Fundación Museo Etnográfico Monte Caxado

16/06/2026

09/06/2026

🏛️🤝 Onte xuntámonos os CMF (Centros Museísticos de Ferrolterra) no interesante Centro de Interpretación de Caldoval de Mugardos, nun encontro de traballo para compartir experiencias, inquedanzas e proxectos de futuro para os nosos centros.

Con nós estivo a deputada de Cultura da Deputación da Coruña, Natividade González.

Os Centros Museísticos de Ferrolterra queremos agradecerlle publicamente o seu tempo, a súa atención e as súas orientacións. Moitas grazas polo seu compromiso coa cultura, coa memoria colectiva e co patrimonio do noso territorio. 😊

01/06/2026

🏺🔬 ArqueoTech: arqueoloxía e novas tecnoloxías para descubrir o pasado das Pontes 🔬🏺

O alumnado do IES Moncho Valcarce das Pontes presenta hoxe ArqueoTech, un innovador museo virtual de arqueoloxía que permitirá coñecer algúns dos principais achádegos arqueolóxicos localizados no noso concello ao longo da historia.

A través deste proxecto poderanse descubrir pezas que abranguen desde os primeiros machados neolíticos ata o coñecido vaso campaniforme da Vilavella, recreado en 3D para ofrecer unha nova forma de achegarse ao patrimonio arqueolóxico das Pontes.

A presentación terá lugar na I Feira Ponte na Ciencia, que se celebra esta mañá na carpa situada no patio do CEIP Santa María. A feira desenvolverase entre as 09:30 e as 13:30 horas, cun amplo programa de actividades abertas ao público, incluíndo exposicións científicas, demostracións experimentais en directo, actividades divulgativas e espazos interactivos deseñados e coordinados polo propio alumnado.

Desde a Fundación Museo Etnográfico Monte Caxado tivemos o pracer de colaborar nesta iniciativa, contribuíndo a achegar o patrimonio arqueolóxico local a un proxecto educativo que combina investigación, divulgación e novas tecnoloxías.

Parabéns ao alumnado e ao profesorado do IES Moncho Valcarce por este magnífico traballo.

🌐 Preme no enlace para acceder ao museo virtual ArqueoTech:
https://framevr.io/fllmuseo

31/05/2026

O pasado venres tivemos o pracer de recibir a visita de membros da Asociación Aspromor de Ortigueira e de A Xanela, Asociación Discapacitados Activos das Pontes.

Ademais de amosarlles o contido do noso museo, puideron desfrutar da exposición de pezas feitas con ferro reciclado de D. Manuel Armada.

Grazas a todos e a todas pola vosa visita!

27/05/2026

27/05/2026

📚✨ O Museo Etnográfico Monte Caxado presentará o vindeiro 10 de xullo un novo caderno do museo, unha edición moi especial realizada con motivo do 40 aniversario da creación da nosa entidade.

Neste novo número que foi financiado con cargo a unha achega económica de Cultura da Deputación da Coruña facemos un percorrido pola historia do museo dende os seus inicios ata a actualidade, repasando catro décadas de esforzo colectivo, recuperación da memoria, conservación do patrimonio e compromiso coa cultura popular das Pontes e da nosa comarca.

Como vimos facendo de maneira ininterrompida durante os últimos oito anos, a presentación terá lugar o venres previo ás Festas do Carme e da Fraga, unha data xa consolidada dentro da programación cultural do verán pontés. Precisamente por ese motivo decidimos facer público o cartaz con antelación, co obxectivo de evitar malos entendidos e posibles coincidencias indesexadas con outras actividades ou eventos.

Convidámosvos a todos e a todas a anotar esta data no voso calendario e a difundila entre os vosos contactos. Moi pronto iremos desvelando máis detalles desta publicación tan especial, coa que queremos render homenaxe a todas as persoas que fixeron posible estes 40 anos de historia do Museo Etnográfico Monte Caxado. ❤️

18/05/2026

✨ O ferro volve cobrar vida no Museo Etnográfico Monte Caxado a partir deste mércores.

Pasado mañá día 20 de maio inauguramos a II Exposición de Manuel Armada, unha mostra na que a creatividade, a reciclaxe e a arte únense para transformar vellas ferraduras e pezas metálicas en esculturas sorprendentes cheas de forza e personalidade.

Logo da magnífica acollida da súa primeira exposición, Manuel Armada regresa ao museo cunha nova selección de obras elaboradas con ferro reciclado, nas que o detalle, a imaxinación e o oficio artesanal converten materiais esquecidos en auténticas pezas artísticas.

📍 Museo Etnográfico Monte Caxado (As Pontes)
📅 Do 20 de maio ao 30 de xuño de 2026
🕒 Martes a venres de 18:00 a 19:30
🕒 Sábados, domingos e festivos de 11:30 a 13:00
🎟 Entrada de balde

Unha exposición que reivindica tamén o valor da reutilización, do traballo manual e da capacidade da arte para atopar beleza onde outros só ven ferro vello.

Agardámosvos! ⚒️🎨

08/05/2026

Hoxe recibimos a visita do incombustible Xurxo Souto (Laura Rabizal) xunto ao que tivemos a sorte de cantar e festexar a nosa lingua e cultura.

Graciñas a tod@s cant@s nos acompañáchedes neste serán tan agradable no noso Museo.

21/04/2026

Xa se pode adquirir o libro de Xosé María Ferro Formoso no museo para os que desexen mercalo

13/04/2026

📖✨ Presentación literaria no Museo ✨📖

O vindeiro domingo 19 de abril, o Museo Etnográfico Monte Caxado acollerá a presentación da segunda novela de X. M. Ferro Formoso, unha nova obra que afonda no misterio, na historia e na identidade do noso territorio.

Tras o éxito da súa primeira novela, o autor regresa cun relato envolvente ambientado na Galicia de finais do século XIX, no que se entrelazan investigación, intriga e elementos do noso imaxinario colectivo.

🗓️ Data: domingo 19 de abril
🕛 Hora: 12:00
📍 Lugar: Museo Etnográfico Monte Caxado

👉 Unha oportunidade única para coñecer de primeira man o proceso creativo do autor, descubrir os segredos da novela e compartir unha conversa arredor da literatura e da memoria.

🎟️ Entrada libre ata completar aforo