Rotary Club Veles

01/07/2026

Започнува новата ротаријанска 2026/2027 година!

Нова година значи нови можности, нови проекти и нови пријателства. Заедно продолжуваме да служиме, да инспирираме и да создаваме позитивни промени во нашата заедница.

Со посветеност, хуманост и заедничка работа, оваа година ќе се стремиме да оставиме трајно позитивно влијание таму каде што е најпотребно.

Да создадеме трајно влијание – заедно!

20/06/2026

Денес, во прекрасниот амбиент на Осоговска куќа, Ротари клуб Велес традиционално го одбележа примопредавањето на претседателската функција по повод почетокот на новата ротаријанска 2026/27 година.

Искажуваме искрена благодарност за посветеноста и придонесот до досегашниот претседател, Salev Blagoj, а на новиот претседател, Valentin Milanov, му посакуваме успешен мандат, многу инспирација и целосна поддршка во реализирањето на идните проекти.

Посебна благодарност до нашиот член Миле Манчев Milman Cartoon кој повторно се погрижи да имаме одлична атмосфера преку неговиот уникатен хумор и изработката и подарувањето на карикатури на наши членови, што го направи денешниот настан уште поубав и понезаборавен.

Заедно продолжуваме да служиме и да создаваме позитивни промени во нашата заедница.

09/05/2026

Денес, идниот претседател и идниот секретар на нашиот клуб за ротаријанската 2026/2027 година присуствуваа на PETS/SETS семинарот, каде беа презентирани целите и насоките за делување на Ротари Сојузот на Македонија за претстојната ротаријанска година, како и улогата, обврските и значењето на претседателот и секретарот во успешното функционирање и развој на Клубот организиран од Association of Rotary Clubs in North Macedonia, D1912

Семинарот претставуваше одлична можност за размена на искуства, стекнување нови знаења и подготовка за посветено и успешно водење на клубот, во духот на ротаријанските вредности, соработка и служба во заедницата.

04/05/2026

Со голема чест ја реализиравме традиционалната донаторска вечер - во духот на мисијата на Ротари. Оваа година под мотото заедно за побезбеден сообраќај, клучните пешачки премини во нашиот град ќе бидат дополнително обележани со трепкачки светлосни сигнали од собраните средства.
Присуството и поддршката од нашите пријатели сограѓани, од пријателите од останатите Ротари клубови во нашата држава и пријателите од Rotary club Celje Словенија претставува еден силен показател дека заедно градиме заедница со вредности и визија.

28/04/2026

На 23 април, во Ликовниот салон, беа доделени наградите и признанијата од успешно организираниот ликовен конкурс, кој веќе традиционално го реализира нашиот Ротари клуб.

Конкурсот привлече голем број талентирани учесници од повеќе градови низ нашата држава. Од страна на стручното жири, составено од докажани професионалци во уметноста, беа избрани најуспешните, најталентираните, најкреативните и најоригиналните уметнички изрази, за кои беа доделени соодветни награди и признанија.

Изразуваме искрена благодарност до сите учесници и поддржувачи на овој настан.

Ротари и понатаму останува посветен на промоција на младите таленти и уметноста.

24/03/2026

Inner Wheel Club Veles - District 255 свечено одбележа 15 години од основањето.

Горди сме на континуитетот, хуманоста и посветеноста кон заедницата што заеднички ги градиме низ годините. Inner Wheel Club Veles е силен пример за тоа како визијата и вредностите на ротаријанството живеат и се развиваат.

Им честитаме за јубилејот и им посакуваме уште многу успешни години исполнети со добри дела и инспирација.

21/03/2026

Нашиот член, скулпторот Ангел Коруновски, ја претставува својата самостојна изложба „Лица“ во Македонскиот културно-информативен центар во Белград.

Неговото творештво, кое ги отсликува тивките и често невидливи приказни на современиот човек, е уште еден доказ дека уметноста има моќ да зборува таму каде што зборовите молчат.

Горди сме на сите успеси на нашите членови – заедно во служба на заедницата.

Денеска во 19 часот во Македонскиот културно - информативен центар во Белград ќе биде претставена самостојната изложба на скулпторот Ангел Коруновски

21/03/2026

Во духот на ротаријанството, потсетуваме на вредноста на уметноста и креативноста во нашата заедница.
Нашиот член Миле Манчевски со своето долгогодишно творештво е вистински амбасадор на културата.

Карикатуристот Миле Манчевски со изложба во Велес за 40 години творештво

18/03/2026

Генералниот секретар на Владата на РМ, Игор Јанушев, беше гостин - спикер на редовниот состанок на Ротари Клуб Велес.

Во духот на ротаријанството, остваривме отворен и конструктивен дијалог за предизвиците на државно ниво и можностите за заеднички придонес во развојот на Велес и регионот.

09/03/2026

Градоначалникот на Општина Велес, Марко Колев и претседателот на Советот на Општина Велес, Даниел Јаневски, вечерва беа гости-спикери на состанокот на Ротари Клуб Велес.

Во отворена и конструктивна дискусија се разговараше за повеќе теми поврзани со актуелната состојба, предизвиците и идниот развој на Велес и неговата околина.

Соработката меѓу Ротари клуб Велес и Општина Велес продолжува и во иднина — заедно во служба на заедницата.