Anakbayan Cavite State University

04/05/2026

𝗠𝗨𝗟𝗔 𝗦𝗔 𝗣𝗔𝗠𝗔𝗡𝗧𝗔𝗦𝗔𝗡 𝗧𝗨𝗡𝗚𝗢 𝗦𝗔 𝗟𝗔𝗡𝗦𝗔𝗡𝗚𝗔𝗡: 𝗪𝗔𝗟𝗔𝗡𝗚 𝗧𝗔𝗞𝗢𝗧 𝗡𝗔 𝗠𝗔𝗡𝗜𝗡𝗜𝗡𝗗𝗜𝗚𝗔𝗡 𝗔𝗡𝗚 𝗞𝗔𝗕𝗔𝗧𝗔𝗔𝗡 𝗟𝗔𝗕𝗔𝗡 𝗦𝗔 𝗦𝗜𝗦𝗧𝗘𝗠𝗔𝗡𝗚 𝗣𝗜𝗡𝗔𝗚𝗦𝗔𝗦𝗔𝗠𝗔𝗡𝗧𝗔𝗟𝗔𝗛𝗔𝗡 𝗔𝗡𝗚 𝗧𝗔𝗨𝗠𝗔𝗕𝗔𝗬𝗔𝗡! ✊❤️‍🔥

Nagliliyab ang galit ng hanay ng kabsuhenyo noong 𝐀𝐛𝐫𝐢𝐥 𝟐𝟕, 𝟐𝟎𝟐𝟔 upang isulong ang 𝐊𝐚𝐛𝐬𝐮𝐡𝐞𝐧𝐲𝐨'𝐬 𝐃𝐚𝐲 𝐨𝐟 𝐀𝐜𝐭𝐢𝐨𝐧 sa tapat ng Laya't Diwa. Tahasan nitong inirehistro ang mga panawagan na wakasan ang red-tagging sa mga progresibong lider estudyante at mga pangmasang organisasyong naninidigan para sa kapakanan nang marami. Dahil ang pagsasalita laban sa inhustisya ay hindi kailanman magiging mali! Iginiit din nito na ibasura ang pagpapatupad ng Flexible Learning Modality sa pamantasan na dumagdag lamang sa pasanin ng mga estudyante.

Sapagkat ang edukasyon ay dapat maging isang karapatan hindi lamang pribilehiyo nang iilan! Ang hungkag na memorandum na ipinatupad sa pamantasan ng Cavite State University ay nagpapatindi lamang sa krisis sa edukasyon at nag-iiwan sa mga maralitang estudyante. Gayundin, ipinaglaban ng mga progresibong grupo ang tunay na representasyon sa mga estudyante, marapat lamang na magkaroon ng lideratong tunay na naglilingkod at nagtatanggol sa interes ng mga Kabsuhenyo.

Subalit hindi nagtatapos ang laban sa loob ng loob ng pamantasan. Dahil ang krisis sa edukasyon ay direktang nakatali sa krisis ng lipunan.
Ang malawakang pagkilos noong 𝐌𝐚𝐲𝐨 𝐔𝐧𝐨 ay buong-lakas na lumawak—mula sa pamantasan tungo sa lansangan— upang makiisa sa Pandaigdigang Araw ng Paggawa sa 𝐂𝐫𝐨𝐬𝐬𝐢𝐧𝐠, 𝐂𝐚𝐥𝐚𝐦𝐛𝐚, 𝐋𝐚𝐠𝐮𝐧𝐚.

Takot ang estado sa nagkakaisang lakas ng kabataan at manggagawa! Upang pigilan ang pag-abante ng hanay ng kabsuhenyo patungong Laguna, ipinakita ng mga kapulisan at mga tauhan ng Land Transportation Office (LTO) ang kanilang tunay na anyo bilang mga pasista at galamay ng panunupil ng estado.
Tahasang hinarangan nang tatlong beses ang delegasyon ng CvSU. Sa halip na maglingkod sa mamamayan, nag-imbento ang mga pulis ng kung ano-anong bogus na violation upang pigilan na makadugsong ang hanay ng kabsuhenyo sa pakikiisa sa paggunita ng pandaigdigang araw ng mga manggawa.

Ginamit ng mga ito ang ng pananakot at sikolohikal na intimidasyon hanggang ang mismong tsuper na ang umatras dahil sa takot na mabaon sa mga gawa-gawang violation.
Ginamit nila ang kanilang mga posisyon upang harangan ang pag-usad ng delegasyon ng kabsuhenyo, 𝗽𝗮𝘁𝘂𝗻𝗮𝘆 𝗹𝗮𝗺𝗮𝗻𝗴 𝗻𝗮 𝗻𝗮𝗻𝗴𝗶𝗻𝗴𝗶𝗻𝗶𝗴 𝘀𝗶𝗹𝗮 𝘀𝗮 𝘁𝗮𝗸𝗼𝘁 𝗸𝗮𝗽𝗮𝗴 𝗮𝗻𝗴 𝗸𝗮𝗯𝗮𝘁𝗮𝗮𝗻 𝗮𝘆 𝘁𝘂𝗺𝘂𝗻𝗴𝗼 𝗻𝗮 𝘀𝗮 𝗹𝗮𝗻𝘀𝗮𝗻𝗴𝗮𝗻 𝘂𝗽𝗮𝗻𝗴 𝗴𝗶𝘀𝗶𝗻𝗴𝗶𝗻 𝗮𝗻𝗴 𝗯𝗮𝘆𝗮𝗻!

Kailanman ay hindi matatakot at aatras ang sambayanang lumalaban sa anumang anyo ng pananakot at pasismo ng hanay ng kapulisan! Kung inaakala ng pasistang estado na mapatatahimik niyo ang panawagan ng taumbayan sa pamamagitan ng tiket, multa, at barikada, nagkakamali kayo! Ang bawat panghaharang ay nagsisilbi lamang na gatong sa nagliliyab na galit ng mamamayan na patuloy na pinagsasamantalahan. 𝗟𝗮𝗹𝗼 𝗹𝗮𝗺𝗮𝗻𝗴 𝗽𝗶𝗻𝗮𝘁𝘂𝘁𝘂𝗻𝗮𝘆𝗮𝗻 𝗻𝗴 𝗯𝘂𝗹𝗼𝗸 𝗻𝗮 𝗲𝘀𝘁𝗮𝗱𝗼 𝗻𝗮 𝗺𝗮𝗸𝗮𝘁𝗮𝗿𝘂𝗻𝗴𝗮𝗻 𝗮𝗻𝗴 𝗹𝘂𝗺𝗮𝗯𝗮𝗻!

Ang Araw ng Paggawa ay hindi isang simpleng selebrasyon—ito ay araw ng pag-aalsa! Ito ay pagpaparangal sa makasaysayan at madugong pakikibaka ng uring manggagawa laban sa pagsasamantala ng mga kapitalista. Ang sahod, trabaho, at karapatan ng mga manggagawa ay laban din ng kabataan. Ang mga magsasaka at manggagawa ang nagpapakain at nagpapatakbo sa bansa, ngunit sila ang pinagkakaitan.

Bawat sentimo ng pondo ng pamantasan ay nagmumula sa buwis na pinagpaguran ng ating mga manggagawa, kaya marapat lamang na manindigan ang bawat iskolar ng bayan sa kanilang mga karapatan kapag ito'y pinagsasamantalahan. Ang mga estudyante ngayon ay ang mga manggagawa sa hinaharap. Kung hahayaan ng kabataan na magpatuloy ang mababang pasahod, kontraktwalisasyon, at kawalan ng benepisyo, ang kanilang sariling kinabukasan ang isasakripisyo. Ang lakas ng kabataan at ang lakas ng manggagawa, kapag pinagsama, ay pinakamakapangyarihang sandata laban sa panggigipit ng estado. Ang laban para sa nakabubuhay na sahod ay laban din para sa dekalidad na edukasyon!

𝘈𝘯𝘨 𝘪𝘴𝘬𝘰𝘭𝘢𝘳 𝘯𝘨 𝘉𝘢𝘺𝘢𝘯, 𝘵𝘶𝘯𝘨𝘬𝘶𝘭𝘪𝘯 𝘯𝘪𝘵𝘰𝘯𝘨 𝘪𝘢𝘭𝘢𝘺 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘵𝘢𝘭𝘪𝘯𝘰, 𝘭𝘢𝘬𝘢𝘴, 𝘢𝘵 𝘵𝘢𝘭𝘦𝘯𝘵𝘰 𝘶𝘱𝘢𝘯𝘨 𝘪𝘴𝘶𝘭𝘰𝘯𝘨 𝘢𝘯𝘨 𝘱𝘢𝘮𝘣𝘢𝘴𝘢𝘯𝘢𝘯𝘨 𝘥𝘦𝘮𝘰𝘬𝘳𝘢𝘴𝘺𝘢 𝘯𝘢 𝘮𝘢𝘺 𝘴𝘰𝘴𝘺𝘢𝘭𝘪𝘴𝘵𝘢𝘯𝘨 𝘱𝘦𝘳𝘴𝘱𝘦𝘬𝘵𝘪𝘣𝘢!

𝗠𝗮𝗯𝘂𝗵𝗮𝘆 𝗮𝗻𝗴 𝘂𝗿𝗶𝗻𝗴 𝗠𝗮𝗻𝗴𝗴𝗮𝗴𝗮𝘄𝗮!
𝗠𝗮𝗯𝘂𝗵𝗮𝘆 𝗮𝗻𝗴 𝗛𝘂𝗸𝗯𝗼𝗻𝗴 𝗠𝗮𝗽𝗮𝗴𝗽𝗮𝗹𝗮𝘆𝗮!

25/04/2026

Mariing kinukundena ng Anakbayan - Cavite State University ang sunod-sunod at laganap na pag-atake ng mga red-tagging pages sa mga lider-estudyante at organisador na sina Gerald Ambata, Ella Bajado, at Ken Dustine Manuel.

Ang red-tagging ay isang gasgas na taktikang pagpapakalat ng maling impormasyon at intimidasyon upang limitahan ang kritikal na pag-iisip at kamalayang panlipunan ng mga estudyante. Hindi ito simpleng akusasyon kundi isang sistematikong pag-atake sa seguridad at kalayaan ng mga progresibong mga kabataan.

Malinaw sa ating mga kabataan ang importansya ng demokratikong pagkilos at kolektibong pagtindig. Kaya naman, sa panahong pilit tayong pinapatahimik ng sistemang mapang-api ay may patuloy na uusbong na mga kabataang nagnanais lumaban para sa kalayaan, karapatan, at hustisyang panlipunan.

HANDS OFF STUDENT LEADERS! NO TO RED TAGGING!

24/04/2026

HANDS OFF GERALD AMBATA AT ELLA BAJADO!

Kasabay ng pagtindi ng mga isyung panlipunan, ganoon din ang pagtindi ng makinarya ng estado upang pilit patahimikin at paratangan nang walang anumang katunayan ang mga aktibistang estudyante sa pamantasan ng Cavite State University.

Mariing kinokendena ng Anakbayan-CvSU ang redtagging na pumaiimbulog sa lipunan, at kailanman ay hindi ito magkakaroon ng puwang sa ginagalawang bayan. Sa panahon ngayong sumisirit ang mga suliraning unti-unting kumikitil sa mamamayang Pilipino ay makatarungan ang kumilos lalo pa kung walang aasahan sa mga nasa tuktok.

Ang ganitong porma ng estado ay isang manipestasyon lamang ng pagkatakot nito sa mga progresibong estudyante at mga mag-aaral na pinalalampas ang kanilang pag-iisip sa labas ng apat na sulok ng silid.

Kaya naman, upang wakasan ang ganitong panunupil. Tayo, bilang masa nararapat lamang na buksan at imulat ang isipan, pag-aralan ang lipunan, ugatin kung bakit may mga estudyanteng nakikibaka, magpaorganisa at mag-organisa.

23/04/2026

𝐊𝐀𝐁𝐒𝐔𝐇𝐄𝐍𝐘𝐎, 𝐒𝐔𝐌𝐀𝐌𝐀 𝐒𝐀 𝐏𝐀𝐆𝐊𝐈𝐋𝐎𝐒!

Sa gitna ng tumitinding krisis sa ating lipunan, patuloy ang sistematikong pagpapabaya ng estado na bunga ng pagkiling sa makadayuhang interes at imperyalistang Estados Unidos. Patuloy ang pagnanakaw at pamamasista ng mga korap habang naghihirap ang sambayanang Pilipino. Mula sa pagtaas ng presyo ng langis at pangunahing bilihin, hanggang sa pambabarat sa sahod ng manggagawa. Gayundin ang walang habas na militarisasyon sa mga sakahan at banta ng demolisyon sa iba’t ibang parte ng Timog Katagalugan.

Sa pamantasan mismo ng Cavite State University ay hindi hiwalay ang daing ng mga iskolar ng bayan: kamakailan lamang, ipinatupad ang flexible learning sa pamantasan—solusyong hindi tuwirang sumasagot sa malawakang sosyo-ekonomikong panlipunan. Malinaw, na ang estado ay pilit ipinapasan sa mga mag-aaral, kaguruan, at kawani ng paaralan ang bigat ng problema.

Kaya naman, kumilos at magpakilos upang matamasa ang makamasa at siyentipikong edukasyon.

Huwag mag-atubiling tumindig, manindigan, at lumaban bilang mga Iskolar ng Bayan! Lumabas sa apat na sulok ng silid-aralan, lumahok sa hanayan, at pag-aralan ang lipunan!

Sumama sa Regional Day of Action!
April 27, 2026, 4 PM - Laya’t Diwa

22/04/2026

𝗣𝗔𝗧𝗔𝗞 𝗧𝗔𝗬𝗢, 𝗔𝗡𝗢 𝗧𝗔𝗥𝗔?

Ngayong paparating na Mayo Uno nakikiisa ang Anakbayan-CvSU upang gunitain ang malawakang araw ng mga 𝗵𝘂𝗸𝗯𝗼𝗻𝗴 𝗺𝗮𝗽𝗮𝗴𝗽𝗮𝗹𝗮𝘆𝗮—𝗮𝗻𝗴 𝗺𝗴𝗮 𝗺𝗮𝗻𝗴𝗴𝗮𝗴𝗮𝘄𝗮..

Sa paglulunsad ng donation drive, at nalalapit na araw ng malawakang kilos-protesta, ang AB-CvSU ay humihingi ng tulong upang mas maisagawa at matustusan ang mga ilulunsad na gawain.

Anumang halaga ay lubos na tatanggapin, at malaking tulong. Ang pondong malilikom ay magagamit upang makadalo at matugunan ang produksyon sa nabanggit na mobilisasyon.

Kaya naman, bilang kabataang may pinakamalaking potensiyal na magluwal ng pagbabago, 𝗺𝗮𝗸𝗶𝗵𝗮𝗻𝗮𝘆 𝘀𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗠𝗮𝘆𝗼 𝗨𝗻𝗼 𝘂𝗽𝗮𝗻𝗴 𝗶𝘀𝘂𝗹𝗼𝗻𝗴 𝗮𝗻𝗴 𝗣𝗔𝗚𝗧𝗔𝗔𝗦 𝗡𝗚 𝗦𝗔𝗛𝗢𝗗, 𝗞𝗔𝗦𝗔𝗕𝗔𝗬 𝗡𝗚 𝗣𝗔𝗚𝗕𝗔𝗕𝗔 𝗡𝗚 𝗣𝗥𝗘𝗦𝗬𝗢!

𝐆𝐂𝐀𝐒𝐇 𝐍𝐔𝐌𝐁𝐄𝐑: 𝟎𝟗𝟒𝟓𝟔𝟐𝟐𝟓𝟖𝟐𝟐

21/04/2026

𝗞𝗔𝗕𝗔𝗧𝗔𝗔𝗡, 𝗕𝗔𝗚𝗨𝗛𝗜𝗡 𝗔𝗡𝗚 𝗟𝗜𝗣𝗨𝗡𝗔𝗡!
𝗦𝗨𝗠𝗔𝗟𝗜 𝗦𝗔 𝗔𝗡𝗔𝗞𝗕𝗔𝗬𝗔𝗡‼️✊

Sa gitna ng tumitinding krisis na kinahaharap ng lipunan, ang kabataang mulat na patuloy na nagpupukaw, nag-oorganisa, at nagpapakilos ang magiging daan upang buwagin ang kasalukuyang bulok na sistema.

Hindi natatapos ang pagsisilbi sa mamamayan sa apat na sulok ng silid-aralan o kahit pa sa loob ng pamantasan. Marapat lamang na tumungo sa lansangan, lumubog at makipamuhay sa iba't ibang maralitang lungsod, at pag-aralan ang lipunan na iyong ginagalawan!

𝑯𝒖𝒘𝒂𝒈 𝒊𝒌𝒖𝒍𝒐𝒏𝒈 𝒂𝒏𝒈 𝒊𝒚𝒐𝒏𝒈 𝒕𝒂𝒍𝒆𝒏𝒕𝒐 𝒂𝒕 𝒕𝒂𝒍𝒊𝒏𝒐, 𝒈𝒂𝒎𝒊𝒕𝒊𝒏 𝒊𝒕𝒐 𝒖𝒑𝒂𝒏𝒈 𝒑𝒂𝒃𝒂𝒈𝒔𝒂𝒌𝒊𝒏 𝒂𝒏𝒈 𝒃𝒖𝒍𝒐𝒌 𝒏𝒂 𝒆𝒔𝒕𝒂𝒅𝒐!

𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡, 𝗣𝗔𝗚𝗦𝗜𝗟𝗕𝗜𝗛𝗔𝗡 𝗔𝗡𝗚 𝗠𝗔𝗠𝗔𝗠𝗔𝗬𝗔𝗡!

Click the link to register:

https://tinyurl.com/joinANAKBAYANCVSU

19/04/2026

𝐊𝐀𝐁𝐀𝐓𝐀𝐀𝐍𝐆 𝐊𝐀𝐁𝐒𝐔𝐇𝐄𝐍𝐘𝐎, 𝐒𝐔𝐌𝐔𝐋𝐎𝐍𝐆, 𝐇𝐔𝐖𝐀𝐆 𝐌𝐀𝐓𝐀𝐊𝐎𝐓 𝐒𝐔𝐏𝐈𝐋𝐈𝐍 𝐀𝐍𝐆 𝐁𝐔𝐋𝐎𝐊 𝐍𝐀 𝐄𝐒𝐓𝐀𝐃𝐎!

𝐓𝐈𝐍𝐆𝐍𝐀𝐍: Matagumpay na nakiisa ang mga Kabsuhenyo sa inilunsad na Black-Friday Protest sa People Power Monument sa Dasmariñas Cavite, nitong Abril 17, 2026. Sama-samang tumutol ang mga kabataang Kabitenyo mula sa iba’t ibang pamantasan at pangmasang organisasyon ay nagsama-sama upang supilin ang iba’t ibang porma ng pananamantala na patuloy ipinapalaganap ng estado masang Pilipino.

Bitbit ang mga panawagan na palakasin ang serbisyo sa mga estudyante at sapat na pondo para sa edukasyon, mariing kinundena ng mga Kabsuhenyo ang kawalan ng makabuluhang pagtanaw sa reyalidad ng masang estudyante. Kung paano ang administrasyon ay naglabas na lamang ng bagong Memorandum upang bigyang diin ang pagkakaroon ng Online Class. Sa halip na bigyan-ginhawa, mas lalo lamang nito pinahihirapan ang mga estudyante sa madaliang pagpapatupad ng flexible learning modality matapos maglabas ng huwad na online evaluation na hindi naman nasukat ang reyalidad ng mayorya ng masang estudyante sa pamantasan. Dagdag pa rito, malinaw na ipinapakita nito ang paglayo sa krisis na kinakaharap ng mamamayan pagdating sa pagsirit ng presyo ng langis. Dahil kalakhan ng mga pasahero sa dyip ay mga estudyante, kung itutuloy ang ganitong sistema ng pag-aaral sa mga pamantasan katulad ng Cavite State University, saan na lamang sasandig ang mga tsuper upang makapamasada?

Habang dumadaloy naman ang programa, walang habas na sumapaw ang mga elemento ng kapulisan upang hindi magkaroon ng maayos at malinaw na programa ang hanay ng mga kabataan. Subalit walang takot na iginiit ng mga lider-estudyante ang karapatang magkaroon ng espasyo sa lansangan upang ipanawagan ang mga karapatan ng bawat mamamayan at iparinig sa taumbayan ang kasalukuyang kalagayan ng lipunang kanilang ginagalawan.

Hindi lamang usapin sa komersalisasyon sa edukasyon at bulok na serbisyo sa mga estudyante ang kinundena ng hanay ng kabataan, gayundin iginiit ng mga ito ang patuloy na pagkakaroon ng demolisyon sa mga komunidad, ang patuloy na pangangamkam ng lupa sa mga sakahan, at mga solusyon na hindi naman tinutugunan ang ugat ng kahirapan—mga isyung panlipunan na laging nakaangkla sa tatlong salot ng lipunan, ang Imperyalismo, Pyudalismo, at Burakrata-Kapitalismo.

Ang patuloy na pagsupil sa mga suliraning ito ay hindi kailanman magiging hiwalay sa mithiing buwagin ang sistemang patuloy na inaapi at pinagsasamantalahan ang taumbayan.

𝘔𝘢𝘳𝘢𝘱𝘢𝘵 𝘭𝘢𝘮𝘢𝘯𝘨 𝘯𝘢 𝘢𝘯𝘨 𝘭𝘢𝘬𝘢𝘴, 𝘵𝘢𝘭𝘦𝘯𝘵𝘰, 𝘢𝘵 𝘵𝘢𝘭𝘪𝘯𝘰 𝘯𝘨 𝘬𝘢𝘣𝘢𝘵𝘢𝘢𝘯 𝘢𝘺 𝘱𝘢𝘵𝘶𝘭𝘰𝘺 𝘯𝘢 𝘨𝘢𝘮𝘪𝘵𝘪𝘯 𝘶𝘱𝘢𝘯𝘨 𝘮𝘢𝘨𝘱𝘶𝘬𝘢𝘸, 𝘮𝘢𝘨-𝘰𝘳𝘨𝘢𝘯𝘪𝘴𝘢, 𝘢𝘵 𝘮𝘢𝘨𝘱𝘢𝘬𝘪𝘭𝘰𝘴.

𝐃𝐀𝐇𝐈𝐋 𝐀𝐍𝐆 𝐊𝐎𝐋𝐄𝐊𝐓𝐈𝐁𝐎𝐍𝐆 𝐏𝐀𝐆𝐊𝐈𝐋𝐎𝐒 𝐍𝐆 𝐌𝐀𝐌𝐀𝐌𝐀𝐘𝐀𝐍 𝐀𝐘 𝐏𝐀𝐓𝐔𝐍𝐆𝐎𝐍𝐆 𝐊𝐀𝐋𝐀𝐘𝐀𝐀N

CTTO: Kabataan Partlylist - Cavite, Kabataan Partylist - CVSU

17/04/2026

15/04/2026

𝗟𝗨𝗣𝗔'𝗬 𝗣𝗔𝗥𝗔 𝗦𝗔 𝗠𝗔𝗚𝗦𝗔𝗦𝗔𝗞𝗔, 𝗛𝗜𝗡𝗗𝗜 𝗦𝗔 𝗞𝗢𝗥𝗣𝗢𝗥𝗔𝗦𝗬𝗢𝗡𝗚 𝗠𝗔𝗣𝗔𝗚𝗦𝗔𝗠𝗔𝗡𝗧𝗔𝗟𝗔!
𝗜𝗣𝗔𝗚𝗟𝗔𝗕𝗔𝗡, 𝗜𝗣𝗔𝗚𝗧𝗔𝗚𝗨𝗠𝗣𝗔𝗬: 𝗧𝗨𝗡𝗔𝗬 𝗡𝗔 𝗥𝗘𝗣𝗢𝗥𝗠𝗔 𝗦𝗔 𝗟𝗨𝗣𝗔, 𝗜𝗕𝗜𝗚𝗔𝗬‼️

Kasalukuyang hinaharangan at ilegal na binabakuran ng mga armadong goons mula sa Jarton Security ang tanging daanan ng mga magsasaka sa Lupang Tartaria. Ang mga bayarang pwersang ito ng Ayala-Aguinaldo ay nagsisilbing harang upang tuluyang agawin ang 200-ektaryang lupain na anim na dekada nang pinagbubungkalan ng mga magsasaka.
Hindi tayo papayag na palayasin ang mga tunay na nagpapakain sa bayan para lamang sa interes ng iilan!
Kasalukuyang nagtatayo ng kampuhan ang mga magsasaka ng Tartaria upang bantayan ang lupa at igiit ang kanilang karapatan. Nananawagan ang mga residente sa nasabing sakahan ng mga taong makatutuwang sa field upang mapalakas ang ating hanay laban sa mga armadong goons.

Ipakita natin na mas malakas ang nagkakaisang hanay ng mga magsasaka, manggagawa, at iba't ibang aping sektor ng lipunan kaysa sa mga baril at bakod ng mga land-grabber.

𝗧𝘂𝗺𝘂𝗻𝗴𝗼 𝗻𝗮 𝘀𝗮 𝗟𝘂𝗽𝗮𝗻𝗴 𝗧𝗮𝗿𝘁𝗮𝗿𝗶𝗮! 𝗔𝗻𝗴 𝗯𝗮𝘄𝗮𝘁 𝗽𝗿𝗲𝘀𝗲𝗻𝘀𝘆𝗮 𝗮𝘆 𝗱𝗮𝗴𝗱𝗮𝗴 𝗻𝗮 𝗹𝗮𝗸𝗮𝘀 𝘀𝗮 𝗮𝘁𝗶𝗻𝗴 𝗯𝗮𝗿𝗶𝗸𝗮𝗱𝗮!

10/04/2026

𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡, 𝗠𝗚𝗔 𝗧𝗦𝗨𝗣𝗘𝗥, 𝗜𝗣𝗔𝗚𝗟𝗔𝗕𝗔𝗡, 𝗢𝗡𝗟𝗜𝗡𝗘 𝗖𝗟𝗔𝗦𝗦 𝗧𝗨𝗧𝗨𝗟𝗔𝗡!

Sa kasalukuyang panahon, dahil sa lumalalang krisis sa langis ay nakararanas nang matinding kahirapan sa transportasyon ang karamihan sa iba't ibang panig ng bansa, kabilang ang Indang. Nitong Marso 8, 2026 ay inilipat sa modang asynchronous ang mga klase sa Cavite State University sa kadahilanang may "transport strike." Ngunit, nang makapanayam ang mga tsuper ng Indang Terminal ay naging 𝗺𝗮𝗹𝗶𝗻𝗮𝘄 𝗻𝗮 𝘄𝗮𝗹𝗮𝗻𝗴 𝘀𝘁𝗿𝗶𝗸𝗲 𝗻𝗮 𝗻𝗮𝗴𝗮𝗻𝗮𝗽. 𝗦𝗮 𝗵𝗮𝗹𝗶𝗽, 𝗸𝗶𝗻𝗮𝗶𝗹𝗮𝗻𝗴𝗮𝗻𝗴 𝘁𝘂𝗺𝗶𝗴𝗶𝗹 𝘀𝗮 𝗽𝗮𝗺𝗮𝗺𝗮𝘀𝗮𝗱𝗮 ang karamihan sa kanila dahil hindi na nakabubuhay ang inuuwing kita para sa pamilya. Mula sa dalawampu (20) na bumabyaheng jeepney papuntang Naic ay walo ( 8 ) na lamang ang natira. Kung patuloy pang tataas mula sa ₱150 ang presyo kada litro ng Diesel ay mapipilitan na lamang ang karamihan ng mga drayber na maghanap ng ibang trabaho—trabahong hindi angkop para sa kanilang kakayahan at kinasanayan. Paano na ang mga terminal kung mawawala na ang mga nagsisilbing buhay nito?

Nakasalalay din sa dami ng estudyante ang kita ng mga drayber sa Indang terminal. Kaya naman ay laking pagtataka nila sa kawalan ng mga pasahero dahil sa delayed na suspensyon ng face-to-face classes.

“‘𝘗𝘢𝘨 𝘯𝘢𝘨𝘵𝘶𝘭𝘰𝘺-𝘵𝘶𝘭𝘰𝘺 𝘪𝘺𝘢𝘯 [𝘢𝘴𝘺𝘯𝘤𝘩𝘳𝘰𝘯𝘰𝘶𝘴 𝘤𝘭𝘢𝘴𝘴𝘦𝘴], 𝘸𝘢𝘭𝘢 𝘯𝘢𝘯𝘨 𝘣𝘢𝘣𝘺𝘢𝘩𝘦𝘯𝘨 𝘫𝘦𝘦𝘱,” saad ng isang drayber.

Kasabay nito ay ang kahirapan din ng mga estudyante. Pinayagan ng Commission on Higher Education (CHED) ang muling paglulunsad ng online classes ng mga Higher Education Institutions (HEIs) katulad ng CvSU bilang tugon sa krisis sa transportasyon. Sa pagpapatupad nito ay mababawasan ang gastos ng estudyante sa pagbabyahe. Ngunit, 𝗶𝘁𝗼’𝘆 𝗽𝗮𝗻𝗮𝗻𝗱𝗮𝗹𝗶𝗮𝗻𝗴 𝗹𝘂𝗻𝗮𝘀 𝗹𝗮𝗺𝗮𝗻𝗴 𝘀𝗮 𝗮𝘁𝗶𝗻𝗴 𝗸𝗶𝗻𝗮𝗸𝗮𝗵𝗮𝗿𝗮𝗽 𝗻𝗮 𝘀𝘂𝗹𝗶𝗿𝗮𝗻𝗶𝗻. Sa paglipat sa online learning, nagiging inaksesible ang edukasyon para sa lahat dahil hindi nasisigurado ang akses sa kagamitang digital o komportableng espasyo para sa pag-aaral. Sa ganitong set-up ay napupunta lamang ang pasanin sa mga estudyante, g**o, at institusyon.

Bukod pa rito, hindi malabong tumaas muli ang drop out rate, na napatunayan noong nakaraang pandemya—kung magpapatuloy naman sa ganitong moda ang mga estudyante: ang kuwalidad ng edukasyon ay mas lalong bababa. Kaya naman, Malinaw lamang na ito ay panandaliang lunas, at hindi nalalayo ang laban ng tsuper sa laban ng estudyante.

Habang tumitindi ang gyerang agresyon ng imperyalistang US-Israel laban sa Iran, mas umiigting ang krisis sa ating bansa sa porma ng pagtaas ng presyo ng krudo, at ng mga pangunahing bilihin. Subalit, imbes na protektahan tayo ng gobyerno ay sadyang tinatakbuhan ng administrasyong Marcos Jr. ang responsibilidad nito sa mamamayang Pilipino at isinasadlak pa lalo sa kahirapan.

𝙈𝙜𝙖 𝙄𝙨𝙠𝙤𝙡𝙖𝙧 𝙣𝙜 𝘽𝙖𝙮𝙖𝙣, 𝙝𝙞𝙣𝙙𝙞 𝙣𝙖𝙧𝙖𝙧𝙖𝙥𝙖𝙩 𝙣𝙖 𝙥𝙖𝙩𝙪𝙡𝙤𝙮 𝙩𝙖𝙮𝙤𝙣𝙜 𝙣𝙖𝙜𝙩𝙞𝙩𝙞𝙞𝙨 𝙨𝙖 𝙜𝙖𝙣𝙞𝙩𝙤𝙣𝙜 𝙠𝙖𝙗𝙪𝙡𝙤𝙠 𝙣𝙖 𝙚𝙨𝙩𝙖𝙙𝙤! 𝙎𝙪𝙢𝙖𝙢𝙖 𝙩𝙖𝙮𝙤 𝙨𝙖 𝙥𝙖𝙠𝙞𝙡𝙤𝙨, 𝙥𝙖𝙜-𝙖𝙧𝙖𝙡𝙖𝙣 𝙖𝙣𝙜 𝙡𝙞𝙥𝙪𝙣𝙖𝙣 𝙖𝙩 𝙞𝙥𝙖𝙣𝙖𝙬𝙖𝙜𝙖𝙣 𝙡𝙖𝙜𝙞'𝙩 𝙡𝙖𝙜𝙞 𝙖𝙣𝙜 𝙞𝙣𝙩𝙚𝙧𝙚𝙨 𝙣𝙜 𝙨𝙖𝙢𝙗𝙖𝙮𝙖𝙣𝙖𝙣!

𝗜𝗕𝗔𝗦𝗨𝗥𝗔 𝗔𝗡𝗚 𝗢𝗜𝗟 𝗗𝗘𝗥𝗘𝗚𝗨𝗟𝗔𝗧𝗜𝗢𝗡 𝗟𝗔𝗪!

𝗧𝗔𝗡𝗚𝗚𝗔𝗟𝗜𝗡 𝗔𝗡𝗚 𝗩𝗔𝗧 𝗔𝗧 𝗘𝗫𝗖𝗜𝗦𝗘 𝗧𝗔𝗫 𝗦𝗔 𝗟𝗔𝗡𝗚𝗜𝗦!

𝗪𝗔𝗞𝗔𝗦𝗔𝗡 𝗔𝗡𝗚 𝗜𝗠𝗣𝗘𝗥𝗬𝗔𝗟𝗜𝗦𝗧𝗔𝗡𝗚 𝗚𝗬𝗘𝗥𝗔 𝗡𝗚 𝗨𝗦-𝗜𝗦𝗥𝗔𝗘𝗟 𝗦𝗔 𝗜𝗥𝗔𝗡!

𝗠𝗔𝗥𝗖𝗢𝗦-𝗗𝗨𝗧𝗘𝗥𝗧𝗘 𝗣𝗔𝗧𝗔𝗟𝗦𝗜𝗞𝗜𝗡!

𝗧𝗨𝗧𝗨𝗟𝗔𝗡 𝗔𝗡𝗚 𝗣𝗔𝗡𝗔𝗡𝗗𝗔𝗟𝗜𝗔𝗡𝗚 𝗟𝗨𝗡𝗔𝗦—𝗧𝗨𝗧𝗨𝗟𝗔𝗡 𝗔𝗡𝗚 100% 𝗢𝗡𝗟𝗜𝗡𝗘 𝗖𝗟𝗔𝗦𝗦!