UNLEASH Hacks Mongolia

09/07/2023

UNLEASH Community in Mongolia: The moment all of you have been waiting for has arrived!

APPLICATIONS FOR UNLEASH RWANDA ARE NOW OPEN! 🌍 🌱

Join us in December for a week of game-changing impact and long-lasting connections.

Apply before July 19 and share this opportunity among your network! ➡️ www.unleash.org/rwanda

23/05/2022

UNLEASH Hacks -ийн талаарх сэтгэгдлүүд 🙌🎈

Communication багийн гишүүн Т. Намуун:

"Анх удаа Unleash Hack ОУ-ын хакатон тэмцээн Монголд зохион байгуулагдах гэж байгааг олж сонсоод оролцох нас арай хүрээгүй байсан учраас сайн дурын ажилтнаар өргөдлөө илгээгээд тэнцээгүй хэхэ.

Харин “Дараа жил заавал Unleash-д ажиллана аа” гэж өөртөө амлаад энэ жилд сайн дурын ажилтнаар оролцох боломж нээгдсэн. Үйл ажиллагааны хамгийн үндсэн хэсгүүдийн нэг нь олон нийтэд таниулж, хэрэгтэй хүмүүст нь түгээх гэж боддрг учраас Communication багт орохоор шийдсэн.

Манай багийн coordinator болон бусад гишүүд даасан ажилдаа хариуцлагатай, инновацлаг, шинэлэг санаа дэвшүүлэхийн зэрэгцээ ажлын явцаа тэр дор нь update хийдгээс маш олон зүйлийг суралцаж авсан. Мөн тэмцээний явцад шилдэг 10 багийн дэвшүүлсэн шийдлүүд маш сонирхолтой бөгөөд шинэлэг санаанууд байсанд сэтгэл маш их хөдөлсөн."

23/05/2022

UNLEASH Hacks -ийн талаарх сэтгэгдлүүд 🙌🎈

Коммунити багийн гишүүн Ж. Гантуяа:

"Сайн дурын ажил хийх нь төрөл бүрийн салбарын мэргэжилтнүүдтэй танилцаж байнгын харилцаа холбоо тогтоох, харилцан суралцах, хамт олон дунд өөрийгөө илэрхийлэх, аль нэг салбарын ажилд гар бие оролцож туршлага хуримтлуулах маш чухал нийгмийн оролцоо яах аргагүй мөн. Гэвч сайн дурын ажил гэхээр заавал өөрийн биеэр очиж хаа нэг газар, тодорхой хугацааг өнгөрүүлэх, цаг зав шаардана гэсэн ойлголт залуусын дунд түгээмэл байдаг. Үүнийг өөрөөр хийх боломж олгосон ажил бол яах аргагүй UNLEASH Hacks Mongolia байсан.

Миний хувьд 2 дахь жилдээ уг олон улсын арга хэмжээг зохион байгуулахад ажилласан бөгөөд тогтмол уулзалтууддаа байгаа газраасаа цахимаар оролцож, хариуцсан ажлуудаа хугацаанд нь чөлөөтэй гүйцэтгэх боломжтой учраас бүтэн цагийн ажилтнууд ч төвөггүй оролцдог нь маш их таалагддаг. Хакатонд оролцогч талууд болоод сайн дурын ажилтнуудыг хамарсан Community team-д ажиллахдаа мэдээж дээр дурдсан сайн дурын ажлаас олж авах давуу талууд болоод хамгийн чухал нь жил бүр шийдэл эрэлхийлж буй асуудлуудын тухай илүү дэлгэрэнгүй ойлголтыг олж авах юм.

Залуу хүний хувьд улсдаа төдийгүй олон улсад тулгарч буй асуудлуудын тухай ойлгож хэлэлцэх, шийдэлд гар бие оролцох нь энэ сайн дурын ажлыг сонгох болсон гол шалтгаан юм. Тийм ч учраас залуучуудыг энэ мэт нөлөө бүхий нийгмийн сайн дурын ажилд илүү оролцоогоо нэмнэ гэдэгт итгэлтэй байна. Баярлалаа"

22/05/2022

UNLEASH Hacks -ийн талаарх сэтгэгдлүүд 🙌🎈

Хөтөлбөр хариуцсан сайны дурын багийн ахлах Х. Ихбаяр:

Сайн дурын ажилтнаар ажиллах ямар байв?
- Анх 2021 онд UNLEASH Hacks цахим хакатон агаарын бохирдол сэдвээр зохион байгуулагдана гэсэн постыг харж, сайн дурын ажилтан болсон. Учир нь агаарын бохирдол бол миний санааг зовоодог асуудлуудын нэг юм. Хоёр дахь жилдээ би багийн хөтчөөр ажиллах зорилгоор UNLEASH-ийн хүрээлэлд нь татагдаж оров. Би илүү хариуцлагатай ажил үүрэг авч тэмцээний оролцогч, talent-уудад зааварчлахаас гадна шинэ програмын багт туршлагаа хуваалцаж, зохион байгуулалцсан юм. UNLEASH Hacks 2022 хакатонд ажиллахад их таатай, өөрийн чадваруудаа нээн илрүүлэх, ашиглах боломж байлаа.

Юу суралцсан бэ?
- Өмнөх хакатонд би гарын авлага боловсруулах, орчуулах, багуудад зааварчилгаа өгөх гэх мэт шинэ зүйлстэй тулгарч ажилласан. Харин энэ жил хүмүүстэй харилцаж, багийн гишүүддээ даалгавар хуваарилж өгөх болсноор илүү үр дүнтэй ажиллаж, сайн дурын ажилдаа улам дуртай болсон. Мөн тэмцээнд оролцсон багууд, мэргэжилтнүүдийн үнэтэй зөвлөгөөг сонсож, хамтдаа суралцмаар, судалмаар санагдсан.

UNLEASH 3 үгээр дүрсэлбэл…
- НЭЭЛТТЭЙ, ХӨДӨЛМӨРЧ, ДУЛААН. Манай бүх talent-ууд нийгмийн асуудлыг шийдэхийн тулд уйгагүй хөдөлмөрлөж байсан нь бахархмаар. Би тэднийг цахим уулзалтандаа орохыг сануулж, өрөө бүрийг ээлжлэн хөтөлж байлаа. Тэд багийн хөтчүүдэд талархан, урам зориг өгдөг.

20/05/2022

✨ UNLEASH Hacks 2022 оролцогч, 3-р байранд шалгарсан багийн гишүүн Ж. Эрдэнэтэй хийсэн ярилцлагыг хүргэж байна 👏👏

"Манай шийдэл нь малчидад зориулсан худалдааны нэгдсэн ухаалаг утасны апп юм.
Энэхүү апп-аар малчид хаана ч малын гаралтай бүтээгдэхүүнээ зарах боломжтой бөгөөд хамгийн ойр байршлаас нь эрэлтийг нь харуулна. Тээвэрлэлтийн хувьд малчин өөрөө эсвэл тусгай тээвэрлэлтийг хөлслөн дуудаж бүтээгдэхүүн болон малаа зөөж зарах боломжтой. Эрэлтийг захын худалдаачин болон бусад хүмүүс үүсгэнэ. Түүнчлэн зах зээл дээр бодитоор хэдээр мал болон малын гаралтай бүтээгдэхүүн зарагдаж байгааг харуулна. Үүнийг ашиглан малчин өөрийн малын тоо толгойгоо оруулан, хөрөнгийн үнэ цэнээ тооцоолж болно. Бас энэхүү шийдлийн нэг онцлог нь малчдын худалдааны түүх болон малын тоо толгойн датаг цуглуулах тул үүнийг санхүүгийн зээл олгох байгууллагуудад өгч зээлийн скоринг хийх боломжийг нэмэгдүүлнэ.

Түүнчлэн малчин хэдийгээр дундын чэйнжүүдэд ихэвчлэн малаа зардаг ч, энэ нь эцсийн хэрэглэгчид очих өртгийг бараг 50%-иар нэмэгдүүлж байгаа. Харин тэдэнд өөрийн бүтээгдэхүүнээ зарах сувгийг нь өргөн болговол орлогоо нэмэгдүүлэх боломжтой. Түүнчлэн хувийн санхүүгийн мэдлэг дутмаг байдаг тул үүнийг мөн шийдэх хэрэгтэй. Малчид мөн зээл авахад олон асуудалтай тулгардаг. Тухайлбал өөрийн орлогоо нотлох, барьцаа хөрөнгө шаардах, малын үнэ цэнээ мэдэхгүй зэргээс болж шаардлагатай өрхийн зээлээ авах боломжгүй болдог. Тиймээс үүнийг шийдэх энгийн боломж нь тэдний орлогын мэдээллийг бодитоор цуглуулах, хөрөнгийн үнэ цэнийг тодорхойлж зээл авах боломжийг нэмэгдүүлэх юм.

UNLEASH Hacks нь онлайнаар бүх зүйл орсон тул сонирхолтой ч мөн харилцааны асуудал их гарсан. Тиймээс манай баг биеээр уулзаж ихэнхи зүйлсээ хийсэн. Шинэ санаа, тулгамдаж буй асуудал бодох нь их гоё санагдсан.

Miro дээр ажиллах гоё боломжууд байдгийг мэдсэн бөгөөд асуудлаа хэрхэн цэгцтэй гаргах, ядаж шийдэл олох процессийг суралцсан. Мэдээж багийн ажил тул танихгүй хүмүүстэй хэрхэн хурдан нэг баг болж ажиллахыг сурсан."

20/05/2022

✨ UNLEASH Hacks 2022 оролцогч, 2-р байранд шалгарсан багийн гишүүн Ө. Түмэндарьтай хийсэн ярилцлагыг хүргэж байна 👏👏

" Unleash Hacks-ийн гол зорилго нь тогтвортой хөгжлийн зорилтуудыг биелүүлэхэд залуусын оролцоог дэмжиж буй нь үнэхээр таалагдсан.

Тэр тусмаа энэ жилийн тэмцээний сэдэв нь санхүүгийн хүртээмжтэй байдлыг нэмэгдүүлэхэд чиглэж байсан тул бизнес эрхлэгчдийг дэмжин, санхүүжилт олоход нь туслах урамшууллын системд суурилсан кровдфандинг шийдлийг гаргаж ирсэн.

7 хоногийн турш, энэ чиглэлээр судалгаа хийхэд манай улсад санхүүжилтийн эх үүсвэр ямар хомс, хүртээмж муутай байдгийг мэдэж авсан. Ийм чухал асуудлыг хөндсөн тэмцээнд оролцоод, гаргасан шийдэл маань шилдгүүдийн нэгээр шалгарсанд үнэхээр таатай байна.

Баярлалаа Unleash Hacks."

20/05/2022

✨ UNLEASH Hacks 2022 оролцогч, 1-р байранд шалгарсан багийн гишүүн Б. Номуундарьтай хийсэн ярилцлагыг хүргэж байна 👏👏

"Unleash Hacks тэмцээн нь Монгол улсад зохиогддог бусад тэмцээнүүдээс илүү шинэлэг, тодорхой асуудлын хүрээнд өөрсдийн шийдлийг дэвшүүлж 10 хоногийн турш багаар ажиллах боломж олгосон тэмцээн болж өнгөрлөө.

Манай багийн хувьд салбар бүрийн төлөөллийг бүрдүүлж чадсан тул асуудлыг олон өнцгөөс харж, тухай бүр сайжруулан хамтарч ажиллаж чадсан. Банк, банк бус санхүүгийн байгууллагуудын санхүүгийн бүтээгдэхүүнүүд, тэдгээрийн шаардлага нь хатуу буюу НДШ төлсөн байдал, тогтмол орлого зэргийг заавал шаарддаг нь гэртээ хүүхдээ хараад сууж буй эцэг эхчүүдэд хүндрэл үүсгэдэг тул үүнийг шийдвэрлэхийг зорьсон.

Credit scoring system буюу зээлийн мэдээллийн үйлчилгээ эрхлэгчийн үйл ажиллагаанд ашиглах уян хатан алгоритмыг санал болгосноор санхүүгийн хүртээмжтэй байдлыг бий болгох нэг арга хэрэгсэл болно гэж үзэж байгаа.

Экспертүүдээс тухай бүр зөвлөгөө авах, хийсэн зүйлийнхээ дагуу feedback авах боломжтой байсан нь мөн шинэ платформ дээр ажиллаж сурсан зэрэг олон олон давуу талтай байлаа."

11/05/2022

Арга хэмжээний талаар нийтлэлийг эндээс уншина уу 👇👇

Цар тахал, олон улсын хямралт байдал зэргээс үүдэлтэйгээр Монгол Улсад инфляцийн түвшин өндөр буй энэ цаг үед иргэд хүртээмжтэй санхүүгийн үйлчилгээг шаардлагата...

10/05/2022

🥉 UNLEASH Hacks 2022 цахим хакатоны #Гуравдугаар байр эзэлсэн багийг танилцуулж байна.

Багийн шийдэл: Better Nomad mobile app

💡BetterNomad нь малчдын орлого, малын тоо толгойн мэдээллийг цуглуулах замаар малчдын зээлийн үнэлгээг нэмэгдүүлэх боломжийг олгох нэгдсэн платформ. Тухайн аппликейшнээр хийгдсэн худалдаа болон малын тоо толгойн мэдээллийг цуглуулж санхүүгийн байгууллагуудад орлого батлах, хөрөнгийн хэмжээ тогтоох боломж олгох юм. Ингэснээр малчид орлогын сувгаа нэмэгдүүлэх, хувийн хөрөнгөө үр ашигтайгаар удирдахад, мөн зээлийн хүртээмжийг нэмэгдүүлэхэд тусална.

Багийн гишүүд:
Б. Алтаншагай
Ж. Эрдэнэ
Н. Бүжинлхам

10/05/2022

🥈 UNLEASH Hacks 2022 цахим хакатоны #Дэд байр эзэлсэн багийг танилцуулж байна.

Багийн шийдэл: Seedshare crowdfunding platform

💡 Seedshare нь урамшууллын системд суурилсан кровдфандинг буюу олон нийтийн санхүүжилтээр дамжуулан аливаа төслийг санхүүжилтээр хангах зорилготой платформ юм. Энэхүү платформ блокчэйн болон ухаалаг гэрээний технологи дээр суурилснаараа онцлог бөгөөд бүх төрлийн төсөл байршиж болох ба урамшуулал амлан санхүүжилтээ эргэн төлөх нөхцөлгүйгээр олон нийтээс татах боломжтой.

Багийн гишүүд:
Түмэндарь
Өлзийсүрэн
Билгүдэй

10/05/2022

🥇 UNLEASH Hacks 2022 цахим хакатоны #Тэргүүн байр эзэлсэн багийг танилцуулж байна. Цаашид UNLEASH+ олон улсын хурдасгуурт хөтөлбөрт оролцох эрхээ хангасан багийн гишүүддээ баяр хүргэе!

Багийн шийдэл: FinFlexi шийдэл

💡Монгол Улсад банк болон банк бус санхүүгийн байгууллагууд нь зээлийн онооны тооцооны системийг (credit scoring) дотооддоо буюу өөрсдөө тогтоодог бөгөөд НДШ төлсөн байдал, тогтмол орлоготой байх зэрэг хатуу шаардлагуудтай байдаг. Санхүүгийн үйлчилгээ эрхлэгчдийн зүгээс тавьдаг эдгээр уян хатан бус шаардлагуудын улмаас гэртээ байгаа эцэг эхчүүд зэрэг нийгмийн тодорхой бүлэг этгээдүүд зээл, санхүүжилт авч чаддаггүй. FinFlexi нь зээлийн мэдээллийн үйлчилгээ үзүүлэгч аж ахуйн нэгжүүдэд өөрсдийн уян хатан зээлийн оноо тооцох системийн алгоритмыг санал болгох зорилготой бөгөөд ингэснээр FinFlexi шийдлийн зорилтот бүлэг/хэрэглэгчид болох гэртээ сууж байгаа эцэг эхчүүдэд шударга, уян хатан оноогоор дүгнэгдэх боломжийг олгож, тэдэнд эерэгээр нөлөөлөх юм.

Багийн гишүүд:
Э. Сэлэнгэ
А. Содбаяр
Б. Номуундарь
Э. Дуулга
Э. Анусэцэн

08/05/2022

📣 UNLEASH Hacks 2022 олон улсын инновацийн хакатоны багийн сайн дурын ажилтнуудаа танилцуулж байна.

👏 Коммунити баг нь UNLEASH Hacks арга хэмжээний нийт 100 гаруй оролцогч талууд болох мэргэжилтнүүд, чиглүүлэгч, сайн дурын ажилтнууд болон оролцогчдын харилцаа холбоо болон олон нийттэй харилцах албан харилцаа холбоог хариуцан ажилласан билээ.

UNLEASH Hacks 2022 арга хэмжээг зохион байгуулахад чухал хувь нэмэр оруулсан та бүхэндээ баярлалаа 🙏🙏🙏