Независен Синдикат на Полиција "СО СВР Штип", Stip (2026)

17/06/2026

👥️ Помошник генералниот секретар Даниел Лазарев и претседателот на ОУР Штип Горан Саздовски, остварија посета на управните служби во Пробиштип, Кочани, Виница, Берово и Делчево.

🗣 На поединечни средби со колегите беше поразговарано за платите, но и специфичните услови за работа на оваа категорија на вработени, како и нивни идеи и предлози околу новиот Колективен договор.

✍️ Благодарност за сите нови членови кои се приклучија и ја препознаа нашата борба. Во наредниот период како што расте нашето членство така ќе ги зачестуваме и посетите на управните служби, со цел давање на посебен акцент и поддршка за нивната состојба.

16/06/2026

✔️ Конечно дојде време да ја поздравиме одлуката на четирите апелациони судови, кои од денес и официјално потврдија дека полициската плата е под минималната плата во смисла на Законот. Со тоа се потврди она што ние веќе три години се обидувавме да го докажеме низ судските лавиринти, преку прес-конференции, телевизиски гостувања, протести, состаноци со високи претставници на Меѓународната организација на трудот.

👮‍♂️ Од денес, сите полициски службеници, како и овластените службени лица, слободно можат да го остварат ова право и да ја добијат разликата до минималната плата за последните три години, која им следува согласно Законот.

✊️ Независниот синдикат на полицијата, како и секогаш, ќе продолжи со темелна и суштинска синдикална работа, која е главниот двигател на промените. Пред нас е веќе нова битка, која ја започнуваме уште од утре, а тоа е да докажеме дека и минатиот труд претставува додаток на плата, исто како и останатите додатоци и зголемувања. Овој заклучок, иако претставува значаен исчекор напред, во целост ги оштетува колегите со повисок стаж и практично ги израмнува сите плати во Министерството.

👥️ Благодарност до сите наши членови и поддржувачи кои секојдневно ни се приклучуваат и ја поддржуваат нашата работа, без кои не би можел да постои синдикатот и сето ова што денес го правиме.

15/06/2026

🤝 Нова поволност за членовите на Независниот синдикат на полицијата! 👮‍♂️👮‍♀️

Ве информираме дека е склучен договор за соработка со Prime Mans Boutique – Кочани, лоциран на ул. „Димитар Влахов“ бр. 49.

🎉 Сите членови на НСП добиваат 10% попуст на машка облека од светски познати и реномирани брендови.

✅ Попустот важи и на веќе намалените цени.
✅ Потребно е само да се приложи важечка членска легитимација на НСП.

Независен синдикат на полицијата

12/06/2026

👮‍♂️Делегација на Независниот синдикат на полицијата во состав: Томислав Павловски – член на Претседателството на НСП, Тони Крстевски – претседател на НСП МВР, Бобан Веселинов – претседател на ОВР Виница и Горан Вујиќ – претседател на Секцијата на пензионери при Балканската полициска унија, учествуваше на 19-тата Полицијада на Златибор, во организација на Синдикатот на српската полиција.

👥️ Во рамки на настанот се одржа состанок на Балканската полициска унија, како и кратки поединечни средби со српскиот министер за внатрешни работи Ивица Дачиќ.

✔️ Ваквите настани претставуваат значајна можност за унапредување на соработката и размена на искуства синдикатите со колегите од регионот.

11/06/2026

⛺️ Успешно реализиран уште еден полициски камп во организација на Независниот синдикат на Полицијата, оваа година во Олимпик Бич, Р. Грција во целост покриен од средства на синдикатот, без спонзорства и донации.

👮‍♂️ Во изминатите 3 дена, преку 400 колеги од различни организациски единици имаа можност преку друштвени активности да се запознаат и разменат идеи и искуства околу добрите и лошите практики во своите организациски единици.

🏅 Честитки за најдобрите и благодарност до сите колеги за покажаната зрелост, одговорност и професионалност, за овој настан да помине без ниту еден инцидент или повреда.

👥️ Независниот синдикат на полицијата ќе продолжи да работи на настани од ваков карактер, без повторување на учесниците, со единствена цел за подигнување на колегијалноста, солидарноста и мотивицијата на колегите за поквалитетно извршување на работните обврски.

07/06/2026

👮‍♂️️ Последни подготовки за вториот Police Camp - Greece 2026. Целосно уникатен настан на кој од 08 до 10.06.2026, учество ќе земат преку 400 учесници, кои доброволно се пријавија по јавниот повик, без селекција и повторување на учесници.

✅️ За прв пат организиран во целост со сопствени синдикални средства без никаква помош, донации или спонзорства со што уште еднаш докажуваме како преку домаќинско работење и со малку средства може да се направат големи нешта.

🎖 Се надеваме дека преку добра атмосфера, тимски и колегијален дух ќе успееме да придонесеме за враќање на барем дел од солидарноста која некогаш беше главна карактеристика на полицијата.

06/06/2026

ФОРМИРАН ОДБОР ЗА ПРЕГОВОРИ ЗА НОВ КОЛЕКТИВЕН ДОГОВОР ВО МВР

👮‍♂️ Почитувани колеги,

✊️ За прв пат, согласно член 219 став 2 од ЗРО во рамките на Министерството за внатрешни работи е формиран Одбор за преговори составен од два репрезентативни синдикати Македонскиот полициски синдикат и Грански Независен синдикат на полицијата, кој веќе започна со преговорите за нов Колективен договор во Министерството.

📬 Со цел да обезбедиме максимална транспарентност на процесот, во наредниот период ќе биде отворена заедничка електронска адреса на Одборот за преговори преку која секој вработен ќе може директно да ги достави своите предлози, забелешки и идеи до Одборот за преговори.

👥 Дополнително, ќе биде организирана и средба на која ќе бидат поканети претставниците на останатите синдикални организации, со цел заедничка анализа и дискусија на нивните предлози и размислувања.

🎯 Тенденцијата е целосно транспарентен процес, со што поголема вклученост на сите засегнати страни, со цел подготовка и склучување на функционален и квалитетен Колективен договор кој ќе биде во интерес на сите вработени.

Со почит,
Одбор за преговори

Македонски полициски синдикат

Грански Независен синдикат на
полицијата

05/06/2026

🎙️ Во новата епизода на „Независна зона“ разговараме со Миле Бошков за предизвиците на работниците и работодавачите, социјалниот дијалог, платите, условите за работа и економските перспективи во Македонија.

Следува отворен разговор за теми кои директно ги засегаат работниците, синдикатите и бизнис-заедницата.

📺 Линк новата епизода во коментар. 👇👇👇

02/06/2026

📍Трета меѓународна конференција - Игало, Црна Гора 29–31.05.2026

Независниот синдикат на полицијата на Република Македонија учествуваше на Третата меѓународна конференција на полициските синдикати, организирана од Независниот синдикат на полицијата на Црна Гора, на тема „Стрес и траума во полициската работа - превенција, интервенција и рехабилитација“.

На конференцијата беа разменети искуства и добри практики од синдикални организации од повеќе земји во регионот, со цел унапредување на психолошката поддршка и условите за работа на полициските службеници.

Во рамки на настанот се одржа и состанок на Балканската полициска унија, каде беа разгледани идните насоки на соработка, а беше извршено и примопредавање на претседавањето на Унијата на Синдикатот на српската полиција.

Делегацијата, предводена од генералниот секретар Миле Милески, придружуван од Претседателот на СВР Охрид Богоја Прензоски, оддаде почит и положи свежо цвеќе во знак на сеќавање на загинат полициски службеник од Црна Гора, како израз на професионална солидарност и почит.

Ова учество уште еднаш ја потврдува посветеноста кон регионална соработка, јакнење на синдикалните врски и унапредување на статусот и заштитата на полициските службеници.

01/06/2026

✊️ Еден можеби мал чекор за Министерството и синдикатот, но многу значаен во насока на подготвеноста за спроведување на реформи и слух за потребите на колегите од страна на раководството.

👮‍♂️ Како резултат на континуираното барање на Независниот синдикат на полицијата, во целост е прифатен предлогот за укинување на забраната за користење на мобилни телефони на граничната полиција, сообраќајната полиција и управните служби , како и дозвола за носење на уредна брада и тетоважи од страна на униформираната полиција што е значаен чекор за либерализација и модернизација на условите.

✅ Ова претставува уште една потврда дека преку аргументиран дијалог, упорност и заедничка работа може да се дојде до решенија кои го подобруваат професионалниот статус и работните услови на полициските службеници.

🤝 Независниот синдикат на полицијата останува посветен на заштитата на правата и интересите на своите членови и ќе продолжи активно да предлага и поддржува мерки кои придонесуваат за помодерна, помотивирана и поефикасна полиција.

Независен Синдикат на Полиција "СО СВР Штип"

17/06/2026

16/06/2026

15/06/2026

12/06/2026

11/06/2026

07/06/2026

06/06/2026

05/06/2026

02/06/2026

01/06/2026

Address

Website

Alerts

Shortcuts

Share

Category