სარეაბილიტაციო და სოციალური ადაპტაციის ცენტრი "აისის "კავშირი შეიქმნა 2001 წელს.
ცენტრის მიზანია შეზღუდული შესაძლებლობების მქონე პირთა სოციალური ინკლუზიისა და ცხოვრების ხარისხის გაზრდის ხელშეწყობა მათი განათლების, დასაქმების, ფიზიკური რეაბილიტაციის და საზოგადოებაში ცნობიერების ამაღლების გზით.
2013 წლის 16 სექტემბრიდან ცენტრი ფუნქციონირებს ახალ შენობაში და ბენეფიციარებს სთავაზობს სერვისებს სამი პროგრამის ფარგლებში:
• სახელმწიფოს ბავშვთა აბილიტაციისა და რეაბილიტაციის პროგრამა - 0-6 წელი;
• სახელმწიფოს დღის ცენტრების ქვეპროგრამა - 6-18 და 18-45+ წელი;
• "აისის" დამოუკიდებელი ცხოვრებისთვის მომზადების პროგრამა 18 წელს ზემოთ შშმ პირებისთვის.
ცენტრის ბაზაზე ფუნქციონირებს: სასათბურე მეურნეობა, სამკერვალო, სასწავლო სამზარეულო, არტ თერაპიის სახელოსნო და მუსიკალური ოთახი, ღია სპორტული მოედანი და დახურული სპორტული დარბაზი, "აისის" მარანი და "ორცხობილეთი". ცენტრის მცირე სოციალური მეწარმეობა ჩვენი ბენეფიციარების ყოველდღიური ცხოვრების ნაწილი და შშმ პირთა დამოუკიდებელი ცხოვრებისთვის მომზადების ერთ-ერთი მიმართულებაა.