DROOM Tehuise / Old Age Homes

03/10/2026

30/09/2026

24/09/2026

ERFENISDAG
Inwoners van Ou Meule en Jan Lange het al vroeg op 23 Sep erfenisdag begin vier.

Die inwoners het reeds vanaf 10:00 by Jan Lange bymekaargekom vir ’n heerlike oggend in die buitelug. Terwyl die vuur aangesteek en voorberei is vir die braai, het die inwoners aan verskeie aktiwiteite deelgeneem. Daar is onder andere jukskei gespeel en verskeie ander speletjies.Die inwoners het dit baie geniet om buite te wees, saam te kuier en aan die aktiwiteite deel te neem.

Daar was ’n besondere opgewondenheid onder die inwoners oor die viering van "Heritage Day" en die dag het ’n heerlike gevoel van samehorigheid en tradisie geskep.

Die inwoners is later bederf met braaivleis, braaibroodjies, koeksisters, melktert en artappelslaai.

Die inwoners het die ete terdeë geniet en dit was duidelik dat die dag vir almal ’n spesiale geleentheid was.

Die personeel het ook met groot entoesiasme aan die vieringe deelgeneem deur op 24 September hul tradisionele klere aan te trek. Dit het ’n ekstra feestelike atmosfeer geskep en die inwoners en personeel die geleentheid gebied om saam die Suid-Afrikaanse erfenis en tradisies te vier.

Die Nasionale Braaidag- en Erfenisdagviering was ’n baie suksesvolle en betekenisvolle aktiwiteit wat sosiale interaksie, deelname, buitelugaktiwiteite en ’n gevoel van gemeenskap bevorder het.

22/09/2026

Op 21 September, Wêreld-Alzheimerbewustheidsdag, het ons by Ou Meule op ’n prettige manier hierdie dag laat uitstaan op ons kalender. Die bewusmaking rondom demensie en Alzheimer se siekte kan nie genoeg beklemtoon word nie.

As deel van die dag se aktiwiteit het die inwoners die geleentheid gekry om hul eie gemmerbroodmannetjie te versier.

Die aktiwiteit was nie net lekker en kreatief nie, maar het ook gefokus op die inwoners se handvaardigheid, fynmotoriese vaardighede, konsentrasie en deelname.

Elkeen het op sy of haar eie manier deelgeneem aan die versiering van die gemmerbroodmannetjies.

Diegene wat kon deelneem, het flink ingespring en daarna is die gemmerbroodmannetjies met groot genot opgeëet.

Ons bedank graag vir Feedem vir die inisiatief en ook die bak van die gemmerbroodmannetjie wat spesiaal vir hierdie aktiwiteit vir ons gebak is. Julle bydrae het die dag ekstra spesiaal gemaak.

Deur sulke eenvoudige, prettige aktiwiteite skep ons geleenthede vir deelname, stimulasie, genot en sosiale interaksie, terwyl ons terselfdertyd bewustheid rondom demensie en Alzheimer se siekte bevorder.

Ons het ook geskakel met die praktyk van Dr Kapp en vennote om bewusmaking van hierdie delikate mediese toestand te versterk en beklemtoon

💜 Ons onthou: ’n mens is soveel meer as sy of haar geheue.

09/09/2026

BINGO
Datum: 9 September 2026
Tyd: 10:30
Plek: Ou Meule se sonkamer

Die volgende inwoners het aan die aktiwiteit deelgeneem:

Ryda Pretorius
Joecy Botha
Reneé Stander
Grietha Loubscher
Bettie Swanepoel
Johan Steyn
Getruida Bouwer

Die inwoners het met groot entoesiasme deelgeneem en daar was deurgaans ’n heerlike atmosfeer van vriendskaplike kompetisie.
Daar is aanvanklik ’n oefen rondte gespeel waartydens die speletjie se reëls aan die inwoners verduidelik is. Bettie Swanepoel het nog nie voorheen bingo gespeel nie en is aangemoedig om saam met die groep deel te neem. Sy het die geleentheid vir die pret aangepak en lekker saam met die ander inwoners deelgeneem.

Daar is drie rondtes gespeel. Die wenners was
Johan Steyn wat die eerste én tweede ronde gewen het , terwyl Reneé Stander die derde rondte gewen het.

Waarneming en gevolgtrekking

Die aktiwiteit was ’n heerlike denk- en konsentrasiesessie waartydens die inwoners nie net hulle geheue en aandag getoets het nie, maar ook mekaar gehelp en aangemoedig het. Die inwoners geniet bingo gewoonlik baie, en hierdie sessie het weereens bewys dat dit ’n gewilde aktiwiteit is wat sosiale interaksie, deelname en vriendskaplike kompetisie bevorder.

Die oggend is in ’n baie positiewe en vrolike atmosfeer afgesluit, met die inwoners wat die aktiwiteit sigbaar geniet het.