Die winkels neem en verkoop enige skenking. Fondse word aangewend vir gemeenskapsprojekte en studiefondse vir behoeftige studente. SOLIDARITEIT HELPENDE HAND: FACEBOOK-BLAD HUISREËLS
Welkom by Solidariteit Helpende Hand se amptelike Facebook-blad. Helpende Hand is 'n nie-winsgewende organisasie wat fokus op die opheffing van gemeenskappe deur maatskaplik-gebaseerde gemeenskapsontwikkeling binne d
ie volgende kwesbare groepe toe te pas:
• Kinders
• Gesinne
• Persone met gestremdhede
• Ouer persone. Dít realiseer deur ’n verskeidenheid van projekte en programme wat in die onderskeie streke uitgerol word. Ons waardes is in lyn met die van die gemeenskapswaardes van Facebook. Jy is welkom om jou opinie te lig, maar indien jy krutaal, rassistiese uitlatings of enige onvanpaste kommentaar wat teen ons en die gemeenskapswaardes van FB is maak, sal jy van die blad verban word. Solidariteit Helpende Hand se gemeenskapswaardes is soos volg:
1) Privaatheid en persoonlike veiligheid: Ons ag die privaatheid van ons verbruikers, veral van begunstigdes hoog. Geen inligting van enige persoon wat hulp versoek sal bekend gemaak word aan die publiek nie. Dit sluit die identiteit en besonderhede oor alle aansoeke/versoeke via digitale media in. Die veiligheid van ons verbruikers is van kardinale belang. Geen boelie-gedrag, teistering, intimidering, of pespos sal geduld word nie. Wees versigtig oor watter persoonlike inligting jy aanlyn deel. Gevolglik word geen hulp versoeke op kommentaar in plasings of via ’n derdeparty boodskap op ons blad toegelaat nie.
2) Verantwoordelike en etiese optrede. Daar mag onder geen omstandighede enige wanvoorstelling van enige instansie of persoon gemaak word nie. Alle kommentaar moet in lyn wees met die visie en missie van Helpende Hand.
3) Eer verskille en toon respek vir ander se menings. Toon begrip vir ander se demografie, kultuur, geslag, ras, kleur, geloof, godsdiens, etnisiteit, seksuele oriëntasie, geslagsidentiteit, nasionale oorsprong, burgerskap, ongeskiktheid, of huwelikstatus, uit.
4) Kommentaar/inhoud oor die volgende onderwerpe is streng verbode:
- Haatspraak teenoor enige instansie of individue
- Negatiewe kommentaar teenoor ander werknemers of teenoor Helpende Hand
- Aanhitsing tot geweld
- Rassisme
- Seksisme
- Laster
- Krutaal
- Ander aanstootlike inhoud
- Pornografiese materiaal of kommentaar
- Strooipos /bemarking van jou produk of diens
5) Beskerm ons kinders: Geen foto’s van kinders mag deur derdepartye in Solidariteit Helpende Hand se kommentaar afdeling geplaas word, of via ’n persoonlike boodskap aan ons versprei word nie. Solidariteit Helpende Hand vervul nié die volgende funksies nie:
Statutêre Maatskaplike Dienste:
Helpende Hand beskik nie oor die mandaat om enige vorm van statutêre maatskaplike dienste te kan lewer nie, naamlik:
Die beveiliging van kinders en enige ander optrede kragtens die Kinderwet Nr. 38 van 2005. Die Maatskaplike Werk Dienste Afdeling is egter bevoeg om raad en leiding oor die verskillende statutêre prosesse kragtens bogenoemde Wet te verskaf en persone na geregistreerde Kinderbeskermingsorganisasies te verwys. Finansiële bystand:
Helpende Hand is ʼn nie-winsgewende organisasie en kan dus nie finansiële bystand bied nie. Dit sluit onder andere die volgende uitgawes in:
Verbands- of huuronkostes
Elektrisiteitsrekeninge
Herstelkostes aan wonings
Trek- of reisonkostes
Finansiële ondersteuning in terme van mediese aangeleenthede
Begrafnisdienste
Borgskappe
Behuising:
Helpende Hand beskik nie oor enige behuising nie - die maatskaplike werker kan egter waar moontlik kontakbesonderhede van skuilings en ander hulpbronne voorsien, maar dit is die persoon se eie verantwoordelikheid om die betrokke hulpbronne te kontak.
