BAHAGHARI PUP

20/09/2026

Hindi man kami sabay sabay sa pag sayaw, sabay sabay naman kaming rarampa sa lansangan bukas para panagutin ang papet, pahirap, korap at pasistang rehimeng US-Marcos Jr.!

Takits sa lansangan bukas, beks! 🌈

Kondukta:
2:30 PM @ Liwasang Bonifacio

20/09/2026

MARCOS AT MGA KORAP NA SANGKOT, DAPAT MANAGOT! HALINA’T RUMAMPA PARA PUKSAIN ANG REHIMENG MARCOS JR. SA SETYEMBRE 21!

Mula noon hanggang ngayon, hindi na bago sa mamamayang Pilipino ang karahasan, pang-aabuso, korapsyon, at pagpapahirap na dulot ng mga rehimeng naglilingkod sa interes ng iilan.

54 na taon na ang lumipas mula nang ideklara ang Batas Militar sa ilalim ng diktador na si Ferdinand Marcos Sr.—isang madilim na yugto ng kasaysayan na hindi maihihiwalay sa malawakang paglabag sa karapatang pantao, pagsupil sa demokratikong karapatan, at pagnanakaw sa kaban ng bayan. At hanggang ngayon, nananatili sa kapangyarihan ang pamilyang Marcos, habang patuloy na pinapasan ng mamamayan ang bigat ng krisis.

Sa ilalim ng rehimeng Marcos Jr., lantad ang pagkabigo ng pamahalaan na tugunan ang lumalalang suliranin ng mamamayan. Habang patuloy na tumataas ang halaga ng mga bilihin, lumiliit ang badyet para sa mga serbisyong panlipunan, at nananatiling kapos ang kabataan at manggagawa sa oportunidad at seguridad, bilyun-bilyong pondo ng bayan ang nasasangkot sa mga maanomalyang proyekto at pang-sariling interes.

Hindi hiwalay ang korapsyon sa iba pang anyo ng pagsasamantala. Kapag ninanakaw ang pondo para sa serbisyo publiko, mamamayan ang nagdurusa. Kapag kinakaltasan ang edukasyon, kabataan ang nagigipit. Kapag ipinapasa sa masa ang bigat ng krisis, higit na naiipit ang mga kababaihan at LGBTQIA+ na matagal nang nakararanas ng diskriminasyon at kawalan ng pantay na oportunidad.

Kaya sa ika-21 ng Setyembre, hindi sapat ang pag-alala lamang sa nakaraan. Ating gawing buhay ang alaala ng paglaban ng mamamayan—sa pamamagitan ng sama-samang pagkilos laban sa korapsyon, pang-aabuso, at mga patakarang lalong nagpapahirap sa taumbayan!

MULI NATING BABAHAIN ANG LANSANGAN UPANG PANAGUTIN ANG PAPET, PAHIRAP, PASISTA AT KORAP NA REHIMENG US-MARCOS JR!

MAKIBEKI, WAG MASHOKOT! 🏳️‍🌈

🔻 Kondukta:
📅 September 21 | Lunes
⏰ 2:30 PM
📍Liwasang Bonifacio

17/09/2026

KABATAANG KABABAIHAN AT LGBTQIA+, LUMIKHA NG KASAYSAYAN! PUP WALKOUT NA! ✊🏻

Sa harap ng lumalalang krisis panlipunan, higit lalong kailangang ang pagmumulat, pag-organisa, at pagkilos ng mga Iskolar ng Bayan. Mula sa korapsyon sa flood control projects, budget cut sa ating pamantasan, hanggang sa mga polisiya at inisiyatibang inuuna ang interes ng dayuhan at naghaharing uri, patuloy na ipinapasa sa mamamayan ang bigat ng krisis.

Hindi hiwalay ang laban ng kababaihan at LGBTQIA+ sa laban para sa edukasyon at batayang karapatan. Sa patuloy na pagtaas ng presyo ng mga bilihin at ang regresibong pagbubuwis, mas bumibigat ang pasanin sa mga marhinalisadong sektor, higit lalong pinakabulnerable rito ay ang kababaihan at LGBTQIA+ na laging pinaka-apektado sa krisis pang-ekonomiya. Kaya hamon sa kabataang kababaihan at LGBTQIA+ na magkaisa at manindigan para sa pananagutan!

KABATAANG KABABAIHAN AT LGBTQIA+, WALKOUT NA! Sama-sama nating likhain ang kasaysayan at ipaglaban ang ating karaptan sa dekalidad na edukasyon!

SUMAMA SA PUP WALKOUT SA SEPTEMBER 18!

⏰ 10 AM
📍 University Avenue
⚫️ Wear Black!

16/09/2026

TAAS KAMAONG PAGPUPUGAY KAY KA KEN! ISKOLAR-BAYANI NG SAMBAYANAN!

Ang buhay na inalay ni Eugene “Ka Ken” Hilaus, ay isang manipestasyon ng paghahangad ng makatarungang pagbabago sa bulok na sistemang kinalulugmukan ng lipunan. Bukod sa prinsipyo ay lubos ang pagmamahal niya sa bayan dahilan ng kanyang pagtalikod sa komportableng buhay at pagpili ng landas na kanyang tinahak.

Matapang si Ka Ken. Malaki ang puso’t mahal ang malawak na hanay na masang kanyang pinagsisilbihan, na kailanman ay hindi mahihigitan ng inutil at pasistang estado na pumaslang sa kaniya. May dangal si Ka Ken. Samantalang ang mayroon lang ang mga berdugong militar ay baril. Nabuwag si Ka Ken nang may lakas-loob na paninindigan. Samantalang ang bitbit naman ng mga sundalo ay utak na pulbura’t pagiging sunud-sunuran.

Hindi yayakapin ni Ka Ken ang armadong pakikibaka kung walang inhustisya na pumapatay sa libo-libong pilipino, kung walang korapsyon, at pagsasamantala. Ang dugo na dumanak sa kung saan siya’y walang awang pinaslang ng pasistang militar ni Marcos Jr. ay magiging tila isang punla na magbubunga pa ng maraming kabataan na tatahakin ang landas na tinahak ni Ka Ken.

Sabay-sabay nating pagpugayan ang Iskolar-bayani ng taumbayan sa pamamagitan ng pag-aalay ng isang parangal. Dumalo sa PUP Lagoon, sa ganap na 5PM-7PM. Setyembre 16, 2026.

Kagaya ni Eugene Hilaus o Ka Ken, ipagpatuloy ang makasaysayang ganap ng mga kabataan na baguhin at biguin ang bulok na estado! Buwagin ang pasistang rehimen ni Marcos Jr.!

12/09/2026

MAY NAGAGAWA ANG PROTESTA! ✊🏻🏳️‍🌈

Nagsagawa ng kilos-protesta ang komunidad ng PUP ngayong Setyembre 12 upang igiit ang paggamit ng lived names ng mga magsisipagtapos sa 2026 Year-End Commencement Exercise at ang pag-abolish ng graduation fees.

Ilang oras lamang matapos ang mobilisasyon, ipinaabot ng PUP administration na inaprubahan na ng Executive Committee ang paggamit ng lived names sa graduation rites. Malinaw ang ipinapakita nito na may nagagawa ang sama-samang pagkilos!

Hindi ito basta ibinigay ng administrasyon. Ito ay bunga ng pagsusumite ng mga petisyon, pakikipagdayalogo, pag-oorganisa, at patuloy na pagpapalakas ng panawagan ng mga Iskolar ng Bayan hanggang sa mga lansangan.

Naninindigan ang Bahaghari PUP na ang karapatan ng bawat Iskolar ng Bayan na kilalanin ayon sa kanilang sariling pagkakakilanlan ay hindi dapat ipinagkakait ng mga polisiya ng pamantasan. Ang paggamit ng lived names ay isang mahalagang hakbang tungo sa isang ligtas, inklusibo, at makatarungang pamantasan.

Hindi pa rito natatapos ang ating laban. Patuloy tayong mananawagan para sa isang tunay na inklusibong pamantasan—kung saan walang estudyanteng nakararanas ng diskriminasyon dahil sa kanilang pagkakakilanlan, at kung saan ang bawat Iskolar ng Bayan ay malayang makakatamasa ng dekalidad na edukasyon!

Kasabay nito, patuloy nating itinatampok ang pangangailangan para sa mas malawak na proteksyon sa karapatan ng LGBTQIA+ community sa loob at labas ng pamantasan, kabilang ang agarang pagpasa ng SOGIESC Equality Bill. Sapagkat ang isang tunay na inklusibong lipunan ay hindi lamang nakikilala ang ating mga pangalan at pagkakakilanlan—iginagalang at pinoprotektahan din nito ang ating mga karapatan.

Ang tagumpay na ito ay patunay na may nagagawa ang sama-samang pagkilos. At mula sa isang panalong ito, patuloy nating palalakasin ang ating mga panawagan para sa isang PUP na tunay na ligtas, inklusibo, at makatarungan para sa lahat.

Ang bawat panalo ay bunga ng sama-samang laban. Ang bawat tagumpay ay simula ng panibagong hakbang tungo sa isang pamantasang para sa lahat!





-------
MAGING BAHAGI NG BAHAGHARI, JOIN BH PUP! 🌈
🔗 https://come.ac/JOIN-BAHAGHARIPUP
🔗 https://come.ac/JOIN-BAHAGHARIPUP
🔗 https://come.ac/JOIN-BAHAGHARIPUP

12/09/2026

11/09/2026

𝗣𝗨𝗣, 𝗦𝗔𝗬 𝗢𝗨𝗥 𝗡𝗔𝗠𝗘𝗦! 🗣️✊🏻

Kada taon na lang bang pasanin ang mga anti-estudyanteng polisiyang patuloy na nagpapahirap sa mga Iskolar ng Bayan?

Matagal nang panawagan ang pagkilala sa lived names at pronouns ng mga gender non-conforming students na sumasalamin sa kanilang identidad. Hindi ito isang pribilehiyo o usapin lamang ng pangalan, kundi pagkilala sa kanilang karapatan. Ang pamantasan ay dapat maging lugar ng espasyo at kalayaang ihayag ang ating sarili anuman ang kasarian.

Kasabay nito, mariin din nating tinututulan ang mga graduation fees at iba pang bayaring patuloy na nagpapahirap sa mga Iskolar ng Bayan. Sa harap ng patuloy na pagtaas ng mga gastusin, hindi kailanman dapat ginagawang negosyo ang edukasyon.

Hindi tunay na makakamit ang “diversity” at “inclusivity” na tinuturol sa ating pamantasan kung mismong mga Iskolar ng Bayan ay hindi kinikilala.

Walang atrasan sa laban para sa pagkilala at pagkakapantay-pantay! Dalhin ang ating mga militanteng diwa, paninindigan, at pagkakaisa.

Sumama sa pagkilos!
🗓: September 12, 2026
🕒: 12:00 NN | 11:30 AM Mass-Up @ Charlie del Rosario Building

Sumali sa coordinating GC: https://m.me/j/7Z1byg6esxUSXc2c/?send_source=gc%3Acopy_invite_link_t

Sintang Paaralan, practice what you preach!

09/09/2026

06/09/2026

BALIKAN: Mga kaganapan sa nagdaang tatlong araw ng National Democracy Fest 2026 ⭐

Naglunsad ang iba't ibang pambansa-demokratikong pangmasang organisasyon sa Sintang Paaralan ng mga pag-aaral at malikhaing mga aktibidad na naglalayong maunawaan ng mga Iskolar ng Bayan ang krisis na kinakaharap ng ating lipunan.

Sa unang araw ay nakapaglunsad ang mga Beki ng Bayan ng patchwork making na kung saan ay mayroong panawagan na: "BAKS, NO TO PAX! US TROOPS, GET GET OUT!". Ito ay panawagan upang tutulan ang panibagong inisyatiba ng imperyalistang US na Pax Silica—isa na namang proyektong nagbibigay pangamba sa soberanya ng ating bansa. Maliban sa epekto nito sa atin sa usapin ng tubig, kalikasan, kabuhayan ng mga magsasaka at katutubo, malaking pangamba rin ito sa kaligtasan ng mamamayan lalo na ng sangkabaklaan at kababaihan.

Sa pangalawa at pangatlong araw naman ay nakapagtipon ng mga estudyante upang maipakilala sa kanila kung sino nga ba ang Bahaghari, at nailatag din ang pag-aaral patungkol sa pasismo ng estado at ang mga epekto nito sa komunidad ng LGBTQ+. Ang sangkabaklaan ay nakararanas ng mga pang-aabuso na nakabatay sa uri at pati sa oryentasyong labas sa heteroseksismo. Ipinapakita nito na sapin-sapin ang kinakaharap na paghihirap ng ating komunidad kaya nararapat lamang na tayo ay patuloy na tumindig at lumaban nang sama-sama upang ibigwas ang mga tanikalang pumipigil sa atin upang maging tunay na malaya.

Makibeki! Huwag Mashokot!

MAGING BAHAGI NG BAHAGHARI PUP!
🔗 https://come.ac/JOIN-BAHAGHARIPUP
🔗 https://come.ac/JOIN-BAHAGHARIPUP
🔗 https://come.ac/JOIN-BAHAGHARIPUP

03/09/2026

National Democracy Fest 2026 ✨
Day 3: Anti-Feudalism and Anti-Fascist

Muling magsama-sama sa ikatlong araw ng ating 4-day-course ND FEST! Samahan ang sangkabaklaan sa pagpapatuloy ng ating mga aktibidad, sining, at pag-aaral laban sa pyudalismo at pasismo! ✊

⭐ Latag
📚 Educational Discussion: LGBT and Fascism
🪡 Patchwork Making
🎭 Cultural Performances

📅: SEPTEMBER 3, THURSDAY
⏰: 12 PM
📍: PUP LAGOON