Patronal Aedigal

22/07/2026

🌿 Onte tivemos a oportunidade de asistir á presentación dunha nova ferramenta deseñada para axudar ás entidades sociais a medir e mellorar o seu impacto ambiental.

Foi unha xornada moi enriquecedora na que coñecemos como se desenvolveu este instrumento e todo o traballo de análise, deseño e colaboración que hai detrás. Ademais, puidemos descubrir como esta ferramenta pode axudar ás organizacións a coñecer mellor a súa realidade, identificar oportunidades de mellora e avanzar cara a unha xestión máis sostible.

Queremos agradecer especialmente as achegas de Marta Rey, directora da Cátedra Inditex de Sostibilidade, así como de Alejandro Fernández, Sara García e Sara González, especialistas en sostibilidade e innovación social, por compartir os seus coñecementos e experiencias.

Marchamos con novas ideas, aprendizaxes e a convicción de que medir o impacto ambiental é un paso imprescindible para seguir construíndo organizacións máis responsables e preparadas para o futuro. 💚🌍

29/06/2026

✨ A IA tamén é cousa do terceiro sector.

Dende AEDIGAL, en colaboración con AEDIS, celebramos a xornada “Aplicación práctica da IA: ferramentas para entidades sociais”, unha actividade formativa que foi un rotundo éxito de participación e interese.

Da man de especialistas de OLAWEE Academy, achegámonos a ferramentas reais de intelixencia artificial aplicadas á xestión, á comunicación, aos proxectos ou aos recursos humanos das entidades sociais.

Porque a transformación dixital tamén debe chegar ao noso sector. E debe facelo con sentido, con criterio e ao servizo das persoas.

💡 A IA pode axudarnos a gañar tempo, mellorar procesos e centrarnos máis no que realmente importa: ofrecer mellores apoios.

Dende AEDIGAL seguiremos impulsando espazos de formación para que as entidades sociais non queden atrás nos grandes cambios que xa están aquí.

12/06/2026

Queres aprender a aplicar a IA no teu traballo diario?

AEDIGAL, xunto coa patronal AEDIS, organiza unha xornada formativa presencial sobre aplicación práctica da Intelixencia Artificial, pensada para mellorar a produtividade e facilitar tarefas do día a día.

Cando? Martes, 23 de xuño de 2026. De 9:30 a 13:30 h

Onde? Asociación Empresarial do Polígono do Tambre

Prazas limitadas: máximo 20 persoas

A formación contará con casos reais e exercicios guiados, e está dirixida especialmente a perfís directivos, RRHH, persoal técnico ou outros perfís interesados.

Solicita a túa participación enviando un correo a: [email protected]

04/06/2026

🤖 Queres aprender a aplicar a IA no teu traballo diario?

AEDIGAL, xunto con AEDIS, organiza unha xornada formativa presencial sobre aplicación práctica da Intelixencia Artificial, pensada para mellorar a produtividade e facilitar tarefas do día a día.

📅 Martes, 23 de xuño de 2026
🕤 De 9:30 a 13:30 h
📍 Asociación Empresarial do Polígono do Tambre
👥 Prazas limitadas: máximo 20 persoas

A formación contará con casos reais e exercicios guiados, e está dirixida especialmente a perfís directivos, RRHH, persoal técnico ou outros perfís interesados.

Solicita a túa participación enviando un correo a: [email protected]

29/05/2026

Dende AEDIGAL queremos poñer en valor a xornada Construíndo Emprego, organizada por FADEMGA Plena inclusión Galicia, na que tivemos a oportunidade de colaborar e compartir reflexións arredor dun reto esencial: seguir abrindo camiños reais para o emprego das persoas con discapacidade intelectual.

Foi unha xornada para recoñecer 25 anos de traballo, alianzas e compromiso colectivo. Pero tamén para mirar cara adiante e seguir impulsando modelos de emprego máis inclusivos, máis sostibles e máis conectados coa realidade das persoas, das entidades e das empresas.

Un dos momentos máis emotivos foi o recoñecemento póstumo a Valeriano Martínez, polo seu compromiso co emprego público inclusivo e polo impulso de medidas que abriron novas oportunidades para as persoas con discapacidade intelectual na Administración pública galega.

Dende AEDIGAL sumámonos a este recoñecemento e reafirmamos o noso compromiso coa construción dun mercado laboral no que a inclusión non sexa unha excepción, senón unha práctica compartida, planificada e con futuro.

Porque cando administracións, entidades sociais, empresas e profesionais traballamos da man, o emprego inclusivo deixa de ser unha meta afastada e convértese nun camiño posible.
A xornada conta coa colaboración da Xunta de Galicia a través da Consellería de Emprego, Comercio e Migración así como da Deputación da Coruña.

24/04/2026

Esta semana presentouse a “Estratexia galega de Contratación pública – Horizonte 2030”, nun acto celebrado na Egap - Escola Galega De Admibistración Pública, en Santiago de Compostela.

A xornada estivo centrada na presentación desta estratexia e na análise dos retos e grandes obxectivos da contratación pública nos vindeiros anos.

Para AEDIGAL, estar presente neste tipo de encontros é importante porque a contratación pública non é só unha cuestión técnica ou administrativa: tamén pode ser unha ferramenta para construír unha Galicia máis inclusiva, máis responsable e con máis oportunidades para as persoas.

21/04/2026

Participamos no I Congreso Nacional de Centros Especiais de Emprego de Iniciativa Social, organizado por Cegasal, onde se puxo sobre a mesa unha idea incómoda pero necesaria: non abonda con recoñecer dereitos, debemos convertelos en oportunidades laborais estables e sostibles.

AEDIGAL participou nesta xornada, sumando a súa voz a un debate urxente para o presente e o futuro do emprego inclusivo en Galicia e no conxunto do Estado.

Porque falar de inclusión laboral non é falar de excepcións, é falar de empresas, de dereitos, de compromiso público e de coherencia.

📢 Con esta participación, AEDIGAL reforza a defensa dun modelo de emprego con impacto social real, que xere oportunidades e poña ás persoas no centro.

17/04/2026

🍀O vindeiro 26 de maio, celebramos na Cidade da Cultura de Galicia a xornada “Construíndo emprego”.

Será unha xornada para mirar atrás con orgullo, pero tamén para mirar cara adiante con responsabilidade: porque falar de emprego das persoas con discapacidade intelectual é falar de dereitos, de apoios e de futuro. 📍

“Construíndo emprego” reunirá a administracións, empresas, profesionais, entidades sociais, persoas con discapacidade intelectual e familias para compartir reflexións, aprendizaxes e propostas arredor do emprego público, a formación adaptada, a innovación social, o emprego personalizado e as alianzas co tecido empresarial. 🤝

Porque construír emprego inclusivo é unha tarefa colectiva. E porque o futuro non se improvisa: pénsase, compártese e constrúese entre todas e todos!

🗓️ A participación é gratuíta, pero require inscrición previa ata o 20 de maio.
O aforo é limitado, así que anímate a reservar a túa praza, compartir esta información e sumar a túa voz a unha conversa imprescindible.
A xornada conta coa colaboración da Xunta de Galicia, a Deputación da Coruña, Fundación ONCE e a Fundación Cidade da Cultura.

28/01/2026

📢 AEDIS traslada ao Goberno a súa preocupación pola subida do SMI en 2026

A asociación valora o avance cara a salarios dignos, pero advirte de que, sen unha actualización axeitada do financiamento público, a subida do SMI pode poñer en risco a sustentabilidade das entidades do sector da discapacidade e o emprego que xeran, especialmente nos centros especiais de emprego de iniciativa social.

👉 Máis información na ligazón:

La asociación empresarial remite una carta a la ministra de Trabajo y Economía Social con propuestas para compatibilizar salarios dignos, empleo inclusivo y viabilidad de las entidades sociales.

18/12/2025

🍀 Hoxe foi día de reunións.
Representantes da patronal Aedigal, de Special Olympics Galicia, Fademga Plena inclusión Galicia mantivemos un encontro co Secretario Xeral de Emprego, Pablo Fernández López.
Un espazo de diálogo no que compartimos a nosa realidade como entidades sociais, os retos que afrontamos no eido do emprego e os proxectos de futuro nos que traballamos con ilusión e compromiso.
💡 Porque só dende a colaboración entre administracións e entidades é posible construír políticas que transformen.
Seguimos traballando con vontade de avanzar e coa vista posta no futuro!