11/10/2026
Até sempre, Tobo. A túa loita queda connosco.
Hoxe é un día triste para o nacionalismo galego e, moi especialmente, para o Ribeiro. Despedimos con fonda dor e inmenso agarimo o compañeiro Aristóbulo Quinteiro, o Tobo, un home que dedicou a súa vida á defensa da nosa Terra, da xente labrega e dos dereitos do povo galego.
Desde as loitas contra o encoro de Castrelo de Miño até a organización do movemento agrario, Aristóbulo estivo sempre ao lado da xente, defendendo con valentía e dignidade aquilo no que cría, mesmo nos tempos máis difíciles.
O Ribeiro perde un dos seus referentes, mais a súa loita, a súa coherencia e o seu exemplo permanecerán vivos na nosa memoria colectiva.
Desde o BNG do Ribeiro enviamos unha aperta fonda e sincera á súa familia e amizades.
Grazas por tanto, Tobo. Que a terra che sexa leve
Até sempre, compañeiro. Sempre na nosa memoria. ✊
