¿Cuál es el sitio web?

EuroEume

Cómo llegar Página web

Asociación sen ánimo de lucro, declarada de interese público, que traballa polo desenvolvemento rural

26/10/2026

🫂Convidámosvos a participar nas "Xornadas Colectivas de Coidados" que preparamos para o Día Internacional das Persoas Coidadoras. Nestas xornadas o coidado será o foco central, pero desde unha perspectiva colectiva, desde a comunidade.

No primeiro lugar, faremos unha actividade de autocoñecemento más creativa e artística para axundarnos a "destapar" as nosas inseguridades, da mán da nosa Promotora de Igualdade, Lúa Vila Blanco. Despois, a Asociación Española Contra o Cancro da Coruña ofrecerá unha charla de sensibilización sobre o cancro de mama. A continuación, faremos unha pequena pausa con petiscos para fortalecer as conexións dentro do grupo e coñecernos mellor e, finalmente, para pechar a xornada, faremos unha actividade centrada nos coidados colectivos, da mán da nosa Terapeuta Ocupacional, Beatriz Riaño Castro.

📍O xoves 5 de Novembro, ás 10:30 na Casa da Cultura de Pontedeume.
📍O venres 6 de Novembro, ás 10:30 no local Social da Asociación Veciñal As Campeiras (As Pontes).

É completamente gratuíto, só precisades traer unha esterilla e un mandilón.
Agardamos, para crear con vós un espazo seguro para o coidado e o coñecemento.

📝Prazas limitadas, apúntate para participar. Tlf. 981 44 06 68 (extensión 3)

Programa enmarcado no noso programa "Familias coidadoras", financiado polas axudas para fins sociais da Conselleria de Política Social e Igualdade da Xunta de Galicia con cargo á asignación tributaria do 0,7% do IRPF.

23/10/2026

E ti, de quen vés sendo?
.. esa pregunta máxica dos nosos avós e avoas que desenterraba a raíz da árbore xenealóxica.

21/10/2026

O vindeiro sábado, 31 de outubro retomamos as actividades do programa "Territorio de Familias" coa actividade "O mundo dos cogomelos no Monte Forgoselo".
⏰ A xornada comezará a partires das 10.00 no aparacamento de Casa Díaz, en Goente (As Pontes), situado xunto a Casa do Mel de Goente, coa entrega dos cadernos de campo para o recoñecemento das principais especies de cogomelos do Monte Forgoselo e unha pequena explicación das súas características e importancia.
🌻A partires das 11.00 realizaremos un pequeno roteiro pola zona de Goente dentro do Couto Micolóxico do Monte Forgoselo para aprender a identificar os cogomelos e recoller algúns exemplares para ver as súas principais características.

As prazas son limitadas, así que é necesaria a inscrición. Podedes facelo a través do correo electrónico [email protected]. Apurade que se acaban!!

Esta actividade forma parte do programa Familia e Comunidade, financiado pola Consellería de Política Social e Igualdade da Xunta de Galicia con cargo á asignación tributaria do 0,7 % do IRPF.

20/10/2026

💜👩‍🌾 O pasado venres, 16 de outubro, tiveron lugar as "Xornadas Enraizadas: Innovación, territorio e futuro", onde polo Día Internacional da Muller Rural compartimos momentos de aprendizaxe e reflexión e reivindicamos a importancia das mulleres no noso rural, como figuras activas non só no eido laboral e de oportunidades, senon tamén como transmisoras de saberes e do seu legado de cara ao fururo.

🌱🤝 Moitas grazas á Cooperativa por cedernos o espazo e facilitarnos en todo momento o encontro. Tamén a María de , e a Coqué, por guiarnos polo territorio da innovación a través da elaboración de menciñas naturais con herbas silvestres e cosmética con cera de abella e pola transmisión destes saberes dende a participación e a implicación.
E por suposto a Raquel de .atalaias, por poñer enriba da mesa cuestións tan importantes como a sororidade, os coidados e a reflexión dende a expresión das problemáticas, debilidades e fortalezas do rural e dende a colectividade, quedando así ben abertas as portas do Cooperativismo como unha alternativa profesional sólida e sostible que prioriza ás persoas, a igualdade e o desenvolvemento do territorio.

🥰🫂 Grazas tamén a todas as persoas que participaron na Xornada, que amosaron curiosidade e interese dende o primeiro momento e que nos fixeron sentir que o rural é simbolo de resistencia e de futuro.

💪⚖️Nós non imos marchar, seguiremos construíndo o futuro no rural!

19/10/2026

📚💜 ABERTO O PRAZO DE INSCRICIÓNS PARA "Escola de igualdade: educación afectivo-sexual para a prevención da violencia de xénero".

📢👀Formación de balde organizada pola en colaboración con EuroEume e , dirixida tanto ao profesorado como ás familias e que se desenvolverá dende o día 2 de novembro até o 23 de novembro.

🏠💻A formación será vía online en diferido, polo que cada semana, as persoas participantes, poderán acceder aos contidos a través dunha Aula Virtual ao seu ritmo e dende a casa.

👩‍🎓🧑‍🎓 Ademáis, o día 23 de novembro, de 17h00 a 19h00 e como peche da formación celebraremos unha xuntanza presencial para abrir un espazo de debate sobre os contidos traballados.
Nesta sesión contaremos tamén co asesoramento en redes de apoio de Yésica, , profesional especializada no ámbito da educación emocional, afectiva e sexual con formación en violencia de xénero e igualdade, entre outras.

✅️ Inscribite escaneando o código QR do cartaz, que tamén está colocado na porta principal e no taboleiro da entrada do centro escolar.
Ou, accede ao cuestionario de inscricións a través da seguinte ligazón (necesario estar rexistrada/o nunha conta de Google):
https://docs.google.com/forms/d/16vpDbU5eI45hgDwAUVgQ6ZLsF-QT9l0j8lzKAmxZLg8/edit

📨 Para máis información contacta a través dos seguintes correos electrónicos:
[email protected]
[email protected]

Actividade financiada ao abeiro da convocatoria SI449B da Dirección Xeral de Promoción da Igualdade, con fondos di Pacto de Estado contra a violencia de xénero.

15/10/2026

👩‍🌾✊️ Hoxe é 15 de outubro, Día Internacional da Muller Rural, e data na que conmemoramos e reivindicamos un rural onde as mulleres poidan vivir, traballar e emprender en igualdade; onde os servizos públicos e os recursos sexan de calidade para non ter que renunciar aos seus proxectos de vida no rural; onde o seu traballo sexa valorado e as súas voces se unan pola consecución de dereitos e recoñecemento e pola erradicación das desigualdades de xénero.

📷📢Dende EuroEume queremos reivindicar un rural vivo e recuperar, a través deste vídeo, a memoria das mulleres que nos precederon. Facémolo con fotografías do século pasado acompañadas das voces das mulleres de hoxe, para poñer en valor o diálogo interxeracional e recoñecernos na historia compartida: quen fomos, quen somos e quen seremos.

🫂🌱O poema "Voltar á casa" fala de volver ás raíces, de achegarnos ás nosas orixes e rescatar do pasado a razón para decidir cara onde imos e ata onde estamos dispostas a chegar.
《Nós non imos marchar》. Seguiremos contruíndo o futuro no rural!

💜👏 Grazas ás mulleres -e á nena- que recitaron e quixeron contribuír na creación deste vídeo para sementar forza coas súas gorxas no Día da Muller Rural.

10/10/2026

🫂Hoxe polo Día Mundial da Saúde Mental e baixo o lema "Fai match coa túa saúde mental", a Confederación Española quere seguir promovendo conxuntamente un mellor benestar psicosocial para a mocidade.

A OMS indica que un de cada sete persoas xóvenes de entre 10 e 19 anos ten algún tipo de trastorno de saúde mental, e o INE rexistra un aumento notable das condutas suicidas.

✊Isto pon de manifiesto a necesidade de construír o futuro desde unha abordaxe baseada nos dereitos para nenos/as, adolescentes e mocidade, incorporando as súas necesidades, experiencias e perspectivas no deseño de políticas e accións que os afectan.

En Euroeume, unímonos a este movemento para seguir promovendo un mellor benestar psicosocial da mocidade, e especialmente da mocidade que vive en zonas rurais e que ten aínda menos recursos.

Hoxe e sempre, amosa o que sentes, non te deixes en visto!

09/10/2026

A partires do día 22 de outubro, en colaboración con Cáritas As Pontes e , organizamos un Curso básico de Informática.
O curso vai dirixido a mulleres migrantes e realizarase no local de Cáritas As Pontes os xoves dendo o 22 de outubro ata o 19 de novembro, en horario de 10.00 a 12.00.
Os contidos do curso centraranse no manexo básico do ordenador, o correo electrónico, ferramentas de ofimática, e aquelas que podan axudar o fortalecemento das súas capacidades persoais e laborais.
O curso é gratuito e as prazas son limitadas, polo que é necesaria a inscrición. As mulleres interesadas en facer este curso poden facelo a través do teléfono 981 440 668 (extensión 3) ou do correo electrónico [email protected]
Esta actividade enmárcase no noso programa "Galicia Acolledora", financiado polas axudas para fins sociais da Conselleria de Política Social e Igualdade da Xunta de Galicia con cargo á asignación tributaria do 0,7% do IRPF.

08/10/2026

💥💌 XA TEMOS GAÑADORA DO PREMIO DE INVESTIGACIÓN ENRAIZADAS 2026 💌💥

🏆🧶O pasado día 5 de outubro, a resolución do xurado determinou que a obra gañadora do concurso foi "Tirando do fío", de Patricia Pena Barbeito, coordinadora da , do (Monfero).

💰📖Este Premio, organizado por Euroeume en colaboración co , consta de 300 euros para a persoa galardoada, e tamén da publicación da obra gañadora na revista "O Retorno".

🧺🧼Resaltamos da obra a investigación conxunta impulsada pola Biblioteca escolar no curso 2025/2026 na que participou todo o Centro Escolar a través da busca de información, en especial o alumnado de 3º, 4º, 5º e 6º de E.P. sobre o oficio das tecedeiras e as lavandeiras da Comarca do Eume.

🪡✍️Deste xeito, participaron e "tiraron do fío" para que a investigación se convertira tamén nunha experiencia préto das persoas maiores, de artistas locais, con visitas a museos, etc. para recoller as súas experiencias de xeito crítico e obxectivo, a través de testemuñas orais e documentais nas que resaltar os procesos de creación de ámbos traballos, recuperando e mergullándose, polo tanto, os oficios das lavandeiras e das tecedeiras.

🥳🎯Parabéns pola implicación e a cooperación que se aprecia trala obra e por acadar este recoñecemento!

01/10/2026

👩‍🦳👨‍🦳Hoxe, 1 de outubro, Día Internacional das Persoas Maiores, e baixo o lema "Xubilámonos do traballo, non da vida", queremos reivindicar que as persoas non perden o seu valor unha vez que deixan de traballar.

Os seus roles e actividades diarias simplemente cambian para que poidan seguir crecendo, aprendendo, descubrindose a si mesmas e cumprindo os seus soños. É outra etapa da vida onde as persoas maiores seguen a desempeñar un papel moi activo na sociedade e comunidade.

Tendemos a pensar que nos define unicamente o noso traballo, pero ao longo da vida desempeñamos diferentes roles que configuran a nosa identidade. Ao xubilarse, só "perdemos" o noso rol como traballadores, pero seguimos a encarnar moitos outros e podemos asumir outros novos. A nosa identidade permanece; simplemente precisa ser adaptada.

Aprendamos a cambiar a nosa perspectiva e evitar perder a nosa identidade e o noso valor despois da xubilación, porque seguimos a ser unha parte importante da comunidade na que vivimos.

Dirección

Puentes De García Rodríguez
15613

Página web

http://www.euroeume.org/

Notificaciones

Sea el primero en enterarse: le enviaremos un correo electrónico cuando EuroEume publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.