24/08/2026
ഓണാഘോഷവും പൂക്കളമത്സരവും
തലപ്പിള്ളി താലൂക്ക് NSS യൂണിയന്റെയും താലൂക്ക് വനിതാ യൂണിയന്റെയും ആഭിമുഖ്യത്തിൽ ഓണാഘോഷവും യൂണിയനിലെ കരയോഗങ്ങളെ പങ്കെടുപ്പിച്ചുകൊണ്ട് പൂക്കളമത്സരവും സംഘടിപ്പിച്ചു.
ബഹു. NSS ഡയറക്ടർ ബോർഡ് മെമ്പറും താലൂക്ക് യൂണിയൻ പ്രസിഡന്റുമായ അഡ്വ. പി. ഹൃഷികേശ് പൂക്കളമത്സരത്തിന്റെ ഉദ്ഘാടനം നിർവഹിക്കുകയും വിജയികൾക്കുള്ള ക്യാഷ് അവാർഡുകൾ വിതരണം ചെയ്യുകയും ചെയ്തു. ഉദ്ഘാടനത്തോടനുബന്ധിച്ച് വനിതാ യൂണിയൻ അംഗങ്ങൾ തിരുവാതിരക്കളി അവതരിപ്പിച്ചു.
25-ൽ പരം ടീമുകൾ പങ്കെടുത്ത ആവേശകരമായ മത്സരത്തിൽ 1987-ാം നമ്പർ ചെറുതുരുത്തി NSS കരയോഗം ഒന്നാം സ്ഥാനവും, 5673-ാം നമ്പർ വേലൂർ ദേശം NSS കരയോഗം രണ്ടാം സ്ഥാനവും, 3272-ാം നമ്പർ മായന്നൂർ NSS കരയോഗം മൂന്നാം സ്ഥാനവും നേടി.
പങ്കെടുത്ത എല്ലാ കരയോഗങ്ങൾക്കും പ്രോത്സാഹന സമ്മാനങ്ങളും നൽകി.
യൂണിയൻ വൈസ് പ്രസിഡന്റ് കെ. രവീന്ദ്രൻ, സെക്രട്ടറി എസ്. ശ്രീകുമാർ, യൂണിയൻ ഭരണസമിതി അംഗങ്ങൾ, പ്രതിനിധിസഭ അംഗങ്ങൾ, വനിതാ യൂണിയൻ പ്രസിഡന്റ് പി. കുമാരി, NSS ഇൻസ്പെക്ടർ എൻ. രാധാകൃഷ്ണൻ, വനിതാ യൂണിയൻ ഭാരവാഹികൾ എന്നിവർ ചടങ്ങിൽ പങ്കെടുത്തു.
പൂക്കളമത്സരത്തോടനുബന്ധിച്ച് വിഭവസമൃദ്ധമായ ഓണസദ്യയും ഒരുക്കിയിരുന്നു.
