02/12/2025
දඹුල්ල ආර්ථික මධ්යස්ථානයට එළවළු වැඩි වශයෙන් ලැබී එළවළු මිල සීග්රයෙන් පහත වැටෙමින් පවතින බවත් ඉහල මිල ගණන් යටතේ එළවළු මිලදී නොගෙන දඹුල්ල ආර්ථික මධ්යස්ථානයට පැමිණ හෝ එළවළු මිලදී ගන්නැයි දඹුල්ල ආර්ථික මධ්යස්ථාන වෙළඳ සංගමය පාරිභෝගික ජනතාවගෙන් ඉල්ලා සිටිති.
සූක්ෂම ලෙස මෙම අවස්ථාවේදී වැඩි මිලට එළවළු අලෙවි කිරීම නොකරන ලෙස ඔව්හු සමස්ත වෙළඳ ව්යාපාරිකයන්ගෙන් ඉල්ලීමක්ද කරන්නට විය දඹුල්ල ආර්ථික මධ්යස්ථාන වෙළඳ සංගමයේ සභාපති සී.එස් සිරිවර්ධන මහතා සඳහන් කළේ මෙවන විට දඹුල්ල ආර්ථික මධ්යස්ථානයේ සෑම එළවළුවක්ම පෙරසේ ඉතා අඩු මිල ගණන් යටතේ අලෙවි වන බවය
ඒ අනුව 02 දින පෙරවරුවේ දඹුල්ල ආර්ථික මධ්යස්ථානයේ කැරට් කිලෝවක් රුපියල් 300ක් 350ක් අතර ගෝවා කිලෝවක් රුපියල් පනහක් හැටත් අතර බෝංචි කිලෝව රුපියල් 650ක් හත්සීයක් අතර වම්බටු කිලෝ එකක් රුපියල් සීයක් එකසිය පනහක් අතර වට්ටක්කා කිලෝවක් රුපියල් තිහත් පනහක් අතර අමුමිරිස් කිලෝව රුපියල් 250ක් 300ත් අතර සීග්රයෙන් පහත වැටී තිබෙන බවය
ඒ අනුව ආර්ථික මධ්යස්ථානයේ තොග මිල පිළිබඳව නිරන්තරයෙන් අවධානය යොමු කොට එළවළු මිලදී ගැනීම සිදුකරන ලෙස ආර්ථික මධ්යස්ථානයේ ව්යාපාරිකයෝ ඉල්ලා සිටිති. ප්රදේශයේම සිල්ලර එළවළු වෙළඳසැල්වල මිල ඉහළ ගොස් ඇති අයුරද දැකගැනීමට හැකි විය.
