04/06/2026
❓Өмнө нь шийдэгдээгүй үлдсэн сэтгэл зүйн шархнууд яагаад энэ үеүдэд сэдэрдэг вэ?
Эдгээр үеүдэд хүн зөвхөн нас ахиж байгаа биш харин шинэ дүр, шинэ үүрэг, шинэ байр сууринд дасан зохицох шаардлагатай болдог. Ийм үед бидний дотоод ертөнцийн суурь бүтэц шалгагдаж эхэлдэг гэсэн үг юм.
🔹 1. Шилжилтийн нас
Өсвөр насанд хүүхэд эцэг эхээсээ аажмаар тусгаарлагдаж, өөрийн гэсэн үнэлэмж, дүр төрхийг бий болгохыг оролддог.
Хэрэв хүүхэд насандаа гоочлуулж байсан, хэт шүүмжлүүлдэг байсан, хангалттай хүлээн зөвшөөрөгдөөгүй өссөн бол өсвөр насанд өөрийгөө голох, бусадтай хэт харьцуулах, нийгмийн үнэлэмжид хэт эмзэг болох зэрэг байдлаар илэрч эхэлдэг.
🔹 2. Хүүхэд төрүүлэх үе
Хүүхэд төрөх үед хүн өөрийн эрхгүй эцэг эхтэйгээ холбоотой дурсамж, туршлагуудаа дахин мэдэрдэг.
Жишээлбэл:
🗯️"Намайг бага байхад хэрхэн хайрлаж байсан бэ?"
🗯️"Намайг сонсдог байсан болов уу?"
🗯️"Би хүүхдээ яаж өсгөх вэ?" гэсэн асуултууд дотроос гарч ирдэг.
Тиймээс бага насны орхигдсон мэдрэмж, хайраар дутаж өссөн шарх, аюултай ээнэгшил энэ үед хүчтэй сэдэрч болно.
🔹 3. Цэвэршилтийн үе
Энэ үед хүн амьдралаа эргэн харж эхэлдэг.
🗯️"Би ямар амьдрал туулсан бэ?"
🗯️"Юунд хүрсэн бэ?"
🗯️"Юунд харамсаж байна вэ?" гэсэн асуултууд гарч ирнэ.
Хэрэв өмнө нь уй гашуугаа бүрэн даван туулаагүй, гомдлоо тайлаагүй, өөрийн хэрэгцээг үргэлж дарж амьдарсан бол эдгээр нь дахин сэдэрч, хоосрол, гуниг, ганцаардал, утга учрын хямрал хэлбэрээр илэрч болно.
Эдгээр амьдралын томоохон шилжилтийн үед:
⚙️Дааврын огцом өөрчлөлтөд орно
⚙️Стресс нэмэгдэнэ
⚙️Хуучин хамгаалах механизм суларна
⚙️Өөрийн дотоод ертөнцөө эргэн харах шаардлага үүснэ. Тэгээд өмнө нь шийдэгдээгүй үлдсэн зүйлс дахин гарч ирдэг.
🌱 Тиймээс сэтгэл зүйх шарх сэдэрч байна гэдэг нь заавал ухарч байна гэсэн үг биш. Ихэнхдээ энэ нь тухайн асуудалтайгаа нүүр тулж, ойлгож, эдгээх боломж нээгдэж байгаагийн дохио байдаг.
☎️Сэтгэл зүйн зөвлөгөөнд цаг авах утас: 88834343
