die Tuinklub aan te sluit: Elmarie 0828846968.

17/05/2026

~~Op 15 April 2026 kon die reënerige weer nie die gees van Riversdalse Tuinbouklub demp nie! Met die nodige reënjasse, sambrele en selfs stapstokke het hulle die Garcia-wandeling terdeë geniet! Die natuur is in hulle bloed! Elke fynbos en die darteling van waterstroompies is gekoester.
~~Daarna volg 'n insiggewende begeleide toer deur die produksiefasiliteite van Muiskraal-olyfplaas. Die uitstappie is afgesluit met heerlike worsbroodjies, en 'n gesellige kuierklets, agterna. [Foto's deur lede voorsien.]
~~Die klub se volgende byeenkoms vind op Woensdag 20 Mei by die De Doornkraal Vinotel plaas. Enige belangstellendes kan 'n boodskap/whatsapp stuur na Elmarie - 0828846968.

07/04/2026

So 'n ander tipe 'sandplant' met sy sappige vrug, in Namibië - Kuiseb delta omgewing.

06/04/2026

Riversdal se Tuinbouklub (GFT) bly bedrywig. Hulle hou van uitdagings om die natuur se rustigheid en andersheid te beleef!
11 Maart 2026 was hulle 'gehoed' en éne afwagting om te sien waar daardie dag se "besoekpunte" heen lei!
Hier 'n paar foto's! [💫] van lede se 'herinneringe!':
Dit het ingesluit: Jongensfontein Natuurreservaat; die Fonteinhuisie Museum; Marie van Tonder se tuin... en 'n laaste stop by Annatjie Joubert se vakansiehuis; en natuurlik was die 'verversings'-bederf so gááf soos syself!
ALLE rolspelers is HARTLIK bedank! En iets spesiaal om mee af te sluit:
"Fill your life with adventures and memories; not things. Rather have stories to tell than things to show."

18/01/2026

4 Desember 2025 was ‘n 'hoogsomersdag', maar vir Riversdalse Tuinbouklub ‘n 'oggend om te onthou!'

Hul jaareindfunksie by De Doornkraal, onder ‘n groen druiwe prieel, het na die voorafgaande Algemene Jaarlikse Opsomming, asook die Finansiele Status-uiteensetting, oorgegaan in ‘n feestelike stemming!

Onder begeleiding van Maggie Filmalter, bekende musikant uit die omgewing, het Annatjie Joubert se lieflike ‘stem-talent’ almal teenwoordig se harte na verskillende plekke meegevoer - daar langs die swembad! Absoluut ‘voeding’ om die feesgety mooi in perspektief te kon kry …

Die ‘pretraai/vasvrae’ [oor plante] het twee wenners opgelewer: Hannelie van Zyl en Maggie Filmalter.

Daarna is met die heerlikste somersdisse verder om die tafels gekuier! Groot erkenning aan De Doornkraal hiervoor - asook aan alle bestuurslede wat daartoe bygedra het.

Ook waardering aan die 'uittredende' bestuurslede, wat baie gemis sal word; asook ‘welkom’ aan die nuutgekose bestuurslede! So is almal later uitmekaar met goeie kerswense, en 'n voorspoedige 2026 toegewens!
*Foto's via lede, dankie*

Address

Riversdale
6670

Website

facebook.com

Alerts

Be the first to know and let us send you an email when Green Fingers Tuinbou Klub posts news and promotions. Your email address will not be used for any other purpose, and you can unsubscribe at any time.