29/10/2026
🇬🇪🇪🇺 2026 წლის 14-16 ოქტომბერს ფსიქოთერაპიის ეროვნული ქოლგის, ფსიქოთერაპიის ქართული ფედერაციის წარმომადგენლებმა მონაწილეობა მიიღეს ფსიქოთერაპიის ევროპული ასოციაციის (EAP) 2026 წლის ბორდისა და საკომიტეტო შეხვედრებში.
წარმოგიდგენთ მოკლე ინფორმაციას მიმდინარე სიახლეების შესახებ:
- ფსიქოთერაპიის გამოწვევების შეჯამება ევროპაში
ევროპის სხვადასხვა სახელმწიფოების ეროვნული ქოლგა ორგანიზაციების წარმომადგენლებმა წარადგინეს მოხსენებები საკუთარ ქვეყნებში არსებული მდგომარეობის, მიღწევების, გამოწვევების და საკანონმდებლო სიახლეების შესახებ ამ მიმართულებით.
- მეცნიერება და პროფესიული პრაქტიკა
მონაწილეებმა შეაჯამეს უახლესი სამეცნიერო კვლევების შედეგები, ინფორმაცია მიმდინარე კვლევების შესახებ.
- ტექნოლოგიების გამოყენება და ეთიკა
ბორდმა ერთხმად დაუჭირა მხარი ეთიკის კომიტეტის მიერ წარდგენილ პროექტს EAP-ის ეთიკის კოდექსში მე-10 მუხლის დამატების სახით, რომელიც ტექნოლოგიების დახმარებით განხორციელებულ ფსიქოთერაპიას ეხება.
- ფსიქოთერაპიის ევროპულ ასოციაციის წევრი გახდა ევროპის კოგნიტურ-ბიჰევიორული ასოციაცია.
- ბორდის წევრებმა განიხილეს ფსიქოთერაპიის ევროპულ სტანდარტზე მუშაობის პროგრესი მიღწეული შედეგები და სამუშაო გეგმა.
რას ნიშნავს ეს ქართული ფსიქოთერაპიული საზოგადოებისთვის?
ევროპულ პროფესიულ დიალოგში უშუალო მონაწილეობა ქმნის შესაძლებლობას, საქართველოს ხმა ისმოდეს პროფესიული სტანდარტებისა და ეთიკური ჩარჩოების განხილვისას რათა ქართველ ფსიქოთერაპევტებს ჰქონდეთ პირდაპირი წვდომა მიმდინარე სიახლეებთან და საერთაშორისო სტანდარტებთან.
ფსიქოთერაპიის ქართული ფედერაცია GFP EAP-ის სრული წევრია 2014 წლიდან, ხოლო 2021 წლიდან ეროვნული ქოლგა ორგანიზაციის სტატუსით წარმოადგენს ქართულ ფსიქოთერაპიულ საზოგადოებას. ფედერაციის წევრები აქტიურად არიან ჩართული საკომიტეტო მუშაობის პროცესში და ხმის უფლებით მონაწილეობენ ბორდის შეხვედრებში რაც საქართველოს ევროპულ ფსიქოთერაპიულ საზოგადოებასთან აკავშირებს.
თვალი ადევნეთ ფედერაციის სიახლეებს და გაეცანით პროცესებს, რომლებიც ფსიქოთერაპიის მომავალს განსაზღვრავს.
#ფსიქოთერაპია #ფსიქოთერაპიისქართულიფედერაცია #კვალიფიციური #ფსიქოთერაპიისთვის #საქართველოში