Asociación Artesans Canteiros de Ourense

Somos un colectivo de profesionais da cantería, talla, escultura e restauración acreditados na provincia de Ourense e a comunidade galega, con experiencia en feiras, e certames a nivel provincial, autonómico e nacional. En este espazo queremos compartir oficio, tradicións, artesanía, actualidade, exposicións, concursos, encontros e todo o relacionado coa cantería e o mundo da arte. A fala das pedr

as.....
a súa linguaxe é sen palabras, sen voz, son frases en baixo releve e a súa maxia rupestre, son os seus pensamentos nos capiteis, a súa voz granítica no eco das catedrais...

É satisfacción do canteiro saber que Galicia é un dos importantes santuarios da tradición e cultura ancestral vinculada a nosa identidade. Dende os petroglifos de Mogor, Campo Lameiro, a arte funeraria de Mombate, Rodeiro, Moura a arte Castrexa de Baroña, Tecla, Laxas, o románico, prerrománico, gótico, renacentista......, canteiros e pedra. Dende os lazos da tradición onde sempre estivo ese templo para asistir os oficios divinos penetrando nel, seguindo enterros ou formando parte do alegre cortexo de festas soadas, onde se celebran parlamentos políticos, alí onde se vai pedir consello ou implorar perdón....non hai edificación, monumento, capela ou igrexa na que non haxa que bendicir a obra dun canteiro.