30/08/2026
اجلاسِ اہلِ حدیث یوتھ فورس لیاقت پور
مورخہ 30 اگست 2026ء بروز اتواربمقام مرکز اہل حدیث لیاقت پور میں اہلِ حدیث یوتھ فورس لیاقت پور کا ایک اہم تنظیمی اجلاس حافظ عبدالوحید صاحب کی زیرِ صدارت منعقد ہوا۔ اجلاس کا آغاز تلاوتِ کلامِ پاک سے ہوا، جس کے بعد صدرِ محترم نے اجلاس کے ایجنڈے، اغراض و مقاصد اور اس کی اہمیت و افادیت پر تفصیلی روشنی ڈالی۔
اجلاس میں جنرل سیکرٹری علی رضا شاہین نے شرکائے اجلاس کو آئندہ منعقد ہونے والی ریلی کی اہمیت، ضرورت، مقاصد اور دعوتی و تنظیمی افادیت سے آگاہ کیا اور اس سلسلے میں بھرپور شرکت کی ضرورت پر زور دیا۔
بعد ازاں صدرِ محترم حافظ عبدالوحید صاحب نے معزز اراکین کو ریلی کے حوالے سے ان کی ذمہ داریوں سے آگاہ کرتے ہوئے تمام احباب کو اپنی ذمہ داریاں احسن انداز میں ادا کرنے اور ریلی کو کامیاب بنانے کے لیے بھرپور کردار ادا کرنے کی تلقین کی۔
اجلاس میں شریک تمام معزز اراکین نے ریلی میں بھرپور شرکت، باہمی تعاون اور اسے کامیاب بنانے کے لیے پختہ عزم اور مکمل تعاون کا اظہار کیا۔ اس موقع پر تنظیمی نظم و ضبط، باہمی اتحاد اور دعوتی سرگرمیوں کو مزید مؤثر بنانے کے عزم کا بھی اعادہ کیا گیا۔
آخر میں اجلاس میں شریک تمام معزز اراکین کا قیمتی وقت نکال کر شرکت کرنے، تعاون اور بھرپور دلچسپی کا مظاہرہ کرنے پر تہہ دل سے شکریہ ادا کیا گیا۔
