26/08/2026
Francis Nieuwoudt is tydens die 2026 Phenomenal Women of the W**elands-Toekennings as wenner vereer vir haar uitsonderlike leierskap en toewyding aan die bemagtiging van vroue in die sakewêreld.
Die vyfde jaarlikse Fenomenale Vroue van die Wynland-toekennings het erkenning gegee aan buitengewone vroue wat ’n betekenisvolle verskil regoor die Kaapse Wynland maak. Die geleentheid, wat deur die Afrikaanse Taalmuseum en -monument (ATM), die Kaapse Wynland Distriksmunisipaliteit (KWDM) en die Historium Trust aangebied is, het hulde gebring aan vroue wie se leierskap, veerkragtigheid en diens steeds positiewe verandering in hul gemeenskappe inspireer.
Francis Nieuwoudt is onder andere tydens die glansryke funksie op 25 Augustus in die Paarlse Stadsaal deur die Wynland Distrik Munisipaliteit se Burgemeester, Dr Elna von Schlicht, tesame met verskeie presteerders uit die vrouegemeenskap, vereer vir uitnemende diens en prestasie in hul onderskeie organisasies.
Francis is vereer vir haar bydraes tot die bemagtiging van vroue in besigheid asook haar toewyding aan die vroue van die streek en prestasie in haar rol as Voorsitter van die Drakenstein AHI Vroue in Besigheid beweging van die Sakekamer.
Hierdie toekenning is vir die Sakekamer ‘n groot eer, die Sakekamer en die AHI Weskaap wens Francis Nieuwoudt geluk en ons ondersteun haar ten volle om verdere hoogtes in haar strewe en verbintenis tot die bemagtiging en inklusiwiteit van vroue in besigheid, te bevorder.
Drakenstein Sakekamer AHi
