16/06/2026
O pasado venres tivemos unha nova cita co noso programa “Coñecendo a veciñanza”, e desta volta acompañounos Rafa Corral, de Abellamoura (seguro que xa o coñecedes, larpeir@s 😉), que compartíu con nós a súa paixón polas abellas e polo medio ambiente.
Falounos de como lle naceu esta afección, de todo o que foi aprendendo ao longo dos anos e tamén do seu día a día levando adiante os seus proxectos. Descubrimos curiosidades sobre o fascinante mundo das abellas e da importancia que teñen para o equilibrio da natureza. Ademáis, trouxo algún material relacionado coa apicultura, como esos panais que vedes nas fotos, que puidemos observar de preto e tocar mentras nos explicaba o funcionamento. Sempre se presta máis cando, ademáis de escoitar, tamén podemos vivir o que nos contan!
Pero non só aprendimos nós!! A conversa deu para moito e as persoas máis maiores aproveitaron para recordar como era a apicultura antigamente nas aldeas, compartindo palabras, expresións e costumes que máis nov@s non coñecíamos. Da gusto ver como os recordos e a experiencia tamén forman parte da aprendizaxe.
Foi unha tarde xenial, entretida, participativa… Pasounos o tempo voando! E o mellor de todo é que Rafa chegou como convidado, pero marcho coma se nos coñecésemos de toda a vida!
Moitas grazas, Rafa, por compartir con nós tantos coñecementos, experiencia e a túa cercanía. Agardamos volver a verte!
