Riversdal Skou - Eg Plattelands

06/03/2026

Een van Saterdag se hoogtepunte by die Riversdalskou was beslis die Boerboele met pragtige honde en trotse eienaars . Baie geluk aan al die wenners wat uitgeblink het in hul klasse!

Wenners van die dag:
• Junior Kampioen Teef: Elevation Nala – Eienaar: Adre Steenkamp
• Junior Kampioen Reun: Genius Guard Grim Reaper –
Eienaar: Shaun Kannemeyer
• Senior Kampioen Teef: Pioneer Manuka – Eienaar: Barry Lategan
• Senior Kampioen Reun: Font Freefall – Eienaar: Neville Comley

03/03/2026

Skoukuier met Dr Abel Esterhuyze. Dankie aan ons borge SSK, Nedbank en SWD wat hierdie oggend moontlik maak.

01/03/2026

Senior Burgers word bederf!

Elke jaar is dit vir ons ’n groot voorreg om ons senior burgers tydens die Riversdalskou te bederf met ’n heerlike ete en warm plattelandse gasvryheid

Hierdie jaar was daar sommer ’n ekstra bonus toe Johan Gunter van Plaasmedia sy kitaar saamgebring het en die gehoor met ’n storie en mooi musiek vermaak het.

’n Groot dankie aan Betsie van Noordwyk, asook elkeen in die gemeenskap met ’n oop hand wat ’n bord kos geborg het. Julle omgee en ondersteuning maak sulke oomblikke moontlik.

27/02/2026

RIVERSDAL NUUS - Die jaarlikse skou in...

27/02/2026

Riversdal Superspar Damesoggend – “Ouma is oppad!”

Wat ’n oggend om te onthou! Die Riversdal Superspar Damesoggend het behoorlik gesorg vir lag, kuier en bederf met die skreeusnaakse vertoning “Ouma is oppad” deur Margit Meyer-Rödenbeck en musikale begeleiding deur Coenraad Rall.

Die saal was pragtig versier, tafels met sorg gedek en die hele ruimte gehul in ’n stylvolle teater-atmosfeer.

Gaste is verder bederf met heerlike eetgoed deur Ikigai, en elkeen het huis toe gegaan met ’n geskenkpak van Eureka Mills – ’n ware plattelandse bederf!

Baie dankie aan elke besigheid wat bygedra het tot ons gelukkige trekkings – Pro Beauty, Beauty Spot, Enyas en Riversdal Kwekery.

’n Spesiale dankie ook aan De Oude Eik Guest House vir die kunstenaars se gerieflike verblyf, en aan De Doornkraal Gastehuis vir ’n heerlike ete wat hulle behoorlik bederf het.

27/02/2026

'n Dohne Merino-lam is tydens die Riversdal-skou se slaglamkompetisie, geborg deurJC Slagtery en Veebemarking, as kampioen-enkelkarkas aangewys. Die lam, wat 20,6kg weeg en 'n punt van 99,53/100 behaal het, is deur Lourence van der Colff van Overberg Meat op Bredasdorp ingeskryf en is vir R23 000 aan Gerbrandt Rademan van Nuweput, Riversdal, verkoop.

Van der Colff het ook die kampioengroep van drie karkasse ingeskryf en ’n vierde plek in die enkelkarkaskompetisie behaal met ’n punt van 94,56. Die enkelkarkasse wat die tweede (98,52), derde (98,24) en vyfde plek (94,44) behaal het, is deur Vredesig Suffolk en Dormers van Darling in die Swartland ingeskryf.

Op die foto, van links, is Lourence van der Colff, JC Swart van JC Slagtery en Veebemarking, Gerbrandt Rademan, en Adriaan Geldenhuys, voorsitter van die Riversdal-skou skaapafdeling.



Riversdal Skou - Eg Plattelands Plaas Media Agri-Expo BKB FNB Absa South Africa Afrivet Molatek Nedbank

26/02/2026

26/02/2026

Riversdalskou belê in die toekoms van Landbou!

By die jaar se Riversdalskou het ons weer gesien hoe belangrik dit is om reeds van kleins af liefde vir landbou te kweek.

Die oulike maats van Ienkel Dienkel Kleuterskool het die skou besoek en sommer baie wys geword! Hulle het geleer:
Melk kom van ’n koei.
Skape het wol wat ons skeer.
Verskillende diere eet verskillende kos.
Hoenders lê eiers.

Leer was nog nooit soveel pret nie!

Dankie aan elkeen wat help bou aan die volgende geslag boere en landbou-entoesiaste.

25/02/2026

Leersame kursusse dra by tot volhoubare landbou by die skou!
Die skou was nie net pret en vertoon nie – dit was ook ’n waardevolle platvorm vir die deel van kennis en opleiding in ons landbougemeenskap.
🔹 Verantwoordelike gebruik van gewasbeskermingsprodukte
aangebied deur Syngenta en InteliGro
🔹 Dieregesondheid Inligtingsessie
Aangebied deur Enya van Wyk, hierdie sessie het praktiese kennis gebied oor:
✔️ Hoe om siek diere vroegtydig te identifiseer
✔️ Die korrekte hantering van siek diere
✔️ Biosekuriteit en voorkomende maatreëls
✔️ Die effektiewe gebruik van doseer- en entspuite
Hierdie kursusse is ’n bewys van die skou se verbintenis tot die ontwikkeling en versterking van ons landbougemeenskap. Kennis bly krag – en saam bou ons aan ’n sterker, meer volhoubare toekoms vir landbou!

24/02/2026

Het jy geweet?
’n Merino kan tussen 80 – 120 km se wolvesel per dag groei! Dis net een van die ongelooflike feite wat die seuns geleer het toe hulle Vrydag die Riversdalskou besoek het.

Tydens die leersessie het hulle:
Kennis gemaak met verskillende skaaprasse
Geleer waarvoor elke ras geteel word
Ontdek hoe die rasse se wol verskil
Gehoor waarvoor die verskillende tipes wol gebruik word

Van fyn, sagte wol vir luukse kledingstukke tot sterker vesels vir ander produkte – elke ras het sy unieke doel en waarde in die landboubedryf.

Die dag is natuurlik op ’n egte plattelandse noot afgesluit met lekker Boeresport pret!

Dankie aan almal wat gehelp het om hierdie opvoedkundige en prettige dag moontlik te maak. Dis hoe ons jongmense inspireer om landbou beter te verstaan en waardeer!

23/02/2026

Pluimvee - Wat ’n pragtige verskeidenheid geveerde skoonhede het ons nie vanjaar by die Riversdalskou gesien nie!
Dankie aan elke deelnemer wat hul pluimvee met soveel sorg voorberei het, asook aan ons beoordelaars en helpers wat hierdie afdeling moontlik gemaak het. Julle harde werk en passie wys in elke hok!