23/10/2026
O INSTITUTO DE ESTUDOS CHAIREGOS-IESCHA FELICITA Á ASOCIACIÓN DE VECIÑOS DE CABREIROS, AO CONCELLO DE XERMADE E Á UNIVERSIDADE DE SANTAIGO (USC) POLO PREMIO DE INICIATIVAS CULTURAIS 2026
Desde o Instituto de Estudos Chairegos (IESCHA) queremos expresar a nosa máis sincera felicitación á Asociación de Veciños de Cabreiros, ao Concello de Xermade. e á Universidade de Santiago de Compostela (USC) pola concesión do Premio de Iniciativas Culturais e Científicas 2026, no marco dos Premios da Crítica de Galicia, ao proxecto Cabreiros, máis de 25 anos dunha experiencia ruralcolectiva.
Este merecido recoñecemento pon en valor máis de dúas décadas de traballo colectivo a prol da recuperación e difusión da memoria, da identidade e do patrimonio cultural, así como da dinamización social e cultural do rural galego. Unha experiencia exemplar que demostra a importancia da colaboración entre a veciñanza, as institucións e o ámbito universitario para manter viva a cultura e fortalecer os lazos comunitarios.
Desde o IESCHA celebramos este galardón como un estímulo para todas aquelas iniciativas que, desde o compromiso colectivo, contribúen a preservar e transmitir o noso legado cultural e a construír un rural vivo, participativo e con futuro.
Parabéns a todas as persoas e entidades que fixeron posible esta magnífica traxectoria!
A XUNTA DIRECTIVA DO IESCHA
Vilalba, 23 de outubro de 2026
