04/06/2026
Форум за Авангардна Креативност - Прилеп (ФАК) го финализираше проектот „Педали и Приказни“ на кој во партнерство со НВО Go Green од Скопје работеа повеќе од половина година, помогнати од фондацијата HEARTEFACT, во соработка со Општина Прилеп, НУЦК Марко Цепенков, СОУ Ристе Ристески Ричко, СОУ Ѓорче Петров и CLS Equipment.
Низ пет засебни епизоди им се претставивме на граѓаните на Прилеп преку активности за промовирање на јавниот простор како место за културни настани, слободен израз и граѓанска поврзаност, препознавање на вело-културата како дел од урбаното живеење,при тоа поврзувајќи ги младите луѓе со градот и со природата.
Проектот „Педали и приказни“ одговара на овие предизвици со тоа што ја отвора културата кон улицата, создава простор за дијалог, уметност и активизам и ја приближува до заедницата преку пристапен, одржлив и ангажиран формат.
Паралелно со активностите кои се одвиваа на плоштадот во центарот на градот и низ прилепските улици, учениците и нивните ментори во СОУ Ристе Ристески Ричко изработија мурал кој ќе претставува едно сеќавање на убавите моменти поминати при реализацијата на проектот.
Среќни сме заради воспоставеното ново партнерство со НВО Go Green и упатуваме огромно Благодарам на фондацијата HARTEFACT, Општина Прилеп, Средните Општински Училишта „Ристе Ристески Ричко“ и „Ѓорче Петров“ и CLS Equipment за поддршката при реализирањето на проектот.
ФАК ќе биде и понатаму со вас и ќе ве изненадува со интересни проекти како што тоа го прави веќе 27 години наназад !