What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 16:00

Helpende Hand - Deel van die Solidariteit Beweging

Home
South Africa
Centurion
Helpende Hand - Deel van die Solidariteit Beweging

Directions Website Contact the organization

Ons is 'n gemeenskapsorganisasie wat fokus om Afrikaner-armoede te verlig, voorkom en verbreek. Welkom by Solidariteit Helpende Hand se amptelike Facebook-blad.

Helpende Hand is ŉ niewinsgewende organisasie wat fokus op die opheffing van gemeenskappe deur maatskaplik-gebaseerde gemeenskapsontwikkeling vir die volgende kwesbare groepe:
• Kinders
• Gesinne
• Persone met gestremdhede
• Ouer persone
Dít realiseer deur ’n verskeidenheid van projekte en programme wat in die onderskeie streke van stapel gestuur word. Ons waardes is in lyn met Facebook se gemeenskapswaardes Jy is welkom om jou opinie te lug, maar indien jy kru taal, rassistiese uitlatings of enige onvanpaste kommentaar lewer wat teen ons en Facebook se gemeenskapswaardes is, sal jy van die blad verban word. Solidariteit Helpende Hand se gemeenskapswaardes is soos volg:
1) Privaatheid en persoonlike veiligheid: ons ag die privaatheid van ons verbruikers, veral van begunstigdes, hoog. Geen inligting van enige persoon wat hulp versoek, sal aan die publiek bekend gemaak word nie. Dit sluit die identiteit en besonderhede oor alle aansoeke/versoeke via digitale media in. Die veiligheid van ons verbruikers is van kardinale belang. Geen boeliegedrag, teistering, intimidering of pespos sal geduld word nie. Beskerm jouself. Wees versigtig oor watter persoonlike inligting jy aanlyn deel. Gevolglik word geen hulpversoeke op kommentaar in plasings of via ŉ derdepartyboodskap op ons blad toegelaat nie.

2) Verantwoordelike en etiese optrede: daar mag onder geen omstandighede enige wanvoorstelling van enige instansie of persoon gemaak word nie. Alle kommentaar moet volgens die visie en missie van Helpende Hand wees.

3) Eer verskille en toon respek vir ander se menings: toon begrip vir ander se demografie, kultuur, geslag, ras, kleur, geloof, godsdiens, etnisiteit, seksuele oriëntasie, geslagsidentiteit, nasionale oorsprong, burgerskap, ongeskiktheid of huwelikstatus.

4) Kommentaar/inhoud oor die volgende onderwerpe is streng verbode:
- Haatspraak teenoor enige instansie of individu
- Negatiewe kommentaar teenoor ander werknemers of teenoor Helpende Hand
- Aanhitsing tot geweld
- Rassisme
- Seksisme
- Laster
- Kru taalgebruik
- Ander aanstootlike inhoud
- Pornografiese materiaal of kommentaar
- Strooipos of bemarking van jou produk of diens

5) Beskerm ons kinders: Geen foto’s van kinders mag deur derdepartye in Solidariteit Helpende Hand se kommentaarafdeling geplaas, of via ’n persoonlike boodskap aan ons versprei word nie. Solidariteit Helpende Hand vervul nié die volgende funksies nie:
Statutêre maatskaplike dienste:
Helpende Hand beskik nie oor die mandaat om enige vorm van statutêre maatskaplike diens te kan lewer nie, naamlik die beveiliging van kinders en enige ander optrede kragtens die Kinderwet (No. 38 van 2005). Die Afdeling Maatskaplikewerkdienste is egter bevoeg om raad en leiding oor die verskillende statutêre prosesse kragtens die bogenoemde wet te verskaf en persone na geregistreerde kinderbeskermingsorganisasies te verwys. Finansiële bystand:
Helpende Hand is ŉ niewinsgewende organisasie en kan dus nie finansiële bystand bied nie. Dit sluit onder andere die volgende uitgawes in:
 Verbands- of huuronkostes
 Elektrisiteitsrekeninge
 Herstelkostes aan wonings
 Trek- of reisonkostes
 Finansiële ondersteuning in terme van mediese aangeleenthede
 Begrafnisdienste
 Borgskappe
Behuising:
Helpende Hand beskik nie oor enige behuising nie. Die maatskaplike werker kan egter, waar moontlik, kontakbesonderhede van skuilings en ander hulpbronne voorsien, maar dit is die persoon se eie verantwoordelikheid om die betrokke hulpbronne te kontak.

04/11/2026

Neem beheer oor die kwessies na aan jou hart.

03/11/2026

In 'n samelewing waar armoede en honger kinders steeds 'n groot uitdaging bly, tree Solidariteit Helpende Hand se Kosblikkie-projek na vore as 'n ligpunt van hoop en lewensverandering.

Besoek https://helpendehand.co.za/kosblikkie-donasie/ en raak vandag nog betrokke by die Kosblikkie-projek.

03/11/2026

Die PlantSelf-projek aktiveer en leer gemeenskappe om selfonderhoudend te wees.

Ons PlantSelf Plantkoepel is 'n draagbare kweekhuis wat oor en oor gebruik kan word. Die plantkoepel is 'n unieke, omgewingsvriendelike tuin- en besproeiingstelsel wat almal in staat stel om 'n voedselbron van hul keuse te kweek.

Koop jou plantkoepel hier: https://helpendehand.co.za/plantself/

02/11/2026

Ons unieke waardeaanbod is toegang tot die geleentheid om te studeer deur die Studietrust.

Studiedrome word moontlik gemaak deur die Studietrust se rentevrye studielenings. Maak studiedrome waar. Raak vandag betrokke: https://hh-studietrust.co.za/

02/11/2026

Welstand deur werksyn vir voorspoed. Raak betrokke by Solidariteit Helpende Hand hier: https://helpendehand.co.za/sm-donasie/

01/11/2026

Ons praat dikwels oor sukses asof dit die produk van selfvertroue, deursettingsvermoë en harde werk is. Ons luister na die verhale van mense wat groot gedroom het, struikelblokke oorkom het en nooit opgegee het nie. Dit is die inspirerende en motiverende verhale wat ons nodig het om aan te hou wanneer die pad moeilik raak. Wat ons egter selde sien, is die mense agter hierdie verhale, die mense wat in iemand geglo het lank voordat daardie persoon self kon glo dat die droom moontlik is.

Daar kom oomblikke in 'n mens se lewe wanneer 'n droom so ver van jou werklikheid af lyk dat jy begin wonder of jy dit ooit sal bereik en of dit die moeite werd is. En dis wanneer ons daardie een mens nodig het wat in ons drome bly glo. Want soms verg sukses net een mens wat in jou glo ongeag die struikelblokke op jou pad.

Die Studietrust ontvang gereeld briewe van studente af; het jy dit geweet, liewe Leser? Agter elke brief is daar 'n student wat hard werk, maar soms sukkel en oorweldig voel. En dis wanneer hulle uit dankbaarheid begin skryf, omdat hulle weet hulle moenie die kans wat vir hul gegee is onderskat nie. Jy kan amper deur die briewe voel hoe hulle weer opnuut besef dat dít wat hulle doen 'n roeping is en daarom is opgee nie 'n opsie nie.

Wanneer 'n mens al die briewe saam lees, besef jy eintlik dat die waarde van die ondersteuning verder as net finansiële hulp strek. Dit gee aan 'n jong mens die geleentheid om 'n droom te volg, potensiaal te ontwikkel en met groter sekerheid aan 'n toekoms te bou. Dit gee hoop. Die studente weet dat daar baie van hulle verwag word, maar hulle weet ook dat iemand bereid was om in hulle te glo, en dis waarom die Studietrust briewe ontvang.

Die belegging wat vandag in hierdie studente gemaak word, eindig nie by hulle nie. Hulle wil eendag kundiges wees wat met kennis, deernis, integriteit en diensbaarheid 'n verskil maak. Wat vandag as 'n studielening begin, kan dus uiteindelik 'n hele ketting geleenthede word. Dit vat een persoon, een span en een organisasie wat in 'n mens glo om daardie mens vir die onmoontlike te laat kans sien. Dis welstand deur werksyn plus een.

Vriendelike groete
Hilde Kruger
Solidariteit Helpende Hand
https://hh-studietrust.co.za/

01/11/2026

UITGEVRYFDE KORINGKORRELS
’n Kosbare geestelike erfenis wat ná meer as 80 jaar weer beskikbaar is! Immergewilde oordenkings uit die pen van Vader Kestell waarin God se eer en die welsyn van sy naaste voorop staan.

Uitgevryfde koringkorrels deur JD Kestell is 'n dagstukkieboek wat jou regdeur die jaar begelei en aanmoedig tot dieper nadenke oor God se Woord.

Uitgegee deur Lig In Duisternis Uitgewers in samewerking met Solidariteit Helpende Hand.

Maak hierdie besondere dagstukkieboek deel van jou daaglikse stiltetyd. Bestel jou boek hier: https://helpendehand.co.za/uitgevryfde-koringkorrels/

01/11/2026

TROOS
"Troos, troos my volk." (Jesaja 40:1) [AFR53]

Dit is God wat hier sê: "Troos, troos my volk." Om dit te benadruk, word die woord herhaal: "Troos, troos!" Vele siele het troos nodig in hierdie droewige wêreld van ons, want al is alles in die wêreld so mooi en genotvol kan dit ons tog nie waarlik troos nie. En daarom het vele mense troos nodig. Is dit omdat ons sonde gedoen het en omdat daar selfverwyt en gewetenswroeging in ons harte is? Ja, al het ons ons sonde bely en dit aan die voet van die kruis afgelê, bloei die wonde tog en lê daar 'n swaar las op ons gemoed.

Maar dit behoort tog so nie te wees nie. Het God dan nie deur Jesus, ons Saligmaker, ons sonde vergewe nie? Die opdrag van die profeet is om sulke siele te troos: "Troos, troos my volk."

Of is ons seergemaak deur ons naaste, deur 'n vriend, deur ons dierbaarste? Dan is ons nog dieper terneergedruk omdat ons dierbaarste ons laat ly. Dit is vir ons asof die laaste straaltjie lig uitgeblus word! Maar ook dan hoor ons die profeet se boodskap: "Troos, troos my volk!"

"My volk." Laat ons hieraan dink: Ons wat sonder troos is, is sy volk, sy eiendom; ons is vir God dierbaar; ons is sy oogappel. Hy weet wat ons nodig het. Hy weet wat ons moet ondergaan, wat ons kan ondergaan. Wat 'n troos is dit nie! Kom ons dank onse God vir sy opdrag aan die profeet: "Troos, troos my volk."

31/10/2026

"Maar wanneer ek daaraan dink, sien ek nie net 'n tassie, potlode, 'n liniaal en ander skryfgoed nie. Ek sien die eerste tree in die rigting om daardie kind se selfvertroue te begin bou."

René Roux skryf oor Helpende Hand se -projek. Solidariteit Helpende Hand se Skooltassie-projek voorsien sedert 2007 landswyd goed toegeruste skooltassies aan behoeftige graad 1-leerders.

Lees hier saam:

As ons dít saam met ’n kind skool toe kan stuur, het ons baie meer as net ’n tassie gepak.

Address

1240 John Vorster Drive
Centurion
0157

Opening Hours

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 16:00

Website

http://www.helpendehand.co.za/

Alerts

Be the first to know and let us send you an email when Helpende Hand - Deel van die Solidariteit Beweging posts news and promotions. Your email address will not be used for any other purpose, and you can unsubscribe at any time.