სტუდია ეიდისი • Studio Adc

სტუდია ეიდისი • Studio Adc Contact information, map and directions, contact form, opening hours, services, ratings, photos, videos and announcements from სტუდია ეიდისი • Studio Adc, Non-Governmental Organization (NGO), ვაჟა-ფშაველას 76ბ, Tbilisi.

,,სტუდია ეიდისი“ წარმოადგენს არაკომერციულ ორგანიზაციას, რომლის მისიაა სოციალურად დაუცველი ბავშვებისა და ახალგაზრდების, მათ შორის შეზღუდული შესაძლებლობის მქონე ბავშვთა და ზრდასრულთა სოციალური ინტეგრაციის ხელშეწყობა, მათი უფლებების დაცვა

🌍 7 აპრილი - ჯანმრთელობის მსოფლიო დღე🥰7 აპრილი აღინიშნება, როგორც ჯანმრთელობის მსოფლიო დღე. ეს თარიღი უკავშირდება მსოფლი...
07/04/2026

🌍 7 აპრილი - ჯანმრთელობის მსოფლიო დღე

🥰7 აპრილი აღინიშნება, როგორც ჯანმრთელობის მსოფლიო დღე. ეს თარიღი უკავშირდება მსოფლიო ჯანდაცვის ორგანიზაციის დაარსებას და ყოველწლიურად გვახსენებს, რამდენად მნიშვნელოვანია ჯანმრთელობაზე ზრუნვა

📌 ჯანმრთელობა არის ფიზიკური, ფსიქიკური და სოციალური კეთილდღეობის ერთობლიობა, რომელიც დიდწილად დამოკიდებულია გარემოზე, ხელმისაწვდომ სერვისებსა და ცხოვრების პირობებზე.

📊 რატომ არის ეს დღე მნიშვნელოვანი?

☺️მსოფლიოში მრავალი ადამიანი დგას გამოწვევის წინაშე, რადგან ჯანდაცვის სერვისებზე ხელმისაწვდომობა შეზღუდულია. ხშირ შემთხვევაში საჭირო მხარდაჭერა ან დროულად ვერ მიიღება, ან საერთოდ მიუწვდომელი რჩება.

👉🏻ამ დღის მიზანია:

🔸ყურადღების გამახვილება ჯანდაცვის მისაწვდომობაზე;
🔸პრევენციისა და ადრეული ჩარევის მნიშვნელობის ხაზგასმა;
🔸ჯანმრთელობის დაცვის სისტემების გაძლიერება

💡 მნიშვნელოვანი აქცენტები

😊ჯანმრთელობაზე ზრუნვა იწყება ყოველდღიური ჩვევებიდან. ფსიქიკური ჯანმრთელობა ისეთივე მნიშვნელოვანია, როგორც ფიზიკური

🙌🏽ადამიანის მდგომარეობაზე დიდ გავლენას ახდენს გარემო და მხარდაჭერა - ოჯახი, საზოგადოება და ხელმისაწვდომი სერვისები

🌱 2026 წლის გზავნილი:
ჯანმრთელი საზოგადოება არსებობს მაშინ, როცა ყველა ადამიანს აქვს თანაბარი შესაძლებლობა იზრუნოს საკუთარ ჯანმრთელობაზე

🤝 რა შეგვიძლია გავაკეთოთ?

🔸ვიზრუნოთ საკუთარ და ერთმანეთის ჯანმრთელობაზე
🔸გავავრცელოთ სანდო ინფორმაცია
🔸მხარი დავუჭიროთ ჯანდაცვის ხელმისაწვდომობას
🔸შევქმნათ გარემო, რომელიც ხელს უწყობს ჯანმრთელ ცხოვრებას

🧡ჯანმრთელობა საერთო პასუხისმგებლობაა.
მისი დაცვა იწყება მცირე ნაბიჯებით, მაგრამ მოითხოვს ერთობლივ ძალისხმევას

🧩 2 აპრილი - World Autism Awareness Day👉🏻2 აპრილი მსოფლიოში აღინიშნება როგორც აუტიზმის შესახებ ცნობიერების ამაღლების დღე...
02/04/2026

🧩 2 აპრილი - World Autism Awareness Day

👉🏻2 აპრილი მსოფლიოში აღინიშნება როგორც აუტიზმის შესახებ ცნობიერების ამაღლების დღე. მისი მიზანია საზოგადოების ინფორმირება, სტერეოტიპების შემცირება და ისეთი გარემოს შექმნა, რომ აუტიზმის მქონე ადამიანებმა შეძლონ ყოველდღიურ ცხოვრებაში სრულფასოვანი მონაწილეობა

🙌🏽რატომ არის ეს დღე მნიშვნელოვანი?

🙏აუტიზმის შესახებ ინფორმაციის ნაკლებობა ხშირად იწვევს არასწორ აღქმებსა და ბარიერებს.

☺️ცნობიერების ამაღლება ხელს უწყობს:

🔸მიმღებლობას და ინკლუზიის გაძლიერებას;
🔸ადრეული იდენტიფიკაციისა და მხარდაჭერის მნიშვნელობის გააზრებას;
🔸სხვადასხვა სფეროში თანაბარი შესაძლებლობების შექმნას

💡 რას უნდა მივაქციოთ ყურადღება?

🔸ქცევა ხშირად არის კომუნიკაციის ფორმა;
🔸ყველა ადამიანს განსხვავებული მხარდაჭერა სჭირდება;
🔸სწორი გარემო მნიშვნელოვნად განსაზღვრავს ბავშვისა და ზრდასრულის განვითარების შესაძლებლობას

🌍 2026 წლის გზავნილი: ინკლუზიური საზოგადოება იქმნება მაშინ, როცა სისტემები ერგება ადამიანს და არა პირიქით

🤝 რა არის ჩვენი საერთო პასუხისმგებლობა?

🔸შევქმნათ ადაპტირებული და ხელმისაწვდომი გარემო;
🔸გავზარდოთ ინფორმირებულობა განათლებისა და ჯანდაცვის სფეროში;
🔸მოვუსმინოთ აუტიზმის მქონე ადამიანებსა და მათ ოჯახებს;
🔸გავაძლიეროთ სერვისები და მხარდაჭერის სისტემები.


#ინკლუზია


#აუტიზმისცნობიერება
#ინკლუზიურისაზოგადოება

👉🏻ა(ა)იპ „სტუდია ეიდისი“ რუსთავში ორ მომსახურებას ახორციელებს:🔸განვითარების მძიმე და ღრმა შეფერხების მქონე ბავშვთა ბინაზ...
26/03/2026

👉🏻ა(ა)იპ „სტუდია ეიდისი“ რუსთავში ორ მომსახურებას ახორციელებს:

🔸განვითარების მძიმე და ღრმა შეფერხების მქონე ბავშვთა ბინაზე მომსახურებით უზრუნველყოფის ქვეპროგრამა;

🔸პერსონალური ასისტენტის მომსახურებით უზრუნველყოფის ქვეპროგრამა

🥰სერვისების ფარგლებში ბენეფიციარები იღებენ ინდივიდუალურ საჭიროებებზე მორგებულ მხარდაჭერას, რაც ხელს უწყობს ყოველდღიურ საქმიანობაში მეტ დამოუკიდებლობას, აქტიურობასა და საზოგადოებრივ ცხოვრებაში ჩართულობას

👥სერვისების ხარისხიანად განხორციელების მიზნით, პროგრამაში ჩართულ სპეციალისტებთან რეგულარულად ტარდება სამუშაო შეხვედრები. შეხვედრებში მონაწილეობენ ქცევის კონსულტანტები, შემთხვევის მართვის მენეჯერები, საჭიროების შემთხვევაში, ინდივიდუალური ზრუნვის განმახორციელებელი პირები, პერსონალური ასისტენტები და ბენეფიციართა მშობლები. ასეთი ფორმატის შეხვედრები ქმნის პროფესიული თანამშრომლობისა და გამოცდილების გაზიარების შესაძლებლობას

🙏სამუშაო შეხვედრების ფარგლებში განიხილება თითოეული ბენეფიციარის საჭიროებები, არსებული გამოწვევები, ის გარემოებები, რომლებიც დამატებით მხარდაჭერას ან რეაგირებას საჭიროებენ. გუნდური მსჯელობა საშუალებას იძლევა დროულად გამოიკვეთოს შესაძლო რისკები და განისაზღვროს მათზე რეაგირების სტრატეგიები

🧡თანმიმდევრული კომუნიკაცია და თანამშრომლობა ხელს უწყობს მომსახურების პროცესის დახვეწას, სპეციალისტებს შორის კოორდინაციის გაძლიერებას, უზრუნველყოფს ბენეფიციარებისთვის სტაბილურ და საჭიროებებზე მორგებულ მხარდაჭერას

☺️”სტუდია ეიდისი“ აგრძელებს მუშაობას რუსთავში არსებული სოციალური სერვისების გაფართოებასა და განვითარებაზე. ორგანიზაციის მიზანია, გაიზარდოს ხელმისაწვდომობა და ბენეფიციარებმა მიიღონ მრავალფეროვანი, მათ საჭიროებებზე მაქსიმალურად მორგებული მხარდაჭერა

🕊️”ღმერთი, სამშობლო, ადამიანი“ 🙏დიდი ტკივილითა და მადლიერებით ვემშვიდობებით საქართველოს კათოლიკოს-პატრიარქს, ილია II-ს -...
24/03/2026

🕊️”ღმერთი, სამშობლო, ადამიანი“

🙏დიდი ტკივილითა და მადლიერებით ვემშვიდობებით საქართველოს კათოლიკოს-პატრიარქს, ილია II-ს - სულიერ მამას, რომელმაც თითქმის ნახევარი საუკუნის განმავლობაში წარმართა საქართველოს სულიერი ცხოვრება და იქცა მთელი ერის სიმბოლოდ

🤍2026 წლის 17 მარტს, 93 წლის ასაკში დასრულდა მისი მიწიერი ცხოვრება, თუმცა სულიერი მემკვიდრეობა გრძელდება - რწმენაში, სიყვარულში და იმ ღირებულებებში, რაც მან დაგვიტოვა

👉🏼ილია II 1977 წლის 25 დეკემბერს აღსაყდრდა საქართველოს კათოლიკოს-პატრიარქად. იმ პერიოდში საქართველოს მართლმადიდებელ ეკლესიაში მოქმედებდა მხოლოდ 7 ეპარქია, დაახლოებით 80-მდე სასულიერო პირი და ფუნქციონირებდა 50-მდე ეკლესია-სამლოცველო. მისი მრავალწლიანი მოღვაწეობის შედეგად ეკლესია მნიშვნელოვნად გაძლიერდა. დღეს არსებობს 49 ეპარქია (მათ შორის 7 საზღვარგარეთ), 3000-ზე მეტი სასულიერო პირი და ფუნქციონირებს 2500-ზე მეტი ეკლესია-მონასტერი

🥰ილია II-ის პატრიარქობის პერიოდში განსაკუთრებული ყურადღება დაეთმო ბიბლიის ტექსტის განახლებას. პატრიარქის კურთხევით დაიწყო ბიბლიის ტექსტის გამარტივება და თანამედროვე ქართულ ენასთან დაახლოება. ამ პროცესმა მნიშვნელოვნად გაამარტივა წმინდა წერილის გაგება, უფრო ხელმისაწვდომი გახადა იგი ფართო საზოგადოებისათვის, რამაც ხელი შეუწყო რწმენის გაძლირებას.

☺️პატრიარქის მოღვაწეობა არ შემოიფარგლებოდა მხოლოდ ეკლესიით. ის იყო მშვიდობისმყოფელი, გამაერთიანებელი, სიბრძნის ხმა. სწორედ ამიტომ მას „კავკასიის მამას“ უწოდებდნენ, მათ შორის მუსლიმი და სხვა რელიგიური საზოგადოების წარმომადგენლებიც, რაც ხაზს უსვამს მის უნიკალურ ავტორიტეტსა და გავლენას. ამის ერთგვარი გამოხატულება იყო ის, რომ იეზიდთა სულიერმა საბჭომ პატრიარქის ხსოვნის პატივსაცემად გააუქმა დაგეგმილი ზეიმი „კლოჩე სარე სალე“ (Cejna Cemayê), ხოლო, ილია II-ის გარდაცვალებასთან და ქვეყანაში გამოცხადებულ გლოვასთან დაკავშირებით, მარნეულის სოფელ ჯანდარას მოსახლეობამ დღესასწაული ჩინარის ბაირამი თავშეკავებულად, მუსიკისა და ხმაურიანი აღნიშვნების გარეშე, ერთმანეთისა და საერთო ტკივილის პატივისცემით ჩაატარა

🧡პატრიარქი განსაკუთრებულ ყურადღებას უთმობდა შეზღუდული შესაძლებლობის მქონე ადამიანებს, გამოირჩეოდა მათ მიმართ მზრუნველობით, სითბოთი და სიყვარულით - ლოცავდა, ამხნევებდა და მოუწოდებდა საზოგადოებას, თითოეული ადამიანი მიღებული და დაფასებული ყოფილიყო. ჩვენი ორგანიზაციისთვის, რომელიც მუშაობს შშმ ბავშვებთან, მისი დამოკიდებულება განსაკუთრებით ღირებულია და ვცდილობთ, ჩვენს ყოველდღიურ საქმიანობაში გავითვალისწინოთ.

🕯️ილია II- ემ დაამკვიდრა შობის ღამეს ფანჯარასთან სანთლების დანთების ტრადიცია, რომელიც სიმბოლურად ნიშნავს მაცხოვრის დაბადებას ჩვენს გულებსა და ოჯახებში, წარმოადგენს ერთიანობისა და იმედის ნიშანს.

🤲🏼მისი ხსოვნის პატივსაცემად დავანთოთ სიმბოლური სანთელი ჩვენს სულებში, რათა მისი სწავლება არ დარჩეს მხოლოდ სიტყვებად, არამედ, აისახოს ჩვენს ქმედებებში, ურთიერთობებსა და ადამიანების სიყვარულში

📢ვაკანსია - სოციალური მუშაკი✨არარეგისტრირებული კავშირი "ალიანსი სოციალური სერვისების მდგრადობისა და განვითარებისთვის" აც...
23/03/2026

📢ვაკანსია - სოციალური მუშაკი

✨არარეგისტრირებული კავშირი "ალიანსი სოციალური სერვისების მდგრადობისა და განვითარებისთვის" აცხადებს ვაკანსიას სოციალური მუშაკის პოზიციაზე

☺️არარეგისტრირებული კავშირი "ალიანსი სოციალური სერვისების მდგრადობისა და განვითარებისთვის" 2026 წელს დაფუძნდა „სტუდია ეიდისისა” და „ბავშვი, ოჯახი, საზოგადოება", არასამეწარმეო (არაკომერციული) იურიდიული პირების (ა (ა)იპ) მიერ. კავშირის მისიაა მოწყვლადი ჯგუფების, მათ შორის შშმ პირებისთვის ხელმისაწვდომობის გაზრდა სოციალურ სერვისებზე

📍ქ. თბილისი, საირმის ქ. N5, ვაჟა-ფშაველას N76ბ

🧡ძირითადი მოვალეობები:

🔸მულტიდისციპლინური გუნდის მუშაობაში მონაწილეობა. საჭიროების შემთხვევაში, კოორდინაცია

🔸ბენეფიციარების შეფასება და ინდივიდუალური გეგმების შემუშავება

🔸გარე სერვისების მოძიება და ბენეფიციარებისთვის ინფორმაციის მიწოდება

🔸ბენეფიციართა პოტენციალის რეალიზების ხელშეწყობა

🔸ბენეფიციარებისა და მათი ოჯახების გამოკითხვა, ანალიზი და პერიოდული ანგარიშების მომზადება

🔸შეხვედრებსა და კონფერენციებში მონაწილეობა

🔸კამპანიებსა და ინიციატივებში აქტიური ჩართულობა

📩განაცხადის წარდგენა: [email protected]

🔗დეტალური ინფორმაციისთვის ეწვიეთ ბმულს: https://shorturl.at/FHoZx

💛💙 21 მარტი - დაუნის სინდრომის საერთაშორისო დღე 👉🏼21 მარტს მსოფლიო აღნიშნავს დაუნის სინდრომის საერთაშორისო დღეს. ამ დღის...
21/03/2026

💛💙 21 მარტი - დაუნის სინდრომის საერთაშორისო დღე

👉🏼21 მარტს მსოფლიო აღნიშნავს დაუნის სინდრომის საერთაშორისო დღეს. ამ დღის მთავარი მიზანია სტერეოტიპების დამსხვრევა და იმაზე საუბარი, თუ როგორ შეგვიძლია შევქმნათ უფრო ინკლუზიური და მხარდამჭერი გარემო

✨ 2026 წლის გზავნილია „ერთად მარტოობის წინააღმდეგ“ და ფოკუსირებულია ინკლუზიაზე, თანასწორ შესაძლებლობებსა და მხარდაჭერაზე: სკოლაში, სამუშაო სივრცეში, საზოგადოებრივ პროცესებში

👉 როგორ შეიძლება ამ გზავნილის რეალიზება?

🔸ინკლუზიური განათლების ხელშეწყობით და თითოეული ბავშვის ინდივიდუალური საჭიროებების გათვალისწინებით;
🔸დასაქმების შესაძლებლობების შექმნით და სამუშაო გარემოს ადაპტაციით;
🔸ოჯახების მხარდაჭერითა და სერვისების ხელმისაწვდომობის გაზრდით;
🔸საზოგადოების ცნობიერების ამაღლებით, სტიგმის შემცირებით და პოზიტიური მაგალითების გაზიარებით

🧡გახსოვდეს: ინკლუზია იწყება ჩვენგან - ყოველდღიური მცირე ნაბიჯებით, მეტი ემპათიითა და პატივისცემით.
Day #დაუნისსინდრომი #ინკლუზია #თანასწორობა 💛

📢 ვაკანსია - ოფისის კოორდინატორი☺️ ა(ა)იპ „სტუდია ეიდისი“ აცხადებს კონკურსს ოფისის კოორდინატორის პოზიციაზე📍 ქ. თბილისი, ...
20/03/2026

📢 ვაკანსია - ოფისის კოორდინატორი

☺️ ა(ა)იპ „სტუდია ეიდისი“ აცხადებს კონკურსს ოფისის კოორდინატორის პოზიციაზე

📍 ქ. თბილისი, საირმის ქ. N5

👉🏼ძირითადი მოვალეობები:

🔸 „პერსონალური ასისტენტის მომსახურების“ სერვისის კოორდინაცია
🔸 სოციალური პროგრამების ფარგლებში სპეციალისტების გუნდის მუშაობის კოორდინაცია და მხარდაჭერა
🔸 კორესპონდენციის წარმოება და დოკუმენტირება
🔸 საოფისე პროცესების გამართული ფუნქციონირების უზრუნველყოფა
🔸 შესყიდვების დაგეგმვა და ორგანიზება საოფისე საჭიროებების მიხედვით
🔸 ტრენინგების ორგანიზებაში მონაწილეობა
🔸 თანამშრომლებთან შეხვედრების დაგეგმვა და ორგანიზება
🔸 შესრულებული სამუშაოს შესახებ პერიოდული ანგარიშების მომზადება

📧 განაცხადის წარდგენა: [email protected]

🔗დამატებითი ინფორმაციისთვის ეწვიეთ ბმულს :
https://shorturl.at/T5BAy

🇪🇺ევროკავშირის ინიციატივით და მხარდაჭერით, COFACE Families Europe-ისა და KMOP-ის ორგანიზებით, 2026 წლის 17 მარტს, ათენ...
19/03/2026

🇪🇺ევროკავშირის ინიციატივით და მხარდაჭერით, COFACE Families Europe-ისა და KMOP-ის ორგანიზებით, 2026 წლის 17 მარტს, ათენში გაიმართა ექსპერტთა შეხვედრა თემაზე - „ოჯახები ხელოვნური ინტელექტის ეპოქაში: უფლებები, ინკლუზია და შესაძლებლობების გაფართოება“.

👉🏼ღონისძიებაში მონაწილეობდნენ მკვლევრები, პოლიტიკის შემმუშავებლები, ტექნოლოგიის სფეროს ექსპერტები და სამოქალაქო საზოგადოების წარმომადგენლები სხვადასხვა ქვეყნიდან. ღონისძიებას ესწრებოდა „სტუდია ეიდისის“ ხელმძღვანელი გულნარა ბიბილეიშვილი, რომელმაც მონაწილეობა მიიღო შეხვედრის ფარგლებში გამართულ სესიებსა და დისკუსიებში.

✨შეხვედრის მთავარი მიზანი იყო ხელოვნური ინტელექტის მზარდი გავლენის განხილვა ოჯახების ყოველდღიურ ცხოვრებაზე - როგორ მოქმედებს იგი შრომის ბაზარზე, განათლებაში, ოჯახურ ცხოვრებაში, ონლაინ სივრცესა და სოციალურ დაცვაზე, ასევე რა შესაძლებლობები და რისკები არსებობს ამ მიმართულებით

🙏ღონისძიების ფარგლებში გაიმართა პლენარული დისკუსიები და სამუშაო სესიები. ორგანიზაცია ,,სტუდია ეიდისის“ მისიიდან და მიზნებიდან გამომდინარე მნიშვნელოვანი იყო სხვა საკითხებთან ერთად ისეთი თემების განხილვა, როგორებიცაა:

• ხელოვნური ინტელექტის გამოყენება ინკლუზიურ განათლებასა და სოციალური დაცვის სისტემებში
• ხელოვნური ინტელექტი განათლებაში და ბავშვთა უფლებების დაცვა

🥰სამუშაო ჯგუფის ფორმატში აქცენტი გაკეთდა თუ როგორ აღიქვამენ ბავშვები და ახალგაზრდები ხელოვნურ ინტელექტს და რა გავლენას ახდენს ის მათ ყოველდღიურ ცხოვრებასა და ციფრულ გარემოში. განიხილეს ოჯახებისთვის ისეთი ციფრული მომავლის შექმნის გზები, სადაც ხელოვნური ინტელექტი გამოყენებული იქნება სოციალური ჩართულობის, თანასწორობისა და ოჯახების კეთილდღეობის გასაძლიერებლად.
#ოჯახები #ციფრულიუფლებები #სოციალურიინკლუზია #სტუდიაეიდისი

📢 ვაკანსია - სოციალური მედიის მენეჯერი☺️ ა(ა)იპ „სტუდია ეიდისი“ აცხადებს კონკურსს სოციალური მედიის მენეჯერის პოზიციაზე📍 ...
16/03/2026

📢 ვაკანსია - სოციალური მედიის მენეჯერი

☺️ ა(ა)იპ „სტუდია ეიდისი“ აცხადებს კონკურსს სოციალური მედიის მენეჯერის პოზიციაზე

📍 ქ. თბილისი, საირმის N5

👉🏼 ვეძებთ მოტივირებულ, პასუხისმგებლიან და ორგანიზებულ ადამიანს

🙌🏽 ძირითადი მოვალეობები:

🔸 სოციალური მედიის სტრატეგიის შემუშავება და მართვა
🔸 ორგანიზაციის საქმიანობის შესახებ საზოგადოების ინფორმირება
🔸 ვებ-გვერდის, Facebook, LinkedIn, Instagram, TikTok გვერდების მართვა
🔸 ელექტრონული და ბეჭდური საკომუნიკაციო მასალების (ბროშურები, პრეზენტაციები) შექმნა და განთავსება
🔸 საზოგადოებასთან ურთიერთობის საკითხებთან დაკავშირებული კორესპონდენციების მომზადება
🔸 საჯარო პრეზენტაციების, ღონისძიებების და საინფორმაციო კამპანიების მხარდაჭერა
🔸 შესრულებული სამუშაოს შესახებ პერიოდული ანგარიშების მომზადება

📧 განაცხადის წარდგენა: გაგზავნეთ თქვენი რეზიუმე: [email protected]

🔗დამატებითი ინფორმაციისთვის ეწვიეთ ბმულს : https://url-shortener.me/HDW7

📍ა(ა)იპ „სტუდია ეიდისი“ 2025 წლიდან დმანისის მუნიციპალიტეტში ახორციელებს შშმ პირის პერსონალური ასისტენტის სერვისს👉🏼სერვი...
13/03/2026

📍ა(ა)იპ „სტუდია ეიდისი“ 2025 წლიდან დმანისის მუნიციპალიტეტში ახორციელებს შშმ პირის პერსონალური ასისტენტის სერვისს

👉🏼სერვისის მიზანია შეზღუდული შესაძლებლობის მქონე პირთა დამოუკიდებელი ცხოვრების ხელშეწყობა და მათი ყოველდღიური საჭიროებების ინდივიდუალური მხარდაჭერა

🔸დმანისში პერსონალური ასისტენტის სერვისით სარგებლობს 12 ბენეფიციარი, რომლებთანაც პერსონალური ასისტენტები მუშაობენ ინდივიდუალური საჭიროებების შესაბამისად

🧡„სტუდია ეიდისი“ დმანისის მუნიციპალიტეტში გეგმავს პერსონალური ასისტენტის სერვისის ეტაპობრივ გაფართოებას. ამ მიზნით გადამზადდა დამატებით 3 კანდიდატი პერსონალურ ასისტენტად. ეს უზრუნველყოფს სერვისის უფრო ფართო წრისთვის ხელმისაწვდომობას, პროფესიონალური მხარდაჭერის და ადგილობრივ დონეზე დამოუკიდებელი ცხოვრების მხარდაჭერის გაძლიერებას

#დმანისი
#პერსონალურიასისტენტი
#დამოუკიდებელიცხოვრება

👉🏼ა(ა)იპ „სტუდია ეიდისი“ მარნეულის მუნიციპალიტეტში პერსონალური ასისტენტის სერვისს 5 ბენეფიციარს სთავაზობს. მათი მხარდაჭე...
10/03/2026

👉🏼ა(ა)იპ „სტუდია ეიდისი“ მარნეულის მუნიციპალიტეტში პერსონალური ასისტენტის სერვისს 5 ბენეფიციარს სთავაზობს. მათი მხარდაჭერა 2025 წლის აგვისტოდან ხორციელდება. ბენეფიციარებთან ყოველდღიურ მუშაობას უზრუნველყოფენ პერსონალური ასისტენტები, რომლებსაც გავლილი აქვთ შეზღუდული შესაძლებლობის მქონე პირის პერსონალური ასისტენტის მომზადების ტრენინგი

☺️სერვისის ეფექტიანობის უზრუნველსაყოფად, სერვისის კოორდინატორსა და პერსონალურ ასისტენტებს შორის რეგულარულად იმართება სამუშაო შეხვედრები. აღნიშნული შეხვედრები წარმოადგენს გამოცდილების გაზიარებისა და პროფესიული მხარდაჭერის შესაძლებლობას. შეხვედრებზე განიხილება ბენეფიციარების ინდივიდუალური საჭიროებები, მუშაობის პროცესში მიღწეული შედეგები, ასევე, გამოწვევები, რომლებიც პრაქტიკაში იჩენს თავს

🙏ამგვარი პროფესიული კომუნიკაცია ხელს უწყობს მომსახურების ხარისხის გაუმჯობესებას, ასისტენტების პროფესიული კომპეტენციების განვითარებასა და ბენეფიციარებისთვის უფრო თანმიმდევრული, ინდივიდუალურ საჭიროებებზე მორგებული მხარდაჭერის უზრუნველყოფას

🧡”სტუდია ეიდისი“ აგრძელებს მუშაობას მარნეულის მუნიციპალიტეტში სოციალური სერვისებისა და პერსონალური ასისტენტის მომსახურების განვითარებისა და გაფართოების მიმართულებით, რათა აღნიშნული მხარდაჭერა ეტაპობრივად უფრო მეტი ადამიანისათვის გახდეს ხელმისაწვდომი და ხელი შეუწყოს შშმ პირთა სრულფასოვან სოციალიზაციასა და საზოგადოებრივ ცხოვრებაში აქტიურ მონაწილეობას

„სტუდია ეიდისი” გილოცავთ ქალთა საერთაშორისო დღეს!🌻💛✨😊
07/03/2026

„სტუდია ეიდისი” გილოცავთ ქალთა საერთაშორისო დღეს!🌻💛✨😊

Address

ვაჟა-ფშაველას 76ბ
Tbilisi
0102

Opening Hours

Monday 10:00 - 18:00
Tuesday 10:00 - 18:00
Wednesday 10:00 - 18:00
Thursday 10:00 - 18:00
Friday 10:00 - 18:00

Website

Alerts

Be the first to know and let us send you an email when სტუდია ეიდისი • Studio Adc posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to სტუდია ეიდისი • Studio Adc:

Shortcuts

Share

Category