10/05/2026
නමෝ බුද්ධාය..!
ටෙක්සාස් ලෝන්ස්ටාර් මහමෙව්නාව භාවනා අසපුවේ වප් මස සීල භාවනා වැඩසටහන 04 වැනි ඉරිදා දින අසපු භූමියේදී පවත්වන්නට යෙදුණි.
එදින හිමිදිරි උදෑසන, අප භාග්‍යවත් බුදුරජාණන් වහන්සේගේ උතුම් ධාතූන් වහන්සේලා උදෙසාත්, උතුම් බෝධිරාජයාණන් වහන්සේ උදෙසාත් කිරිආහාර දානය පූජා කිරීමත්, නොයෙක් පලතුරු, රසකැවිලි ආදී විවිධ පූජා ද්‍රව්‍ය පූජා කිරීමත් සිදු කරන ලදී.
උදෑසන උපෝසථ අට්ඨාංගික සීලය සමාදන් වී, දවස පුරා ධර්මශ්‍රවණමය සහ භාවනාමය පින්කම්වල නිරත වෙමින් බොහෝ පින් රැස්කර ගැනීමට පැමිණ සිටි පින්වතුන්ට අවස්ථාව සැලසිණි.
එදින උදෑසන කිරිආහාර දානය පූජා කරන ලද්දේ පින්වත් ගාමිණී බුලත්සිංහල මහතා සහ පින්වත් ලෙස්ලි මහතා විසිනි. එමෙන්ම, සියලු දෙනා වෙනුවෙන් දහවල් දානය පිරිනමන ලද්දේ පින්වත් සමීර මහතා විසිනි.
මෙම උතුම් පින්කමින් රැස් කළ සියලු පුණ්‍ය ධර්මයන්,
ගුරුදේවෝත්තම පින්වත් ලොකු ස්වාමීන් වහන්සේටත්, පින්වත් සියලු ස්වාමීන් වහන්සේලාටත් අනුමෝදන් වේවා!
පින්වත් ලොකු ස්වාමීන් වහන්සේටත්, පින්වත් සියලු ස්වාමීන් වහන්සේලාටත් නිදුක් නීරෝගී සුවය සැලසේවා! සුවසේ ශාසනික බ්‍රහ්මචර්යාවෙහි යෙදෙමින් පින් රැස් කරගනිමින්, උතුම් චතුරාර්ය සත්‍ය ධර්මය අවබෝධ කර ගැනීමට වාසනාව උදාවේවා!
එමෙන්ම, කිරි ආහාර දානය පූජා කළ පින්වත් ගාමිණී බුලත්සිංහල මහතාටත්, එම පවුලේ සියලු දෙනාටත්, පින්වත් ලෙස්ලි මහතා ඇතුළු එම පවුලේ සියලු දෙනාටත්, පින්වත් සමීර මහතා ඇතුළු එම පවුලේ සියලු දෙනාටත් මේ සියලු පින් අනුමෝදන් වේවා!
සියලු දෙනාට නිදුක් නීරෝගී සුවය සැලසේවා! සියලු යහපත් ප්‍රාර්ථනා ඉෂ්ට සිද්ධ වේවා! කරගෙන යන රැකීරක්ෂා සහ සියලු කටයුතු සාර්ථක වේවා! සුවසේ පින් දහම් රැස්කර ගනිමින් උතුම් චතුරාර්ය සත්‍ය ධර්මය අවබෝධ කර ගැනීමට වාසනාව උදාවේවා!
එමෙන්ම, මෙම උතුම් පින්කමට සම්බන්ධ වූ සියලු පින්වතුන්ටත්, නොයෙක් ආකාරයෙන් උදව් උපකාර කළ සියලු දෙනාටත්, පින් අනුමෝදන් වනු කැමති සියලු දෙනාටත් මේ සියලු පින් අනුමෝදන් වේවා!
සියලුදෙනා නිදුක් වෙත්වා! නීරෝගී වෙත්වා! සුවපත් වෙත්වා!
උතුම් චතුරාර්ය සත්‍ය ධර්මය අවබෝධ කර ගැනීම පිණිසම මේ සියලු පින් උපකාර වේවා!
තෙරුවන් සරණයි..!
