18/05/2026
Boas a todos!
Despois dunhas horas e aínda con moita resaca emocional, queremos darvos as grazas a todos os que nos acompañastes durante estes tres días de festa.
Grazas a todos os veciños e veciñas de Canedo, á nosa parroquia de Santo Tomé, á parroquia de San Adriano e aos Comercios de Lourenzá porque sen a vosa colaboración e apoio este festexo sería imposible.
A Sanbet Agencia , mil grazas por todo. Grazas por estes tres días e por tantos outros ao longo destes 4 anos. Sen os teus consellos, a túa dedicación e a túa axuda, nada disto sairía adiante.
Ao Concello de Lourenzá , grazas unha vez máis pola colaboración e pola axuda prestada.
Á Xunta de Galicia grazas por seguir facendo todo un pouco máis doado ano tras ano.
Á Pulpería Suso, Floristería Fabeiro e Balbino “O Fogueteiro”, grazas por aportar o voso gran de area e axudar a que todos puidésemos disfrutar dunha gran festa.
E, sobre todo, aos AMIGOS, FAMILIA E VECIÑOS: grazas polo voso apoio, pola vosa paciencia e pola axuda durante estes 4 anos.
Isto non é un adeus. É simplemente un pequeno respiro que necesitamos como comisión. E, como xa dixemos o domingo na sesión vermú, gustaríanos que houbese relevo e que se formase unha nova comisión para que esta festa siga viva moitos anos máis.
De corazón, MOITAS GRAZAS A TODOS ❤️
