Metro Carigara Daily

Call Website Contact the organization

Metro Carigara Daily 🌐 www.carigaradaily.com

Metro Carigara Daily is an independent community media platform committed to delivering Local News, Global Views.
(5)

Metro Carigara Daily Inc is committed to delivering truthful, ethical, and inclusive journalism that empowers the Carigara and surrounding communities through accurate reporting, accountability, and civic engagement, striving to be the most trusted source of independent news that fosters informed dialogue and social responsibility.

HAPPY LANG!HOUSE PROSECUTION TEAM, NAGPA-WACKY GROUP PHOTO MATAPOS MAURONG ANG IMPEACHMENT TRIALNagpa-wacky group photo ...
10/14/2026

HAPPY LANG!

HOUSE PROSECUTION TEAM, NAGPA-WACKY GROUP PHOTO MATAPOS MAURONG ANG IMPEACHMENT TRIAL

Nagpa-wacky group photo ang House prosecution team matapos ipagpaliban ang impeachment trial ni Vice President Sara Duterte nitong Martes.

Iniurong ni Senate President at Presiding Officer Chiz Escudero sa Nov. 9, 2026 ang pagpapatuloy ng paglilitis.

Ang pagpapaliban ay kasunod ng pagbawi ng prosecution panel sa tatlo sa apat na articles of impeachment laban sa Bise Presidente.

Sa ngayon, Article II na lamang ang natitirang impeachment charge. Nakatuon ito sa alegasyon ng unexplained wealth.

Photo: Senate Media/Pool Photo

VETERAN BROADCASTER TULFO: 'MUKHANG GOON' ANG PINUNO NG BUWAG NA QC TASK FORCETinawag ni veteran broadcaster Ramon Tulfo...
10/14/2026

VETERAN BROADCASTER TULFO: 'MUKHANG GOON' ANG PINUNO NG BUWAG NA QC TASK FORCE

Tinawag ni veteran broadcaster Ramon Tulfo na "mukhang goon" si Quezon City Councilor Rannie Ludovica, ang lider ng Quezon City Task Force Disiplina na binuwag ni Mayor Joy Belmonte dahil sa umano'y matinding pang-aabuso sa kapangyarihan.

Ito ay kasunod ng pamamaril na ikinamatay ng tatlong kabataan na may edad na 15, 18 at 19 noong Okt. 12 sa Quezon City.

Ayon kay Tulfo, ang bumaril ay si Alvince Tolentino, isang tauhan ni Ludovica, na sinasabing "lasing na lasing" nang gamitin ang isang paltik revolver.

Sinita umano ni Tolentino ang tatlong kabataan na naglalakad sa kalye nang alas-9 ng gabi.

Kahit wala silang ginawang masama, tumakbo ang mga ito sa takot kaya't pinagbabaril, aniya. "Salot daw sila sa lipunan kaya't pinagbabaril niya," ani Tulfo.

Pinuna din ni Tulfo ang mga bagay kaugnay ng task force.

"Bakit siya may M-16? May lisensiya ba ito? Bakit may dalang mga baril ang miyembro ng Task Force Disiplina samantalang di naman sila pulis?" sabi ni Tulfo sa kanyang social media post nitong Okt. 14.

Tinanong din niya ang rason ng alkalde sa pagtatatag ng grupo.

"Anong dahilan ni Mayor Belmonte na itatag ang Task Force Disiplina samantalang may mga pulis naman sa siyudad?" dagdag ni Tulfo.

Samantala, sinabi ni Ludovica na siya ay halal ng mga tao sa District 2. Aniya, dahil sa dami ng panawagan na mag-operate na siya dahil sa laganap na krimen, nakawan, akyat-bahay at droga sa mga barangay, kaya hiniling ng mga residente na magronda siya.

Dagdag pa niya, napatunayan niyang totoo ang mga hinaing kaya ginampanan niya ang obligasyon na tugunan ang mga reklamo.

"Uulitin ko, kahit anong mangyari di ko isusuko ang laban na ito para sa tao at sa susunod na henerasyon na ma-protektahan sila sa mga salot sa lipunan," pahayag ni Ludovica.

Screenshot: Ramon Tulfo/FB

10/14/2026

'ANTE KLER' NI CASTRO NAI-REHISTRO NA

"Na-rehistro" na ni Palace Press Officer Undersecretary Claire Castro ang palayaw na "Ante Kler" matapos siyang tawagin ng ganoon ni Pangulong Ferdinand Marcos Jr. sa isang press conference sa Singapore noong weekend.

Itinuring ni Castro na "endorsement" mula sa Pangulo ang pagbanggit sa kanyang palayaw.

"Nakakataba ng puso dahil ang pangalang 'Ante Kler,' Pangulo na ang nagsabi. Endorsement 'yan. Ibig sabihin, pwede niyo nang gamitin sa akin ang pangalang 'Ante Kler,'" pabirong sabi ni Castro.

Nang tanungin kung may kinalaman ito sa eleksyon, nilinaw ni Castro na suporta lang ito sa kanyang pangalan at hindi political endorsement.

"Ay, hindi naman. Suporta lang sa pangalang 'Ante Kler.' Huwag kayong mag-alala, pina-rehistro ko na ito. Wala nang makakaagaw ng 'Ante Kler,'" dagdag niya.

Video: RTVM

: BAGONG OPISYAL NA LARAWAN NI SENATE PRESIDENT GATCHALIAN, IPINAKITA SA PUBLIKO Ipinakita ni Senate President Win Gatc...
10/14/2026

: BAGONG OPISYAL NA LARAWAN NI SENATE PRESIDENT GATCHALIAN, IPINAKITA SA PUBLIKO

Ipinakita ni Senate President Win Gatchalian ang kanyang opisyal na portrait bilang pinuno ng Senado nitong Martes.

Sinabi ni Gatchalian na "isang malaking karangalan na maihanay ang ating larawan sa mga ginagalang na pinuno ng Senado."

"Sa mga taon natin sa serbisyo publiko, marami tayong natutunan at lalo nating pinahahalagahan ang tiwalang ipinagkaloob sa atin ng taumbayan," dagdag niya.

Nagpasalamat din si Gatchalian kay G. Jun Impas na lumikha ng obrang ito.

Pinasalamatan din niya ang kanyang mga kapwa senador, mga kawani ng Senado, at ang mga Pilipinong patuloy na nagbibigay ng suporta.

Photo: Sen. Win Gatchalian/FB

10/14/2026

: PALAWAN TOPS ASIA’S BEST ISLANDS LIST IN 2026 CONDÉ NAST TRAVELLER READERS’ CHOICE

Palawan in the Philippines has again earned global recognition after being named the top island in Asia in CondĂ© Nast Traveller’s 2026 Readers’ Choice Awards, highlighting the province’s enduring appeal to travelers for its beaches, clear waters and rich marine and wildlife.

The ranking reinforces Palawan’s status as a leading destination for both local and foreign tourists seeking nature-based experiences.

Video: Tourism Philippines

DUTERTE: EBIDENSYA ANG KAILANGAN HINDI PANINIRASinabi ni Vice President Sara Duterte nitong Okt. 14, 2026 na ang pagtawa...
10/14/2026

DUTERTE: EBIDENSYA ANG KAILANGAN HINDI PANINIRA

Sinabi ni Vice President Sara Duterte nitong Okt. 14, 2026 na ang pagtawag kay defense counsel Lorna Kapunan na "bully" ay katulad ng pagtawag kay David na aggressor laban kay Goliath.

Sa kanyang pahayag, sinabi ni Duterte na ginagamit lamang ito para siraan ang tumitindig laban sa "overwhelming display of political power" matapos umanong i-threaten, i-intimidate at ikulong ang mga tauhan ng OVP.

Sinabi rin niya na sinimulan ang impeachment na may mga alegasyon ngunit nabigo umanong patunayan ito ng compelling evidence, at bagama’t ginamit ang subpoena powers ng Kamara ay hindi pa rin nailabas ang kailangan para patunayan ang mga akusasyon bago dalhin sa Senado ang Articles of Impeachment.

: DSWD, IPINAKITA ANG 'BALDE' NA MAY WATER FILTRATION SYSTEMIpinakita ng Department of Social Welfare and Development (...
10/14/2026

: DSWD, IPINAKITA ANG 'BALDE' NA MAY WATER FILTRATION SYSTEM

Ipinakita ng Department of Social Welfare and Development (DSWD) nitong Miyerkules, Okt. 14 kung paano gamitin ang "jerry can" o balde na may kasamang water filtration system.

Pinangunahan ni DSWD Secretary Rex Gatchalian at mga opisyal ng ahensya ang demonstrasyon sa harap ng media.

Sa press briefing, sinabi ni Gatchalian na may sertipikasyon na mula sa Department of Health (DOH) ang aparato.

"Binigay din po namin sa inyo 'yung certification ng Department of Health na this is considered as a medical device at potable drinking water talaga ang lumalabas sa kanya," sabi ni Gatchalian.

Ayon sa kalihim, ang sertipikasyon ay nagpapatunay na ligtas inumin ang tubig na dumadaan sa filtration system ng balde.

Layunin ng DSWD na ipamahagi ang mga "jerry can" na ito sa mga lugar na apektado ng kalamidad at kulang sa malinis na tubig.

Photo: RTVM

: HOUSE SPEAKER DY, PINARANGALAN ANG MGA NAGRERETIRONG EMPLEYADO NG KAMARAPinarangalan ni House Speaker Bojie Dy ang mg...
10/13/2026

: HOUSE SPEAKER DY, PINARANGALAN ANG MGA NAGRERETIRONG EMPLEYADO NG KAMARA

Pinarangalan ni House Speaker Bojie Dy ang mga empleyado ng Kapulungan na magreretiro sa isinagawang "Salamat, Mabuhay Retirement Program" kamakailan lang.

Sa programa, kinilala ni Dy ang dekadang serbisyo ng mga kawani sa Kamara at sa bansa. Kasama niya si House Majority Leader Sandro Marcos sa pag-abot ng parangal.

"Salamat sa inyong tapat at mahabang paglilingkod sa Kapulungan at sa sambayanang Pilipino," sabi ni Dy.

"Karapatan ninyo ang suporta at pag-aalaga ng institusyon kahit nasa retirement na kayo."

Tiniyak din ni Dy ang patuloy na pagbibigay ng benepisyo at mga programang pangkalusugan para sa mga empleyado at retirees.

Ayon kay Dy, bahagi ito ng pagsisikap ng liderato na paigtingin ang kapakanan ng mga kawani ng Kamara.

Photo: House Speaker Bojie Dy/FB

GARIN, ABSWELTO SA DENGVAXIA GRAFT CASE! SANDIGANBAYAN, NAGLABAS NG DESISYONInabswelto ng Sandiganbayan Special Second D...
10/13/2026

GARIN, ABSWELTO SA DENGVAXIA GRAFT CASE! SANDIGANBAYAN, NAGLABAS NG DESISYON

Inabswelto ng Sandiganbayan Special Second Division si dating Health Secretary Janette Garin at iba pang kapwa-akusado sa mga kasong graft at technical malversation na may kinalaman sa pagbili ng dengue vaccine noong 2015.

Sa inilabas na desisyon, sinabi ng korte na hindi napatunayan ng prosekusyon ang mga paratang laban kina Garin at mga kasamahan kaugnay ng kontrobersyal na Dengvaxia procurement.

Binasura ng Sandiganbayan ang mga kaso dahil sa kakulangan ng ebidensya para idiin ang mga akusado sa umano'y katiwalian at maling paggamit ng pondo ng pamahalaan.

Matatandaang bumili ang Department of Health ng dengue vaccine noong 2015 sa ilalim ng pamumuno ni Garin.

Matapos ang desisyon, inaasahang maglalabas ng pahayag ang kampo ng dating kalihim.

BARUGO DRUG HAULNO. 1 TARGET NG REHIYON 8, NAHULI NG PNP BARUGOArestado ang itinuturing na No. 1 priority drug target ng...
10/13/2026

BARUGO DRUG HAUL

NO. 1 TARGET NG REHIYON 8, NAHULI NG PNP BARUGO

Arestado ang itinuturing na No. 1 priority drug target ng Eastern Visayas matapos ikasa ng pulisya ang isang buy-bust operation.

Kinilala ng mga otoridad ang suspek sa alias na "Sonnie", 57 anyos at isang beautician.

Nakalista siya bilang High-Value Individual at nangunguna sa Regional Priority Target List ng PRO8.

Pinangunahan ng Regional Police Drug Enforcement Unit 8 at Barugo Municipal Police Station ang operasyon kung saan narekober ang pinakamalaking bahagi ng kabuuang P1.03-million na halaga ng hinihinalang shabu na nakumpiska sa rehiyon mula Oktubre 12 hanggang 13.

Sa kabuuan, walo ang naaresto ng pulisya sa magkakahiwalay na anti-drug operations sa Leyte sa loob ng dalawang araw.

Bukod sa droga, nakumpiska rin ang ilang baril at bala.

Photo: PTV

Address

Alexandria, VA
22305

Telephone

+17039098895

Website

Alerts

Be the first to know and let us send you an email when Metro Carigara Daily posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Metro Carigara Daily:

Shortcuts

Share

Category