ANPA MIÑO Castro Baxoi

Cómo llegar Página web

ANPA MIÑO Castro Baxoi Ocupados e implicados na educación dos nosos fillos e fillas. Castro Baxoi. Miño -A Coruña Actividade:
Asistir as nais e pais nas tarefas relativas á educación.

ANPA MIÑO é unha organización que carecendo de ánimo de lucro, ten como finalidade principal velar pola formación integral dos alumnos e alumnas do C.P.I. Colaborar coas actividades educativas e extraescolares do colexio. Promover a participación dos pais e nais no Centro. Facilitar a representación das nais e pais e do alumnado no Consello Escolar do Centro. Promover a gratuidade no ámbito do Centro. Promover a igualdade de dereitos de todos os alumnos e alumnas. Requirir dos poderes públicos o cumprimento da normativa. Informar a nais e pais das actividades da propia ANPA e fomentar a súa participación. Calquera actividade para contribuír a unha mellora na formación dos alumnos e alumnas.

💜 CURSO DE DEFENSA PERSOAL PARA MULLERES E NENAS A PARTIR DE 12 ANOS 💜Desde a ANPA Castro Baxoi organizamos esta activid...
04/11/2026

💜 CURSO DE DEFENSA PERSOAL PARA MULLERES E NENAS A PARTIR DE 12 ANOS 💜

Desde a ANPA Castro Baxoi organizamos esta actividade no marco da programación do 25 de novembro, Día Internacional da Eliminación da Violencia contra as Mulleres.

Unha xornada práctica para aprender a previr situacións de risco, gañar confianza, coñecer ferramentas de defensa persoal e reforzar a seguridade e a autonomía.

📅 Sábado, 21 de novembro
🕙 De 10:00 a 13:00 h
📍 Ximnasio do CPI Castro Baxoi

🥋 Durante o curso tamén se realizará un obradoiro práctico sobre o uso do spray de pementa e outros artigos de autodefensa, coñecendo as súas características e as precaucións necesarias.

👩‍👧 Dirixido a mulleres e nenas a partir de 12 anos.

⚠️ Prazas limitadas: máximo 20 persoas.
As persoas socias da ANPA terán preferencia na inscrición.

📲 INSCRICIÓNS A TRAVÉS DA APP DA ANPA CASTRO BAXOI.

Esta actividade conta co apoio e financiamento do Ministerio de Igualdade e da Xunta de Galicia.

💜 Porque a prevención, a confianza e a seguridade tamén se aprenden e se adestran. Agardámosvos!

PrevenciónDaViolencia Autoprotección

👻 QUE PASADA DE SAMAÍN TIVEMOS NO CPI CASTRO BAXOI! 🎃🦇30/10/2026Hoxe venres 30 de outubro enchemos o colexio de maxia, ...
31/10/2026



👻 QUE PASADA DE SAMAÍN TIVEMOS NO CPI CASTRO BAXOI! 🎃🦇

30/10/2026

Hoxe venres 30 de outubro enchemos o colexio de maxia, misterio, disfraces incribles e moita diversión! Desde a ANPA estamos encantadas e encantados de colaborar un ano máis subvencionando os obradoiros creativos e xogos cos que o noso alumnado pasou unha mañá de medo.

Mirade como gozaron cos xogos de lanzar ao caldeiro, as torres de fantasmas e as partidas xigantes! Todo iso sen esquecer a nosa tradicional degustación de castañas para celebrar o Magosto como merece. 🌰🔥

Grazas a todas as familias, docentes e rapazada por facer posible que o noso centro luzca tan vivo e participativo.

Pasádeo de susto este Nadal… digo, este Samaín! 🧛‍♀️🧙‍♂️✨



ComunidadeEducativa

28/10/2026

🎃👻 O Samaín tamén se celebra no comedor do CPI Castro Baxoi!

Hoxe o noso comedor vestiuse de Samaín para sorprender aos nenos e nenas cun ambiente cheo de detalles e espírito festivo. 🕸️🦇

Desde a ANPA Castro Baxoi encántanos ver como as profesionais do comedor e a empresa Jardanay coidan estes pequenos detalles en datas sinaladas. Son xestos que fan máis especiais os días do cole e que contribúen a crear un ambiente agradable e acolledor para o alumnado.

💚 Grazas polo voso traballo, pola dedicación e por poñer ese toque especial no día a día dos nosos pequenos!

🎃 Agardamos que desfrutedes moito deste Samaín!

📊 EDUCACIÓN EN MIÑO: UN FUTURO QUE CONSTRUÍMOS ENTRE TODOS E TODASO Concello de Miño e a ANPA Castro Baxoi queremos comp...
26/10/2026

📊 EDUCACIÓN EN MIÑO: UN FUTURO QUE CONSTRUÍMOS ENTRE TODOS E TODAS

O Concello de Miño e a ANPA Castro Baxoi queremos compartir os principais resultados da enquisa sobre o presente e o futuro da educación no noso municipio.

👏 En primeiro lugar, queremos agradecer ás 184 persoas que participaron e dedicaron parte do seu tempo a compartir as súas opinións, preocupacións e propostas. A vosa colaboración é fundamental para coñecer mellor a realidade educativa de Miño e identificar os aspectos nos que debemos avanzar.

📌 Que nos din os resultados?

🏫 O 88 % das persoas participantes considera moi necesaria a construción dun instituto en Miño.

🎓 O 89 % sinala que falta Bacharelato e o 66,5 % identifica a Formación Profesional como unha das etapas educativas que precisamos.

🛠️ No CPI Castro Baxoi, as principais prioridades de mellora son a cuberta (67,2 %), o horario da ESO (58,5 %) e as humidades (44,8 %).

🚌 O 70,4 % considera que o transporte escolar condiciona negativamente a organización dos horarios do alumnado.

💡 Tamén se recolleron propostas para ampliar a oferta educativa, mellorar as instalacións, reforzar a seguridade e favorecer unha mellor comunicación coa comunidade educativa.

Porén, hai un dato que nos invita á reflexión. En Miño hai máis de 900 nenos, nenas e mozos e mozas en idade escolar empadroados no municipio. Por iso, aínda que agradecemos sinceramente a participación de todas as persoas que responderon, dá certa mágoa que unha cuestión tan importante para o presente e o futuro da nosa vila non conseguise unha participación máis ampla.

Entendemos que cada familia ten as súas circunstancias e que non sempre é doado sacar tempo para participar. Con todo, cremos que a implicación das familias é esencial para que as necesidades e propostas da comunidade educativa teñan máis forza e poidan ser escoitadas.

🤝 Precisamente por iso, agardamos que, nas novas iniciativas e propostas nas que xa se está traballando, poidamos contar cunha participación cada vez maior das familias. A vosa voz, as vosas ideas e a vosa colaboración poden axudar a construír propostas máis completas e representativas das necesidades reais de Miño.

Esta enquisa é un

26/10/2026
🏫 BOAS NOVAS NO CPI CASTRO BAXOI!Desde a ANPA Castro Baxoi queremos compartir unha noticia positiva: o Concello de Miño ...
23/10/2026

🏫 BOAS NOVAS NO CPI CASTRO BAXOI!

Desde a ANPA Castro Baxoi queremos compartir unha noticia positiva: o Concello de Miño escoitou as nosas reivindicacións e acometeu a reparación do teito e da iluminación do ximnasio do CPI Castro Baxoi.

Esta actuación dá resposta a unha das necesidades que viñamos trasladando e supón unha mellora nun espazo fundamental para a actividade física e educativa do noso alumnado.

Aínda queda traballo por facer e outras necesidades ás que dar resposta, pero cremos que é importante recoñecer os avances e agradecer que as nosas peticións sexan escoitadas e se traduzan en actuacións concretas.

Desde a ANPA seguiremos traballando, colaborando e reclamando as melloras necesarias para que o noso centro conte cunhas instalacións seguras, dignas e adecuadas para toda a comunidade educativa.

Paso a paso, seguimos avanzando por un CPI Castro Baxoi mellor. 💙

02/10/2026
02/10/2026

📚 O Concello de Miño e a ANPA do CPI Castro Baxoi convidan ás familias con fillas e fillos en idade escolar, de Educación Primaria a Bacharelato, a participar nunha enquisa sobre as necesidades educativas do municipio.

🎯 O obxectivo é coñecer a realidade actual e contar con datos que permitan orientar futuras actuacións e reivindicacións ante as administracións competentes.

🏫 Entre as cuestións a analizar está a posible ampliación da oferta educativa de Miño cun instituto, así como a reorganización dos espazos do CPI Castro Baxoi para recuperar instalacións de uso educativo e comunitario.

📝 Participa aquí: https://forms.gle/rRquiX5FBr5SZntD7

🔺 O correo electrónico solicítase unicamente para garantir que cada persoa responda unha vez, non se almacenan nin rexistran os datos.

Dirección

Miño
15630

Horario de apertura

Lunes 09:00 - 17:00
Martes 09:00 - 17:00
Miércoles 09:00 - 17:00
Jueves 09:00 - 17:00
Viernes 09:00 - 17:00

Página web

Notificaciones

Sea el primero en enterarse: le enviaremos un correo electrónico cuando ANPA MIÑO Castro Baxoi publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir

Categoría

Organizaciones Sin Fines De Lucro cercanos

Otros Organización sin ánimo de lucro en Miño

Ver Todo