GALP GOLFO Artabro NORTE

19/06/2026

🎬 SEGUIMOS GRAVANDO! | Mulleres referentes no sector do mar 🌊🦀

Continuamos poñendo en valor o papel fundamental das mulleres no noso litoral! Esta semana desprazámonos ata a Confraría de Pescadores de Mugardos para gravar o cuarto vídeo da nosa serie audiovisual sobre as Mulleres do Mar.

Nesta ocasión tivemos a oportunidade de coñecer a historia de Silvia Coba, que tras traballar no sector da hostalería decidiu dar un xiro á súa vida profesional para dedicarse ao marisqueo a pé. Hoxe, catro anos despois, destaca a conciliación e a liberdade que lle ofrece este oficio para compatibilizar a vida laboral e familiar. 🔄💪

Pero Silvia non está soa nesta nova peza audiovisual. Durante a rodaxe tamén nos acompañaron Pili, veciña de Mugardos e mariscadora de tradición familiar con arredor de 25 anos de experiencia no sector, e Patricia, que leva oito anos traballando na marea e representa unha nova xeración de mulleres comprometidas co futuro do marisqueo. ⚓🐚

Tres mulleres, tres traxectorias diferentes e unha mesma paixón polo mar. Porque detrás de cada marea hai esforzo, coñecemento, compromiso e unha profunda conexión co territorio. 💙

📸 Nas imaxes podedes ver un pequeno adianto da xornada de gravación e do traballo diario que realizan no marisqueo a pé na ría.

🎥 Moi pronto compartiremos o vídeo completo para que poidades coñecer de primeira man as súas historias e o importante labor que desenvolven no noso litoral.

🌊 Esta iniciativa forma parte das actividades de animación e divulgación 2026 do GALP Golfo Ártabro Norte para dar visibilidade ás persoas e profesións que fan posible o noso mar.

17/06/2026

📢 Esta tarde celebramos a Asemblea Xeral de Socios do GALP Golfo Ártabro Norte.

🕕 18:00 h
📍 Casa do Pescador de Miño

Agardamos contar coa participación das entidades socias.

16/06/2026

Almorzo cos medios de comunicación no Centro Cívico de Canido, en Ferrol ☕️🐟

Hoxe compartimos unha xornada moi especial para dar conta da actividade do GALP Golfo Ártabro Norte e debater sobre o futuro do noso litoral. Falamos de innovación, de transformación do sector, de diversificación económica e dun piar fundamental: a remuda xeracional no mar. 🌊⚓️

Queremos agradecer de corazón a asistencia, a sensibilidade e a gran cobertura de , Diario de Ferrol, TV Ferrol, , e . Grazas por dar voz e altofalante ao traballo da nosa comunidade costeira! 🎙️📰

Quen levou o protagonismo foron os proxectos que demostran que o noso sector está máis vivo que nunca. Moitas grazas por atender as entrevistas e amosar o voso labor: en 🏛️ Concello de Ferrol: Proxecto "Nós Mariñeir@s". 🛶 Confraría de Pescadores de Ferrol: Traballando pola competitividade, a formación e a comercialización a través da "Aula de Formación" e "A túa Lonxa". 🔧 Taller Náutico Móbil Sande: Un claro exemplo de relevo xeracional cun mozo emprendedor de só 21 anos que aposta polo futuro do sector auxiliar náutico. 🍫 Panadería Patricio: Pura innovación gastronómica coa súa sorprendente e deliciosa liña de chocolates con alga codium ou alga percebe.

Ademais, presentamos o ambicioso proxecto de cooperación autonómico que lideramos xunto a outros 6 GALPs galegos para a Transformación e Valorización do Produto Pesqueiro, un programa dotado con máis de 198.000 € para crear viveiros de emprendemento e potenciar as elaboracións artesanais e de V gama na nosa costa durante 2026 e 2027. 🚀

📍 Actividade incluída no Plan de Animación da EDLP 2026 do GALP Golfo Ártabro Norte.

Estade moi atentos/as, porque veñen en camiño moitas actividades de dinamización para seguir fortalecendo o noso territorio con accións formativas, de cociña sensorial e dirixidas aos escolares e aos mercados municipais! 😉

11/06/2026

🦑 Xa temos resultados!

Despois de varios meses de traballo e participación, chega o momento de compartir os resultados da Avaliación Intermedia da Estratexia do GALP Golfo Ártabro Norte 2023-2025.
Este proceso permitiu recoller as achegas de representantes do sector pesqueiro, entidades sociais, axentes económicos, administracións públicas e outros actores do territorio para analizar o desenvolvemento da Estratexia e identificar retos e oportunidades para a nosa zona costeira.

📅 Mércores, 17 de xuño
🕡 18:40 h
📍 Casa do Pescador de Miño

Neste foro presentaranse as principais conclusións do proceso e abrirase un espazo para compartir reflexións sobre o futuro do territorio.

👉 Participa, valora e decide o futuro da zona costeira!

10/06/2026

Coidar do mar e conciliar coa vida 🌊🦀

Dende o GALP Golfo Ártabro Norte lanzamos un novo vídeo da nosa serie de divulgación, e esta vez desprazámonos ata Miño para falar de marisqueo a pé dende unha perspectiva totalmente renovada, positiva e de futuro.

Sabías que o traballo no areal vai moito máis alá da extracción? As nosas protagonistas son auténticas xestoras do territorio: sementan, limpan as praias, vixían o recurso e miman especies de tanta calidade como a ameixa fina ou a xapónica. Son as encargadas de garantir que o motor do noso mar non pare de funcionar de xeito sostible. 🐚🌱

Pero se algo nos encanta do seu relato é como este oficio se converte nun aliado perfecto para a calidade de vida:

Autonomía e flexibilidade: Aínda que depende das mareas, a autoxestión do tempo permite un equilibrio real.

Conciliación: Un modelo laboral que demostra que se pode vivir do sector primario organizando o día a día á medida da vida familiar.

O marisqueo a pé rexuvenécese e profesionalízase con mulleres que lideran a protección do noso litoral con orgullo e moita enerxía.

Non te perdas este novo capítulo e déixanos un comentario contándonos que che pareceu! 👇🎬

08/06/2026

📢 Compartimos esta noticia sobre a participación da Cofradía de pescadores de ferrol en Turexpo Galicia, unha iniciativa enmarcada no proxecto “Promoción da Confraría de Pescadores de Ferrol - Xornadas, Feiras e Divulgación”.

🐟 A presenza neste tipo de eventos contribúe á promoción dos produtos da ría de Ferrol, á difusión da nosa cultura mariñeira e á posta en valor do traballo das persoas que viven do mar.

📍 O proxecto está promovido pola Confraría de Pescadores de Ferrol e foi tramitado a través do GALP Golfo Ártabro Norte, sendo aprobado pola Consellería do Mar na convocatoria 2024 para a súa execución durante as anualidades 2024, 2025 e 2026.

🌊 Esta actuación está financiada polo Fondo Europeo Marítimo, de Pesca e de Acuicultura (FEMPA), a través do GALP Golfo Ártabro Norte, cunha contribución do 70 % da Unión Europea e do 30 % da Consellería do Mar da Xunta de Galicia.

👉 Podedes ler a noticia completa no seguinte enlace La Voz de Galicia. Edición Ferrol:
https://www.lavozdegalicia.es/noticia/ferrol/2026/06/05/ria-ferrol-turexpo-silleda/00031780685513020532999.htm

La cofradía de pescadores de Ferrol promovió un «showcookin» y tuvo su propio «stand» en el Salón Turístico de Galicia

08/06/2026

📢 Compartimos esta publicación da Cofradía de pescadores de ferrol

Hoxe comezan os showcookings infantís organizados no marco do proxecto “Promoción da Confraría de Pescadores de Ferrol - Xornadas, Feiras e Divulgación”, unha iniciativa que achega aos máis pequenos os produtos da ría de Ferrol, promovendo o coñecemento da nosa cultura mariñeira e dos produtos pesqueiros locais.

👩‍🍳 Nesta primeira xornada participará o alumnado do Colexio San Rosendo, que poderá descubrir de forma práctica os valores nutricionais, culturais e gastronómicos dos produtos do mar.

📍 O proxecto está promovido pola Confraría de Pescadores de Ferrol e foi tramitado a través do GALP Golfo Ártabro Norte, sendo aprobado pola Consellería do Mar na convocatoria 2024 para a súa execución durante as anualidades 2024, 2025 e 2026.

🌊 Esta actuación está financiada polo Fondo Europeo Marítimo, de Pesca e de Acuicultura (FEMPA), a través do GALP Golfo Ártabro Norte, cunha contribución do 70 % da Unión Europea e do 30 % da Consellería do Mar da Xunta de Galicia.

03/06/2026

🌊 Miño sabe a mar.

Hoxe queremos achegarvos este vídeo realizado polo Concello de Miño no marco da iniciativa "Nova cociña mariñeira no Concello de Miño", un proxecto que pon en valor os produtos do mar, a gastronomía local e a identidade mariñeira do territorio.

A través desta iniciativa promóvese o coñecemento dos recursos pesqueiros e marisqueiros locais, reforzando o vínculo entre o mar, a restauración e a comunidade.

📍 Concello de Miño

O proxecto está promovido polo Concello de Miño e foi tramitado a través do GALP Golfo Ártabro Norte, aprobado pola Consellería do Mar na convocatoria 2025 para a súa execución nas anualidades 2026.

Esta actuación está financiada polo Programa do Fondo Europeo Marítimo, de Pesca e de Acuicultura (FEMPA), a través do GALP Golfo Ártabro Norte, cunha contribución do 70 % da Unión Europea e do 30 % da Consellería do Mar da Xunta de Galicia.

02/06/2026

👏 Facémonos eco desta publicación de Vegalsa Eroski sobre o programa educativo Capitán Mareas, unha iniciativa que achega a cultura mariñeira e o coñecemento dos produtos do mar ás novas xeracións.

⚓ Nesta nova edición participaron as Cofradía de pescadores de ferrol e a Cofradia de Barallobre , compartindo a súa experiencia e coñecemento para achegar ao alumnado do ámbito territorial a realidade do sector pesqueiro, o valor do produto local e a importancia do coidado do medio mariño.

🌊 A iniciativa contou tamén coa colaboración dos de Galicia, contribuíndo a reforzar a conexión entre o mar e a sociedade e a poñer en valor o papel das comunidades pesqueiras no desenvolvemento dos nosos territorios costeiros.

🐟 Coñecer a orixe dos alimentos, comprender o traballo das persoas que viven do mar e valorar a riqueza das nosas rías é fundamental para que as novas xeracións medren cun maior coñecemento e respecto polo noso patrimonio marítimo-pesqueiro.

👏 Parabéns a Vegalsa-Eroski, ás confrarías participantes e a todas as persoas e entidades implicadas nesta iniciativa educativa.