28/05/2024
Во изминатиот период често добивавме прашања за тоа што правиме, што планираме, до каде се работите со градинката на отворено. Ние не сакавме (И НЕМА) да губиме надеж, но сметаме дека веќе е време да ви ја кажеме вистината за општеството во кое живееме. Со ова не би сакале да ве обесхрабриме, напротив, знаеме дека кога работите излегуваат на виделина, шансите за успех и соработка се далеку поголеми. Како што можете да видите од сликите, не секогаш нештата завршуваат така како што сме замислувале и веројатно има лекција за сите нас среде овој процес. Како и да е, ние би сакале да можеме да се вратиме назад во нашата волшебна шума, да продолжиме да се дружиме и да изучуваме за убавините на природата, но за тоа да биде реалност ПОТРЕБНА НИ Е ВАШАТА ПОМОШ. Без разлика дали преку финансиска или практична поддршка, ние сме отворени за секакви предлози. А на оние кои сме ги вознемириле со нашата мисија и делување за да дојде до ова, од срце им посакуваме да го најдат она за кое што се вистински страствени, за да можат истата оваа енергија да ја искористат во произведување на нешто убаво и корисно за сите нас 🫶
