Għaqda tal-Armar Festa Titulari Ħal Għaxaq

02/11/2026

🕯️ Illum, 𝟐 𝐭𝐚' 𝐍𝐨𝐯𝐞𝐦𝐛𝐫𝐮 – L-Għid tal-Erwieħ 🕯️

F'dan il-jum ta' tifkira u talb, l-Għaqda Mużikali Santa Marija ta' Ħal Għaxaq tixtieq issellem b'rispett u gratitudni l-memorja tal-bandisti, soċi, benefatturi u partitarji kollha li ħallew din id-dinja.

Il-memorja tagħhom tibqa' dejjem ħajja fostna. ❤️

🙏 Agħtihom, O Mulej, il-mistrieħ ta' dejjem, u d-dawl ta' dejjem jiddi fuqhom.

🕊️ Jistrieħu fis-sliem.

🕯️ Illum, 2 ta' Novembru – L-Għid tal-Erwieħ 🕯️

F'dan il-jum ta' tifkira u talb, l-Għaqda Mużikali Santa Marija ta' Ħal Għaxaq tixtieq issellem b'rispett u gratitudni l-memorja tal-bandisti, soċi, benefatturi u partitarji kollha li ħallew din id-dinja.

Il-memorja tagħhom tibqa' dejjem ħajja fostna. ❤️

🙏 Agħtihom, O Mulej, il-mistrieħ ta' dejjem, u d-dawl ta' dejjem jiddi fuqhom.

🕊️ Jistrieħu fis-sliem.

01/11/2026

Fi tmiem il-Jum għażiż tad-Domma tal-Fidi tal-Assunzjoni, qalbna tgħola lejn il-maħbuba Ommna, Padruna ta’ Raħalna !
Aħna tiegħek. Żomm ħarstek fuqna.💙

17/10/2026

SEBA’ GĦAJNEJN BIEX TARAH
Il-mezzettuni l-ġodda tal-vażetti tal-Pjazza

Fil-festa li għaddiet rajna s-sett magħruf bħala tal-“vażetti”, jiġifieri s-sett li fuqhom jintramaw it-18 -il pilandra tal-Pjazza u Triq Santa Marija; jiżżejjen b’mezzettun ġdid iddissinjat u maħdum b’esklussivita’ għal dan is-sett antik. Is-sett tal-vażetti perfett fil-forma u fid-dimensjonijiet tiegħu. Issa kif minnu jwarradu mdeheba l-pilandri trijonafali l-ġodda dan is-sett aktar spikka fil-forza dekorattiva tiegħu. Il-Pjazza xettlet bħala veru Ġenna tal-Art b’siġar mirakulużi jleqqu bid-deheb u jiddu d-dawl!

Kienu ilu jinħass il-bżonn ta’ mezzettun li jimla’ l-pannew sottili tan-nofs u fl-aħħar minn din is-sena bdew jinħarġu fil-glorja tagħhom kompluti. Ċoff li jmewweġ ħlejju mhemuż f’postu b’buttun medaljun, mxebblek miegħu weraq tar-rand u żebbuġ simboli tar-rebħa glorjuża fuq il-mewt u x-xewqa għall-paċi dinji. Kollox iddur mal-gamewa ovali tan-nofs bin-Nome di Maria dehbi fuq sfond ikħal bħal żmalt. Disinn ta’ still neo-klassiku li żżewweġ perfett mal-istil ekklettiku neo-gotiku li jitħallat mal-gost tal-bidu tas-Seklu, jiġifieri l-aqwa tal-lussu tal-Belle Époque.💙

16/10/2026

SEBA’ GĦAJNEJN BIEX TARAH .

Mifruxa matul il-ġimgħat li ġejjin ser inkunu qed noħorġu posts li huma maħsuba bħal lenti fuq id-dettalji li jsawwru l-armar titulari fil-festa tagħna. L-armar titulari f’Ħal Għaxaq hu storikament magħruf għal ħlewwa ta’ dettall, simboliżmu u l-artistrija tiegħu. Sena wara sena komplejna nikkonfermaw din l-iskema b’armar li hu kollu kemm hu ikkonċepiet bħala proġetti li jagħmlu mill-preċiżjoni u l-arti tad-dettal dekorattiv bħala l-elementi ċentrali tagħhom.

Bejn l-ammont ta’ proġetti varati ta’ kull sena u bejn l-abbundanza t’avvenimenti fil-qalba tal-festa forsi dak li jkun ma’ jkunx ħa ħinu sabiex japprezza l-finezza u r-riċerkattezza fid-dettal tal-armar artistiku tagħna. Għalkemm xorta min kellu jifli żgur ħaraq għajnejh u b’ġirja mar ġibed ritratt u dlonk ħa nota biex issa jara kif jista’ jitqanżaħ u joħroġ jqabbel kontra, hemm b***a aktar li japprezzaw daqqa t’għajn mill-qrib lejn il-ġmiel ta’ dekorazzjoni li tagħti ġieħ lill-armar titulari tagħna! Għaldaqstant dawn il-kitbiet huma maħsuba bħala lenti mitfugħa fuq għażla ta’ xi dettall artistiku minn xi biċċa armar partikulari.

Għax tassew l-armar tagħna trid seba’ għajnejn biex tarah!

08/10/2026

Bis-saħħa ta’ ġbir ta’ fondi u donazzjonijiet mis-soċi u partitarji tagħna b’risq l-Għaqda Armar Titulari, tul l-aħħar xhur inġabret somma tajba sew! Il-ġenerożita’ ta’ niesna waslet sabiex nkunu nistaw nakkwistaw biċċa għodda oħra importanti sabiex ikompli jissaħħaħ l-operat volontarju fl-imħżen tagħna. Tul dawn l-aħħar snin l-imħażen tagħna gawdew minn investiment kbir bis-saħħa ta’ fondi governattivi b’mod li xogħolna fis-snajja tagħna sar dejjem aktar faċli, sikur u professjonali. Dan l-akkwist ta’ ‘cross cut machine’ komplut bl-aċċessorji kollha jkompli jagħmilna kemm jista’ jkun indipendenti u jippermetti livell dejjem aktar għoli fil-proġetti tagħna!

Is-segwaċi tagħna issa draw jistennew minnha l-aqwa u l-aħjar, u żgur mhux fi ħsiebna li għas-sena 2027 niddiżappuntaw! Bl-imħażen kollha f’posthom wara tindif ġenerali qawwi mill-voluntiera tagħna u bil-kummissjonijiet ta’ disinni għall-drapp ġdid, statwi u skemi ta’ dekorattivi ulterjuri kollha impustati w konfermati; nistaw ngħidu li minn din il-ġimgħa bdejna l-proġetti tal-festa li ġejja b’enerġja liema bħala!
Stennew u taraw!

Dak il-ġmiel t’armar li qed jinħareġ sena wara l-oħra mhux biss frott ħidma u sagrifiċċju, imma huwa wkoll ir-riżultat ta’ nies li jaħdmu minn wara l-kwinti billi jiġbru b’risq l-armar b’mod li nkunu nistaw ninvestu fi bżonnijiet extra tagħna.

Għaldaqstant, minn qalbna nirringrazzjaw lil Grixti Romina u Marian Grixti flimkien ma Clarice Borg għall-ħidma kollha b’mod li tinġabar din is-somma. Niżżu ħajr lilkom is-soċi, partitarji u ħbieb tal-Għaqda tal-Armar tagħna tal-ġenerożita’ kbira tagħkom!

Santa Marija iġġedded u tkattar ġidkom! 💙

14/08/2026

Din is-sena sar xogħol ta’ restawr fuq il-Kolonna tal-Madonna tal-Marċ, biċċa oħra importanti mill-armar tal-festa tagħna li ngħatat mill-ġdid id-dehra li tixirqilha,dak ta' stil Venezjan.

Permezz ta’ dan ir-restawr, inkomplu nieħdu ħsieb u nippreservaw dak li ħallewlna ta’ qabilna, sabiex dan il-patrimonju jibqa’ jitgawda u jiġi apprezzat fis-snin li ġejjin.

Bi pjaċir qed nippreżentaw il-Kolonna tal-Madonna tal-Marċ wara x-xogħol ta’ restawr li sar fuqha, lesta biex għal darb’oħra żżejjen it-toroq tagħna fil-jiem tal-festa. 💙

13/08/2026

Din is-sena, Vjal il-Labour se jkun imżejjen b’żewġ bandalori ġodda li se jingħaqdu mal-armar tal-Festa Titulari ta’ Santa Marija.

Dawn iż-żewġ bandalori huma żieda ġdida mal-armar li jżejjen din it-triq matul il-jiem tal-festa, u se jkomplu jagħtu dehra isbaħ u aktar kompluta lil Vjal il-Labour.

L-isfumatura ta’ dawn il-bandalori saret minn Ryan Stivala. Żewġ opri ġodda li minn din is-sena se jkunu parti mill-armar tal-festa tagħna.💙

11/08/2026

B'enerġija u b'ferneżija frott ferħ ġenwin ħalli joħroġ kollox mill-imħażen tagħna, l-voluntiera tal-Għaqda tal-Armar għaddejja bħal sajjetta tarma' d-drapp mill-isbaħ tal-festa tagħna! Drapp li infirex u stgħana b'mod impressjonanti b'disinni soffistikati, qisien perfetti u preċiżjoni kif jiġu studjati għall-kuntest Għaxqi.

Settijiet oriġinali maħsuba għal kull triq. Il-Papati tal-Assunta u r-rebħa fuq id-dnub bil-pavaljuni u l-bandalori għal Vjal il-Lejber quddiem il-Kunsill Lokali. Il-profeti. Il-profeti li ħabbru lil Omm Alla u l-Glorja tal-Istilla Mattutina fi Vjal il-Lejber fejn il-Muċew tal-Bniet.

Is-sett ikħal u ċelest fi Triq Ġio' Marie Farrugia fejn nilmħu tributi lil artisti kbar li ħadmu b'risq it-Tempju w l-Każin mas-Santita' tal-Nome di Maria. L-Allegoriji ġganteski ta' Triq Santa Marija. L-arkati meraviljużi ta' wara l-Knisja li Evan Abela ħoloq bħal arazzi festivi jistennew il-passaġġ tal -Madonna tagħna. Il-ħlewwa ta' Triq San Pawl b'xita ta' ġmiemi barrokkeġġjanti. Triq Santa Marija spjanata b'filieri ta' drapp ħamran.
Bi ħrara nistennewk tgħaddi minn triqatna Sabiħa sinjura tagħna! Ara ftit x'ħejjejna għalik!