Lunes 09:00 - 14:00 Martes 09:00 - 14:00 Miércoles 09:00 - 14:00 Jueves 09:00 - 14:00 Viernes 09:00 - 14:00

GALP Golfo Ártabro Sur

Casa
España
Sada
GALP Golfo Ártabro Sur

Nesta páxina achegaremos información do GALP Golfo Ártabro Sur e da Convocatoria de axudas FEMPA

04/09/2026

🌊 Que é o patrimonio marítimo?
É moito máis ca barcos, portos ou construcións vinculadas ao mar. É tamén a memoria de quen viviu e traballou nel, os oficios, os coñecementos, as tradicións, as historias e todas aquelas formas de entender e relacionarse co mar que forman parte da nosa identidade.
Pero, como podemos conservar todo este patrimonio e facer que siga vivo no futuro?
Diso falaremos na IV Xornada Online Avanzando: “Patrimonio marítimo material e inmaterial: identidade, memoria e futuro”, un encontro para reflexionar sobre o valor do noso patrimonio marítimo, a súa conservación e a importancia de transmitilo ás novas xeracións.

📅 17 de setembro
⏰ 10:00 – 13:00 h
💻 Online, a través de Google Meet
👉 Inscríbete: https://forms.gle/JLAzRFFHxmnn346g8

03/09/2026

🌊 Setembro chega con novas actividades no GALP Golfo Ártabro Sur Durante este mes teremos diferentes propostas para achegarnos ao patrimonio natural, á alimentación e ao medio ambiente.

🎬 “Ás ao Vento”
O 11 de setembro ás 19:00 h, na sede do GALP, proxectaremos “Ás ao Vento”, da Sociedade Galega de Historia Natural, unha peza que nos achega ao noso patrimonio natural, material, inmaterial e á riqueza do litoral galego.

🏛️ IV Xornada Online Avanzando: “Patrimonio marítimo material e inmaterial: identidade, memoria e futuro”
O 17 de setembro, a través de Google Meet, terá lugar esta xornada do GALP, un encontro para reflexionar sobre o valor do noso patrimonio marítimo, a súa conservación e a importancia de transmitilo ás novas xeracións.

📝 Inscricións: https://forms.gle/JLAzRFFHxmnn346g8

🌿 Xornada sobre algas invasoras do Grupo Naturalista Hábitat
O 21 de setembro, o Grupo Naturalista Hábitat organizará unha xornada na sede do GALP para coñecer máis de preto a problemática das algas invasoras, o seu impacto nos ecosistemas e os retos que supón a súa presenza no noso litoral.

🍽️ Xornada de Batch Cooking do Proxecto Pesca SaúdeTerá lugar na OMIX de Sada o 22 e 23 de setembro. O batch cooking é unha forma de organizar e preparar con antelación diferentes elaboracións para facilitar unha alimentación variada e saudable ao longo da semana. Nesta ocasión, o produto do mar será o protagonista da actividade, dentro do proxecto de cooperación Pesca Saúde.

Anímate a participar! 🌊

patrimoniomaritimo

30/08/2026

Pesca Saúde chega a Pantín para poñer o sabor do mar antes e despois da onda 🏄‍♂️🐟

A foodtruck de Pesca Saúde estivo onte na praia de Pantín (Valdoviño), achegando o produto pesqueiro ao público a través de degustacións gratuítas co concepto “Antes e Despois da Onda”, da man de A Artesa da Moza Crecha.

Na xornada participaron Rosana González, xerente do GALP A Mariña-Ortegal, e
Rosana García, primeira tenente de alcalde do Concello de Valdoviño.

Ademais das degustacións, o espazo ofrece información sobre os beneficios nutricionais de incorporar peixe, marisco e outros produtos do mar á nosa alimentación, especialmente vinculados á práctica deportiva.

👉 E hoxe continuamos en Pantín! A foodtruck estará de novo na praia con máis degustacións e información durante a xornada.

27/08/2026

Queres traballar como patrón/oa de pesca? Ser patrón/oa implica asumir o mando e a responsabilidade dun buque pesqueiro, pero chegar ata aí require formación e experiencia no mar.
Neste carrusel contámosche cal é o itinerario para acceder a esta profesión, que estudos necesitas, os requisitos de cada titulación, onde podes formarte en Galicia e cal é o salario orientativo.
🌊 Descubre o camiño e dá o primeiro paso cara ao teu futuro no mar.

26/08/2026

🌊 O produto pesqueiro, o surf e a cociña xúntanse no Pantín Classic con Pesca Saúde 🏄‍♂️🐟
📍Os días 29 e 30 de agosto, a foodtruck de Pesca Saúde chega á praia de Pantín (Valdoviño) para amosarche como os alimentos do noso mar son o mellor aliado para a túa saúde e o rendemento físico 💪.
✨ Degustacións gratuítas co concepto "Antes e Despois da Onda" con A Moza da Artesa Crecha
📋 Información sobre os beneficios nutricionais da incorporación de peixe, marisco e outros produtos do mar na túa dieta.
🎥 Punto informativo aberto durante toda a xornada.
⏰ Horario de degustación:
• Sábado
- 11:45 h (Antes da Onda) e 13:45 h (Despois da Onda).
• Domingo
- 11:00 h (Antes da Onda) e 13:00 h (Despois da Onda).

21/08/2026

Hoxe achegámonos ata a Lonja de Sada para acompañar a ACERGA | Asociación de Armadores de Cerco de Galicia na presentación de "Saborear o cerco con peixe de ACERGA”, unha nova campaña que busca mostrar todo o que podemos facer con especies tan presentes nas nosas lonxas.

Unha xornada na que tamén coñecemos a súa nova app de receitas, unha ferramenta pensada para facilitar o consumo de peixe e descubrir novas formas de preparalo.

Desde o GALP Golfo Ártabro Sur apoiamos este tipo de iniciativas que contribúen a dar a coñecer o produto local, o traballo do sector pesqueiro e as posibilidades do peixe das nosas lonxas.

19/08/2026

Desde o GALP Golfo Ártabro Sur queremos expresar o noso máis sentido pésame á familia, amizades e compañeiros do mariñeiro falecido a bordo do Playa de Cesantes.

Todo o noso cariño e apoio nestes momentos tan difíciles.

17/08/2026

🐟 Como preparaban o peixe na antigüidade? Moito antes das neveiras e das conservas modernas, o peixe podía pasar por procesos ben diferentes antes de chegar á mesa. Un dos máis curiosos era o garum, unha preparación romana na que o peixe se mesturaba con sal e se deixaba fermentar. A mestura colocábase en recipientes e, durante o proceso, os líquidos que se ían formando recollíanse para obter unha salsa intensa, que se utilizaba como condimento. Os restos sólidos tamén podían aproveitarse noutros preparados, como o allec.
Outra técnica era a salgadura. O peixe abríase ou preparábase segundo a especie, cubríase con sal e deixábase repousar para eliminar parte da auga e dificultar o seu deterioro. Despois podía consumirse directamente ou empregarse noutras elaboracións.
Tamén se recorría ao secado: o peixe limpábase, abríase e deixábase perder auga ao aire e ao sol. Unha técnica especialmente útil para especies como o congro, que en Galicia mantivo esta tradición durante séculos. E había máis posibilidades: afumado, escabeche, salmoira... diferentes formas de transformar o peixe para poder conservalo durante máis tempo ou conseguir novos sabores. E algunhas destas técnicas, aínda que evolucionaron, seguen formando parte da nosa cultura gastronómica.

15/08/2026

🎉 Felices festas de San Roque e Santa María! Sabías que as festas populares forman parte do patrimonio cultural inmaterial?
Ademais de ser un espazo de encontro e celebración, contribúen a conservar tradicións, costumes e coñecementos que se transmiten de xeración en xeración. No Golfo Ártabro Sur, estas celebracións forman parte da identidade das nosas vilas e axúdannos a manter vivo un patrimonio que tamén fala da nosa historia, da nosa cultura e da nosa relación co mar. Boas festas! 💙

Dirección

Avenida Do Porto Nº21 Baixo, Sada A Coruña
Sada
15160

Horario de Apertura

Lunes	09:00 - 14:00
Martes	09:00 - 14:00
Miércoles	09:00 - 14:00
Jueves	09:00 - 14:00
Viernes	09:00 - 14:00

Página web

http://www.galpartabrosur.com/

Notificaciones

Sé el primero en enterarse y déjanos enviarle un correo electrónico cuando GALP Golfo Ártabro Sur publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.